Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

ՀՀ քննչական կոմիտեի նախագահի հանձնարարականը՝ Հայաստանի Հանրապետության քննչական կոմիտեում քննվող քրեական գործերով դատավարական փաստաթղթերը «Էլեկտրոնային նախաքննություն» ծրագրով կազմելու և առցանց հաշվառելու մասին

18.12.2017 11:22
          ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 
                                                                                      ՔՆՆՉԱԿԱՆ ԿՈՄԻՏԵԻ ՆԱԽԱԳԱՀԻ


                                                                                                       Հանձնարարական՝



 14.12.2017թ. ք. Երևան  Թիվ N 178-Լ





Հայաստանի Հանրապետության քննչական կոմիտեում (այսուհետ՝ Կոմիտե) քրեական գործերով միասնական և առցանց հաշվառում իրականացնելու համար դատավարական փաստաթղթերը Կոմիտեում ներդրված «Էլեկտրոնային նախաքննություն» ծրագրով կազմելու նպատակով և ղեկավարվելով «Հայաստանի Հանրապետության քննչական կոմիտեի մասին» օրենքի 12-րդ հոդվածի 2-րդ մասի 3-րդ կետով՝

 

Հանձնարարում եմ՝


 1. Կոմիտեի մինչդատական վարույթ իրականացնող մարմինների և ստորաբաժանումների քննիչներին՝


1) 2018թ. հունվարի 1-ից հետո հարուցված քրեական գործերով  քրեական գործ  հարուցելու, վարույթ ընդունելու, որպես մեղադրյալ ներգրավելու, քրեական գործով վարույթը կասեցնելու, քրեական հետապնդումը դադարեցնելու, քրեական հետապնդում չիրականացնելու, քրեական գործի վարույթը կարճելու մասին որոշումները և մեղադրական եզրակացությունները կազմել «Էլեկտրոնային նախաքննություն» ծրագրով,

2) ծրագրում առկա իրավական կամ տեխնիկական վրիպակների, սխալների հայտնաբերման դեպքում փաստաթղթի «word» տարբերակում կատարել համապատասխան ուղղումները և այդ մասին գրավոր տեղյակ պահել Կոմիտեի կազմակերպական-վերլուծական բաժին:

2. Կոմիտեի մինչդատական վարույթ իրականացնող մարմինների և ստորաբաժանումների պետերին՝ հսկողություն իրականացնել սույն հանձնարարականի պահանջների պատշաճ կատարման նկատմամբ:

3. Կոմիտեի դեպարտամենտի անձնակազմի կառավարման վարչության պետին՝ նախաքննություն իրականացնող քննիչների պաշտոնի նշանակման, ազատման, հաստիքների կամ կոչումների փոփոխության մասին բոլոր հրամանների օրինակները անհապաղ ուղարկել Կոմիտեի կազմակերպական-վերլուծական բաժին:

4. Կոմիտեի կազմակերպական-վերլուծական բաժնի պետին՝ ապահովել Կոմիտեի նախաքննություն իրականացնող քննիչների նշանակման, ազատման, հաստիքների կամ կոչումների փոփոխության դեպքում «Էլեկտրոնային նախաքննություն» ծրագրում համապատասխան փոփոխությունը, ինչպես նաև օգտատերերի անվանումների և գաղտնաբառերի չեղարկումը:

5. Կոմիտեի դեպարտամենտի իրավական ապահովման և վիճակագրության վարչության պետին՝ վերահսկել սույն հանձնարարականի մեջ նշված դատավարական փաստաթղթերի առցանց հաշվառումը:

6.Սույն հանձնարարականն ուղարկել Կոմիտեի նախագահի տեղակալներին, մարմինների և ստորաբաժանումների պետերին, Կոմիտեի դեպարտամենտի ղեկավարին, Կոմիտեի դեպարտամենտի իրավական ապահովման և վիճակագրության, ինչպես նաև անձնակազմի կառավարման վարչությունների պետերին:

 

                                                                                                                                                                                                                                                                                                                       
                                                                                                                                                                                                                                                                                                                                                         Ա.Հովսեփյան


Մեկնաբանություններ
Ձեր էլ.հասցեն մնում է գաղտնի