Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

Քաղաքացին դուրս է եկել տանից և չի վերադարձել (լուսանկար)

17.05.2016 14:31

Երևան քաղաքի քննչական վարչության Ավան և Նոր Նորք վարչական շրջանների քննչական բաժնում հարուցվել է քրեական գործ՝ 80-ամյա Սարգիս Սարգսյանի անհետ կորելու դեպքի առթիվ, և միջոցներ են ձեռնարկվում՝ նրան հայտնաբերելու ուղղությամբ:

2016 թվականի ապրիլի 25-ին՝ ժամը 00:15-ին, հաղորդում է ստացվել այն մասին, որ 2016 թվականի ապրիլի 24-ին՝ ժամը 17:00-ի սահմաններում, 1936 թվականին ծնված Ս.Սարգսյանը դուրս է եկել իր բնակարանից և չի վերադարձել:

Դեպքի առթիվ Երևան քաղաքի քննչական վարչության Ավան և Նոր Նորք վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասի հատկանիշներով:

1936 թվականին ծնված Երևան քաղաքի բնակիչ Սարգիս Նիկոլայի Սարգսյանն ունի մոտ 185 սմ հասակ, միջին կազմվածք, փոքր-ինչ նիհարավուն դեմք։ Ալեհեր տղամարդու ձախ թևի ուսի հատվածում առկա է դաջված խաչ: Տանից դուրս գալու օրը՝ ապրիլի 24-ին, նրա հագին եղել է կապույտ ջինսե բաճկոն, սև ջինսե տաբատ, մուգ գույնի վերնաշապիկ, սպիտակավուն կոշիկներ:

Ովքեր ճանաչում են նշված անձին կամ որևէ տեղեկություն ունեն նրա գտնվելու վայրի մասին, խնդրում ենք հայտնել ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին կամ ոստիկանության մոտակա բաժին:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրամեղավորություննապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջմտած դատավճռով:

 


Մեկնաբանություններ
Ձեր էլ.հասցեն մնում է գաղտնի