Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

Բացահայտվել է Կապան քաղաքում տեղի ունեցած սպանությունը. կասկածյալը ձերբակալվել է

23.05.2018 15:35

ՀՀ քննչական կոմիտեի Սյունիքի մարզային քննչական վարչությունում ձեռնարկված անհրաժեշտ քննչական գործողությունների արդյունքում բացահայտվել է Կապան քաղաքի բնակչի սպանությունը, կասկածյալը ձերբակալվել է:

2018թ. մայիսի 22-ին` ժամը 20:55-ին, ահազանգ է ստացվել առ այն, որ Կապան քաղաքի Շինարարների փողոցի բնակարաններից մեկում վիճաբանություն է:

Անմիջապես դեպքի վայր է մեկնել քննչական-օպերատիվ խումբը։ Նշված բնակարանի լոգարանում հայտնաբերվել է Կապան քաղաքի՝ 1969թ. ծնված բնակչի դին՝ դեմքի և գլխի շրջաններում մարմնական վնասվածքներով, և տանտերը՝ ծնված 1954թ., ում մոտ ախտորոշվել է «ալկոհոլային ինտոկսիակցիա, գանգաթաղի և ճակատային շրջանի պատռած վերք»:

Դեպքի առթիվ ՀՀ ՔԿ Սյունիքի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով, որի շրջանակներում ձեռնարկված քննչական և դատավարական այլ գործողությունների արդյունքում պարզվել են դեպքի մի շարք հանգամանքներ, ենթադրյալ հանցագործություն կատարած անձի ինքնությունը:

Քննությամբ ձեռք բերված տվյալների համաձայն՝ 2018թ-ի մայիսի 22-ի երեկոյան Կապան քաղաքի 48-ամյա բնակիչը հյուրընկալվել է համաքաղաքացու՝ 1954թ. ծնված տղամարդու բնակարանում, որտեղ միասին ընթրել են, օգտագործել ալկոհոլ: Այնուհետև նրանց միջև ծագել է վիճաբանություն, ինչը վերածվել է ծեծկռտուքի, որի ընթացքում տանտերը մետաղական լինգով, այնուհետև բռունցքով բազմաթիվ հարվածներ է հասցրել 48-ամյա տղամարդու գլխին, ինչի հետևանքով ստացած վնասվածքներից վերջինս մահացել է:

Կատարվել է դեպքի վայրի զննություն, առգրավվել հանցագործության գործիք հանդիսացած մետաղյա լինգը, վերցվել են նմուշներ, նշանակվել դատաբժշկական փորձաքննություններ:

1954թ. ծնված տղամարդը ձերբակալվել է:

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով


Մեկնաբանություններ
Ձեր էլ.հասցեն մնում է գաղտնի