ՀՀ ոստիկանապետի շնորհավորանքը՝ ՀՀ քննչական կոմիտեի ծառայողի օրվա կապակցությամբ

Հարգելի' պարոն Քյարամյան,

ՀՀ ոստիկանության կոլեգիայի անունից և անձամբ շնորհավորում եմ Ձեզ և քննչական կոմիտեի անձնակազմին` մասնագիտական տոնի առթիվ:

Ձեր ղեկավարած ծառայությունը միշտ աչքի է ընկել բարձր պրոֆեսիոնալիզմով և լիարժեք իրականացրել իր առաքելությունը' պետությանն ու քաղաքացուն ուղղված մարտահրավերներին դիմակայելու գործում:

Համոզված եմ, որ քննչական կոմիտեի և ոստիկանության սերտ և արդյունավետ համագործակցությունը հասարակության անվտանգությունն ու օրինականությունը ապահովելու ուղղությամբ այսուհետ ավելի է խորանալու:

Կրկին շնորհավորում եմ մասնագիտական տոնի առթիվ և մաղթում արդյունավետ ծառայություն:

ՀՀ ոստիկանության պետ` Վահե Ղազարյան