Բացահայտվել են ՀՀ-ում Եվրոպական միության պատվիրակության կողմից հատկացված դրամաշնորհներից կատարված հափշտակությունների մի շարք դրվագներ. 10 անձ ներգրավվել է որպես մեղադրյալ
ՀՀ քննչական կոմիտեի ՀԿԳ քննության գլխավոր վարչությունում քննվող քրեական գործով ձեռնարկված մեծածավալ քննչական գործողությունների արդյունքում պարզվել է ՀՀ-ում Եվրոպական միության պատվիրակության կողմից հատկացված դրամաշնորհներից կատարված հափշտակություններին մասնակցություն ունեցած մի շարք անձանց ինքնությունը։ Քրեական գործով որպես մեղադրյալ ներգրավվել է 10 անձ։
Ավելի վաղ տեղեկացրել ենք, որ ՀՀ քննչական կոմիտեում ստացվել են Եվրոպական միության պատվիրակության ֆինանսական, պայմանագրային և աուդիտի բաժնի կողմից իրականացված ստուգման արդյունքները, որոնց համաձայն՝ ԵՄ ծրագրով հայաստանյան կազմակերպություններից մեկին՝ «Մարտունու ուսանողական խորհուրդ» հասարակական կազմակերպությանը, հատկացված դրամաշնորհը նպատակային չի օգտագործվել, և յուրացվել է առանձնապես խոշոր չափերի գումար։
ՀՀ ՔԿ ՀԿԳ քննության գլխավոր վարչությունում հարուցվել է քրեական գործ՝ առանձնապես խոշոր չափերով յուրացում կատարելու դեպքի առթիվ։ Նախաքննության ընթացքում ձեռնարկվել են մեծածավալ քննչական գործողություններ՝ բազմակողմանի, օբյեկտիվ և լրիվ հետազոտումն ապահովելու ուղղությամբ, որոնց արդյունքում բացահայտվել են չարաշահումների այլ դրվագներ ևս։ Նոր փաստական տվյալներ են ձեռք բերվել առ այն, որ բացի վերոնշյալ ծրագրից, ՀՀ-ում Եվրոպական միության պատվիրակության գրասենյակի կողմից հայտարարված դրամաշնորհի մրցույթներին այլ հասարակական կազմակերպությունների անուններից նույնպես ներկայացվել են հայտեր, որից հետո պայմանագրերով նախատեսված աշխատանքները փաստացի չեն կատարվել, իսկ դրանց հիման վրա ծրագրերի իրականացման համար հատկացված դրամաշնորհների առանձնապես խոշոր չափերի գումարները հափշտակվել են:
Ձեռք բերված բավարար ապացույցների համակցությամբ՝ դրամաշնորհային ծրագրերի իրականացման համար հատկացված առանձնապես խոշոր չափերի գումարների հափշտակության, հափշտակությանն օժանդակելու, ինչպես նաև մի խումբ անձանց կողմից փաստաթղթի կեղծիք կատարելու համար 8 անձի՝ Տիգրան Սուքիասյանին, Գևորգ Ղազարյանին, Ռուբինա Տեր-Մարտիրոսյանին, Արմեն Բարեղամյանին, Անահիտ Ավագյանին, Սերգեյ Բալասանյանին, Դինա Մանուկյանին, Կարեն Ստեփանյանին առաջադրվել են մեղադրանքներ, ևս երկու անձի՝ Հրայր Գյոնջյանին և Գարիկ Չիլինգարյանին, որպես մեղադրյալ ներգրավելու որոշում է կայացվել, և նրանց նկատմամբ հայտարարվել է հետախուզում։
Քրեական գործով նշանակվել է դատահաշվապահական և դատատնտեսագիտական համալիր փորձաքննություն։
Նախաքննության շահերից ելնելով՝ այլ մանրամասներ այս փուլում հրապարակման ենթակա չեն։ Ձեռք բերված ապացույցների համակցությամբ կայացվող դատավարական որոշումների մասին կտեղեկացնենք պարբերաբար։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
-
15.03.23, 14:28«Գրքի աշխարհ» համալիրի կառուցման ներդրումային ծրագրում չարաշահումների վերաբերյալ քրեական վարույթով արգելանք է կիրառվել առերևույթ հափշտակված հողամասի և դրանում առկա շենքի նկատմամբՈրոշում է կայացվել ընկերության անվամբ սեփականության իրավունքով գրանցված 0.03 հա մակերեսով հողամասի և դրանում առկա շինության՝ 17 հարկ ունեցող շենքի վրա արգելադրում կիրառելու վերաբերյալ: -
11.03.23, 07:40Ավտոմեքենաների ներմուծման և արտահանման ոլորտում գործադրված հանցավոր սխեմայով խարդախությամբ պետությունից ավելի քան 406մլն. դրամ է հափշտակվել․ մեկ անձ կալանավորվել էՍՊԸ-ների սեփականատերը խաբեության եղանակով, ՀՀ պետբյուջեից ավելացված արժեքի հարկի միասնական հաշվին առաջացրել է 3.868.108.776 դրամի չափով դեբետային գումար, որից հափշտակել է 406.596.400 ՀՀ դրամ: -
10.03.23, 10:55Վարկային խարդախություններով բազմաթիվ անձանցից ընդհանուր 101մլն դրամ է հափշտակվել. 3 մեղադրյալի մասով նախաքննությունն ավարտվել էԱվարտվել է 108 տուժողից խարդախությամբ շուրջ 101 մլն ՀՀ դրամի գույք և գումար հափշտակելու դեպքի առթիվ նախաձեռնված քրեական վարույթով՝ 3 մեղադրյալի մասով նախաքննությունը: -
27.12.21, 13:26Առանձնապես խոշոր և զգալի չափերով հափշտակություն կատարելու գործի նախաքննությունն ավարտվել էՊարզվել են Լոռու մարզի 30-ամյա բնակչի կողմից երկու տարբեր ընկերություններից առանձնապես խոշոր և զգալի չափերով հափշտակություն կատարելու դեպքի հանգամանքները: -
17.12.21, 11:52Ավարտվել է խարդախությամբ խոշոր չափերով գումարների հափշտակության գործի նախաքննությունըՀամացանցի կին օգտատերերին ամուսնանալու կեղծ խոստումներ տալով ձեռք բերելով ու չարաշահելով նրանց վստահությունը՝ հափշտակել է ընդհանուր 3 370 000 ՀՀ դրամ գումար: -
29.05.19, 12:27ՀՀ-ում ԵՄ պատվիրակության կողմից հատկացված դրամաշնորհային ծրագրերի իրականացման ընթացքում հայտնաբերված չարաշահումների գործով ևս երեք անձի մեղադրանք է առաջադրվելՆախաքննության ընթացքում հատուցվել է հանցագործությամբ տուժող ՀՀ-ում Եվրոպական միության պատվիրակությանը պատճառված 121.598 եվրոյին համարժեք 66.038.571,9 ՀՀ դրամ գույքային վնասը։