Հարգելի պարոն Քյարամյան,

ՀՀ փաստաբանների պալատի անունից շնորհավորում եմ Ձեզ' Քննչական կոմիտեի ծառայողի մասնագիտական օրվա կապակցությամբ:

Քննչական մարմինները արդարադատության համակարգի կարևորագույն օղակն են: Քննչական կոմիտեի ծառայողների ամենօրյա դժվարին ու խիստ պատասխանատու աշխատանքը առանցքային նշանակություն ունի քաղաքացիների իրավունքների և օրինական շահերի պաշտպանության, հանցավորության և կոռուպցիայի դեմ պայքարի իրականացման հարցում:

Հավատում եմ, որ քննչական կոմիտեի ծառայողների բարեխիրճ և պատասխանատու աշխատանքի արդյունքում Հայաստանի Հանրապետությունը կկարողանա դիմակայել օրեցօր ի հայտ եկող մարտահրավերներին, իսկ ՀՀ քաղաքացին ապրել անվտանգ և ապահով պայմաններում:

Ձեզ և քննչական կոմիտեի բոլոր ծառայողներին մաղթում եմ արդյունավետ գործունեություն և անվտանգ ծառայություն:

ՀՀ փաստաբանների պալատի նախագահ՝ Սիմոն Բաբայան