Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

ՀՀ քննչական կոմիտեի նախագահի շնորհավորական ուղերձը՝ ՀՀ փաստաբանների մասնագիտական տոնի՝ փաստաբանի օրվա առթիվ

06.12.2019 12:34

Հարգելի պարոն Զոհրաբյան,

Սրտանց շնորհավորում եմ Ձեզ և ՀՀ փաստաբանների պալատի բոլոր փաստաբաններին մասնագիտական տոնի՝ փաստաբանի օրվա առիթով:

Փաստաբանությունը ստեղծագործական մասնագիտություն է, որը պահանջում է գիտելիքների բարձր մակարդակ, պատշաճ փորձառություն, մասնագիտական ու գործնական որակներ, իսկ որ ամենակարևորն է՝ կարեկցանք մարդկային ճակատագրերի հանդեպ: Այսօր Ձեր հպարտության և հաջողության գրավականը պալատի փաստաբանների պատկառելի թիվն է և այն ընդհանուր գործը, որով դուք զբաղվում եք՝ հիմնվելով օրենքի գերակայության, մարդասիրության և անկախության սկզբունքների վրա: Լիահույս եմ, որ սկզբունքայնությունն ու պատասխանատվությունը, կոմպետենտությունն ու ազնվությունը, հավատարմությունն ու շիտակությունը քաղաքացիների ու իրավաբանական անձանց իրավունքների, ազատությունների և օրինական շահերի պաշտպանությանն ուղղված ջանքերում կան և կմնան որպես Ձեր ամենօրյա աշխատանքի անխախտ սկզբունքներ:

Վստահ եմ, ու Ձեր մասնագիտական գործունեությունը որակյալ իրավաբանական օգնության ցուցաբերման բնագավառում այսուհետ ևս կշարունակի իրականացվել բարձր մակարդակով, իսկ Ձեր արհեստավարժությունը, իրավաբանական գիտելիքներն ու մասնագիտական հմտությունները կլինեն մշտապես պահանջված:

Մաղթում եմ Ձեզ, հարգելի գործընկերներ, հաջողություններ և նորանոր ձեռքբերումներ, խաղաղություն ու բարօրություն: Թող հաջողությունը և մասնագիտական պատվախնդրությունը մշտապես ուղեկցեն Ձեզ:


Մեկնաբանություններ
Ձեր էլ.հասցեն մնում է գաղտնի