Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

Կենսագրություն

Հայկ Մկրտչի Գրիգորյան
 
Իրավաբանական գիտությունների թեկնածու, 
Արդարադատության առաջին դասի խորհրդական





Ծնվել է 1976 թվականի սեպտեմբերի 15-ին, Երևան քաղաքում: 1994 - 1996 թթ. ծառայել է ՀՀ Զինված ուժերում:

2001 թվականին գերազանցությամբ՝ ոսկե մեդալով, էքստեռնով ավարտել է ՌԴ պաշտպանության նախարարության ռազմական համալսարանի՝ հատուկ մասնագիտացված դատախազաքննչական ֆակուլտետը:


Մասնագիտական գործունեություն
 

2001 - 2006 թթ.- աշխատել է ՀՀ զինվորական դատախազության 2-րդ, 3-րդ և Երևանի  կայազորներում՝ նախ  որպես քննիչ, ապա՝ ավագ քննիչ:
 
2006 թվականին ընդունվել է ՌԴ ՊՆ ռազմական համալսարանի ադյունկտուրա։ 2009 թվականին պաշտպանել է թեկնածուական ատենախոսություն:


2009 -2010 թթ. - ՀՀ ՊՆ քննչական ծառայության վերահսկողության, մեթոդիկայի և վերլուծության բաժնի ավագ քննիչ։


2010 -2011 թթ. - ՀՀ ՊՆ քննչական ծառայության 2-րդ կայազորային քննչական բաժնի պետ։
 
2011 - 2014 թթ. - ՀՀ ՊՆ քննչական ծառայության պետի տեղակալ:

2014 - 2015թթ. - ՀՀ քննչական կոմիտեի զինվորական քննչական գլխավոր վարչության պետի տեղակալ:

2015
- 2018թթ. - ՀՀ քննչական կոմիտեի նախագահի տեղակալ, զինվորական քննչական գլխավոր վարչության պետ:  


ՀՀ կառավարության՝ 2018 թվականի հուլիսի 10-ի որոշմամբ նշանակվել է ՀՀ քննչական կոմիտեի նախագահ։


2013-2014թթ. ՌԴ և ՀԱՊԿ անդամ պետությունների բարձրագույն ռազմական կրթության ռազմաուսումնական հաստատությունների ընդունելության հանձնաժողովի որոշմամբ և 08.08.2013թ. ՀՀ պաշտպանության նախարարի թիվ 878 հրամանով հեռակա ուսուցմամբ ընդունվել է ՌԴ ՊՆ Ռազմական համալսարանի դոկտորանտուրա, որտեղ հաստատվել է դոկտորական ատենախոսության թեման՝ «Զինված ընդհարման ժամանակ հակամարտող կողմերի կատարած պատերազմական հանցագործությունների քննության միջազգային իրավական և կազմակերպչական հիմունքները» վերտառությամբ:

Հեղինակ է 45 գիտական հոդվածների ու աշխատությունների:

Աշխատանքային գործունեության ընթացքում ստացել է մի շարք պարգևներ: Պարգևատրվել է «Մարշալ Բաղրամյան», «Անբասիր ծառայության համար 1-ին աստիճանի», «Անբասիր ծառայության համար 2-րդ աստիճանի», «Վազգեն Սարգսյան», «Ռազմական համալսարանի 90-ամյակ», «ՀՀ Զինված ուժեր 20 տարի», «Անձնվիրություն և անվեհերություն, «Միջազգային համագործակցման ամրապնդման», «Գերազանց ծառայության  համար» գերատեսչական մեդալներով, «ԼՂՀ պաշտպանության բանակ» հուշամեդալով, 2 անգամ «ՀՀ Վարչապետի հուշամեդալ»-ով, մի շարք պատվոգրերով:

Ամուսնացած է, ունի երկու երեխա: