Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

Քննչական կոմիտեի կին ծառայողները Թբիլիսիում մասնակցել են «Կանայք ոստիկանությունում» թեմայով ամենամյա համաժողովին

10.03.2016 15:47


ՀՀ քննչական կոմիտեի կին ծառայողները Վրաստանի Թբիլիսի քաղաքում մասնակցել են «Կանայք ոստիկանությունում» թեմայով հինգերորդ ամենամյա համաժողովին՝ կազմակերպված Հայաստանում և Վրաստանում ԱՄՆ պետքարտուղարության թմրամիջոցների դեմ պայքարի և իրավապահ համագործակցության բյուրոյի կողմից։

Համաժողովի ընթացքում քննարկվել են երեխաների նկատմամբ բռնության դեպքերի, թրաֆիքինգի քննության, հանցագործության դեպքի վայրի զննության առանձնահատկություններին, թմրամիջոցների ապօրինի շրջանառության ոլորտում վերջին զարգացումներին, մարդու առևանգմանը և պատանդ վերցնելու հետ կապված քննության պրակտիկ հմտություններին վերաբերող հարցեր։ Կին իրավապահներն ուսումնասիրել են նաև ինքնապաշտպանություն և պաշտպանողական տակտիկա։

Համաժողովի ընթացքում պատվիրակության անդամներն ակտիվ մասնակցել են թեմաների քննարկմանը և ծրագրի կազմակերպիչներին ներկայացրել առաջարկություններ՝ հետագա ծրագրի շրջանակներում  քննարկման ենթակա թեմաների վերաբերյալ։

Համաժողովին մասնակցած ՀՀ քննչական կոմիտեի  պատվիրակությունը բաղկացած է եղել 7 կին ծառայողներից, նրանց թվում՝ ՀՀ ՔԿ տարածքային քննչական վարչությունների գործունեության վերահսկողության գլխավոր վարչության ՀԿԳ քննիչ Ասյա Ղալթախչյանը, կազմակերպական-վերլուծական բաժնի ավագ քննիչ Սեդա Պողոսյանը, Լոռու մարզային քննչական վարչության ՀԿԳ ավագ քննիչ Լուսինե Վարդանյանը, Էրեբունի և Նուբարաշեն վարչական շրջանների քննչական բաժնի քննիչ Աննա Խաչատրյանը, Ավան և Նոր Նորք վարչական շրջանների քննչական բաժնի քննիչ Մարիաննա Գուրօղլյանը, Արաբկիր վարչական շրջանի քննչական բաժնի ավագ քննիչ Լիանա Մարկոսյանը և նույն բաժնի քննիչ Սոֆի Թորոսյանը:

 

 


Մեկնաբանություններ
Ձեր էլ.հասցեն մնում է գաղտնի