ՀՀ քննչական կոմիտեի նախագահ Աղվան Հովսեփյանի հրամաններով այսօր կատարվել են կադրային փոփոխություններ։

ՀՀ ՔԿ Նախագահի 08.06.16թ. թիվ 293-Ա հրամանով աշխատանքից ազատվել է Երևան քաղաքի քննչական վարչության Ավան և Նոր Նորք վարչական շրջանների քննչական բաժնի պետ Արամ Հարությունյանը՝ սեփական դիմումի համաձայն։

Նույն օրը ՀՀ ՔԿ Նախագահը հրաման է ստորագրել՝ Դավիթ Գևորգյանին Ավան և Նոր Նորք վարչական շրջանների քննչական բաժնի պետ նշանակելու մասին՝ նրան ազատելով նույն բաժնի պետի տեղակալի պաշտոնից։