Գլխավոր էջԳլխավոր էջ
Քննչական կոմիտեի հասցեն
ք. Երևան, Մամիկոնյանց 46/5+374(11) 880-151
ԻՆՉՊԵ՞Ս ՀԱՍՆԵԼ

Բացահայտվել է դատապարտյալի կողմից զգալի չափերով թմրամիջոց ձեռք բերելու փորձը

07.01.2015 12:42
Հանձնուքում թաքցնելու միջոցով «Վանաձոր» քրեակատարողական հիմնարկի դատապարտյալներին թմրամիջոց իրացնելու դեպքի առթիվ հարուցված քրեական գործի շրջանակներում մեղադրանք է առաջադրվել դատապարտյալ Իսաջանյանին:

ՀՀ քննչական կոմիտեի Լոռու մարզային քննչական վարչությունում 2014 թվականի դեկտեմբերի 9-ին վարույթ է ընդունվել «Վանաձոր» ՔԿՀ-ի դատապարտյալներին թմրամիջոց իրացնելու փորձի դեպքի առթիվ հարուցված քրեական գործը:

Ձեռնարկված քննչական գործողություների  արդյունքում պարզվել է, որ Շիրակի մարզի առաջին ատյանի դատարանի՝ 2011 թվականի ապրիլի 21-ին դատավճռով՝ խոշոր չափերով թրմամիջոց ձեռք բերելու համար 5 տարվա ազատազրկման դատապարտված Կ.Իսաջանյանը պատիժը կրում է ՀՀ ԱՆ «Վանաձոր» քրեակատարողական հիմնարկում:
 
2014թ. նոյեմբերի 28-ին` ժամը  16:30 -ի սահմաններում, հանձնուքի  միջոցով, իր անձնական օգտագործման համար, իսաջանյանը փորձել է ապօրինի ձեռք բերել զգալի չափով 1,75 գրամ հաստատուն քաշով, տնային պայմաններում պատրաստված մարիխուանա  տեսակի թմրամիջոց, ինչը հայտնաբերվել  է նույն ՔԿՀ-ի աշխատակիցների կողմից` հանձնուքների  ընդունման կետում  կատարված զննությամբ:

Կ. Իսաջանյանին մեղադրանք է առաջադրվել ՀՀ քրեական օրենսգրքի 34- 268-րդ հոդվածի  1-ին մասի հատկանիշներով:

 Միջոցներ են ձեռնարկվում՝ պարզելու դատապարտյալին թմրամիջոց իրացրած անձի ինքնությունը պարզելու, դեպքի հանգամանքների բազմակողանի, օբյեկտիվ հետազոտումն ապահովելու ուղղությամբ:
 
 
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Մեկնաբանություններ
Ձեր էլ.հասցեն մնում է գաղտնի