Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

Տեղի է ունեցել Հասարակական մոնիտորինգի աշխատանքային խմբի հերթական հանդիպումը (լուսանկարներ)

08.07.2019 14:16

Այսօր Հայաստանի Հանրապետության Քննչական կոմիտեի նախագահի տեղակալ, զինվորական քննչական գլխավոր վարչության պետ Արտակ Կրկյաշարյանի գլխավորությամբ, տեղի ունեցավ հանդիպում-քննարկում հասարակական մոնիտորինգի խմբի անդամների հետ:

Հանդիպման ընթացքում քննարկվել են մի շարք աշխատանքային հարցեր: Ձեռք են բերվել պայմանավորվածություններ:

Հաշվի առնելով վերջին շրջանում ԶԼՄ-ներում շրջանառվող տեղեկատվությունը, թե խմբի գործունեությունը խաթարվել է` ևս մեկ անգամ հարկ ենք համարում նշել, որ Հասարակական մոնիտորինգի խումբը շարունակում է աշխատել ինտենսիվ:

Խումբն այսուհետև հանդիպումներ է գումարելու յուրաքանչյուր երկու շաբաթը մեկ՝ ընթացիկ հարցեր քննարկելու նպատակով:

Հիշեցնենք, որ Հայաստանի Հանրապետության քննչական կոմիտեի և հասարակական կազմակերպությունների միջև ստորագրվել է համաձայնագիր՝ զինվորական ծառայության ընթացքում մահվան դեպքերի առթիվ հարուցված առանձին քրեական գործերով նախաքննության ընթացքում հնարավոր բացթողումներն ի հայտ բերելու և վիճարկվող հանգամանքների վերաբերյալ հանրային հետաքրքրությունը փարատելու, ինչպես նաև՝ այդ հանգամանքների տարաբնույթ մեկնաբանությունները բացառելու նպատակով հասարակական մոնիտորինգի աշխատանքային խումբ ստեղծելու մասին:


Մեկնաբանություններ
Ձեր էլ.հասցեն մնում է գաղտնի