Բողոքի ակցիայի 19-ամյա մասնակիցը կալանավորվել է՝ ոստիկանի օրինական ծառայողական գործունեությանը միջամտելու նպատակով նրա նկատմամբ բռնություն գործադրելու մեղադրանքով, քրեական վարույթով նախաքննությունն ավարտվել է
ՀՀ քննչական կոմիտեի Վայոց ձորի մարզային քննչական վարչությունում ավարտվել է ոստիկանության ծառայողի օրինական ծառայողական գործունեությանը միջամտելու նպատակով նրա նկատմամբ բռնություն գործադրելու դեպքի առթիվ նախաձեռնված քրեական վարույթի նախաքննությունը:
Իրականացված ապացուցողական և վարութային գործողությունների արդյունքում պարզվել է, որ 2024թ. մայիսի 10-ին՝ ժամը 10:50-ի սահմաններում, մի խումբ քաղաքացիներ Երևան-Մեղրի միջպետական նշանակության ավտոճանապարհի 125-րդ կմ հատվածում երթևեկության մասնակիցների համար խոչընդոտ ստեղծելով, տրանսպորտային միջոցները կայանել են ճանապարհի երթևեկելի մասում՝ այդ կերպ իրականացնելով անհնազանդության ակցիա:
Այդ ընթացքում ոստիկանության ծառայողները միջպետական նշանակության ավտոճանապարհին իրականացրել են հասարակական կարգի պահպանություն, ճանապարհային երթևեկության անվտանգության ապահովման նպատակով ապահովել միջպետական ճանապարհով տրանսպորտային միջոցների անխափան երթևեկությունը:
Ոստիկանության ծառայողները, ունենալով իրենց լիազորությունների իրականացմանը խոչընդոտող գործողությունները դադարեցնելու պահանջ ներկայացնելու իրավունք, նշված տեղանքում ճանապարհային երթևեկությունը կարգավորելու նպատակով պահանջել են երթևեկության մասնակիցների համար խոչընդոտ ստեղծող վայրերում կանգնած տրանսպորտային միջոցները հեռացնել, ինչին ի պատասխան՝ բողոքի ակցիային մասնակցող վարորդները հրաժարվել են այդ պահանջները կատարել, և երբ ոստիկանության ծառայողներից մեկը փորձել է «Վազ Պրիորա» մակնիշի տրանսպորտային միջոցի ձեռքի արգելակն իջեցնելու միջոցով այն դուրս բերել ճանապարհի երթևեկելի հատվածից և ազատել այն, բողոքի ակցիայի մասնակիցների և ոստիկանների միջև սկսվել է քաշքշուկ, որի ընթացքում ակցիայի մասնակիցներից մեկը՝ Վայք քաղաքի 19-ամյա բնակիչը, հարվածներ է հասցրել ոստիկանության նշված ծառայողի մեջքի շրջանին և քաշքշել նրան՝ պատճառելով ֆիզիկական ցավ:
Ձեռք բերված բավարար փաստերի հիման վրա երիտասարդին մեղադրանք է ներկայացվել՝ ՀՀ քրեական օրենսգրքի 452-րդ հոդվածի 3-րդ մասով: Վերջինիս նկատմամբ որպես խափանման միջոց կիրառվել է կալանքը՝ 2 ամիս ժամանակով:
Նախաքննությունն ավարտվել է, վարույթի նյութերը մեղադրական եզրակացությամբ ուղարկվել են հսկողություն իրականացնող դատախազին:
-
21.11.24, 14:49Հավաք անցկացնելուն մասնակցելու նպատակով անձանց նյութապես շահագրգռելու վարույթի նյութերն ուղարկվել են դատարանՀավաքին բազմամարդություն ապահովելու նպատակով Հ.Շ.-ն անձանց խոստացել է տալ 6000-8000 ՀՀ դրամ և վառելանյութ: -
01.10.24, 10:25Հավաքներին մասնացելու համար նյութապես շահագրգռելու վարույթով, 5 անձի մասով, նախաքննությունն ավարտվել էՀավաքագրել են Վայոց ձորի մարզի շուրջ 250 բնակիչների, որոնց տրամադրել են գումարներ՝ մեկ անձի հաշվարկով 5000-12000 ՀՀ դրամ: -
27.08.24, 16:43Վանաձորի բնակիչի կողմից, հավաքին մասնակցելու նպատակով, անձանց նյութապես շահագրգռելու, առցանց եղանակով խուլիգանություն կատարելու դեպքերի նախաքննությունն ավարտվել էՎանաձորի բնակիչը, հավաքներին մասնակցություն ապահովելու նպատակով, մի շարք անձանց շահագրգռել է՝ տարբեր չափերի գումարներ տրամադրելով: -
29.07.24, 15:00Բաղրամյան պողոտայում հունիսի 12-ին կազմակերպված ակցիայի ընթացքում խմբակային խուլիգանության վարույթով 16 անձի մեղադրանք է ներկայացվել․ նախաքննությունն ավարտվել էԱվարտվել է Երևան քաղաքի Բաղրամյան պողոտայում կազմակերպված հերթական ակցիայի ընթացքում մի խումբ անձանց կողմից խուլիգանություն, զանգվածային անկարգություն կատարելու դեպքերի առթիվ քննված քրեական վարույթի նախաքննությունը։ -
03.07.24, 12:47Նոյեմբերյան քաղաքում ապրիլի 23-ին բողոքի ակցիայի մասնակիցների կողմից առերևույթ խուլիգանություն կատարելու մեջ մեղադրվող ևս մեկ անձի մասով նախաքննությունն ավարտվել էՊարզվել են Նոյեմբերյան քաղաքում բողոքի ակցիայի մասնակիցների կողմից խուլիգանություն կատարելու դեպքի՝ էական մի շարք հանգամանքներ: -
02.07.24, 12:42ՀՀ արտաքին գործերի նախարարության շենքի դիմաց կատարված խուլիգանության դեպքի վարույթով ևս երկու անձի մասով նախաքննությունն ավարտվել էԱվարտվել է մայիսի 31-ին ՀՀ արտաքին գործերի նախարարության շենքի դիմաց կազմակերպված ակցիայի ընթացքում մի խումբ անձանց կողմից կատարված խմբակային խուլիգանության դեպքի առթիվ նախաձեռնված քրեական վարույթի նախաքննությունը՝ ևս երկու անձի մասով։ -
28.06.24, 16:38Վանաձորի 27–ամյա բնակչի կողմից բողոքի ակցիաներին մասնակցելու համար համաքաղաքացիներին նյութապես շահագրգռելու վերաբերյալ վարույթի նախաքննությունն ավարտվել էԱվարտվել է հավաքներին մասնակցելուն Վանաձոր քաղաքի 27-ամյա բնակչի կողմից համաքաղաքացիներին նյութապես շահագրգռելու դեպքի առթիվ նախաձեռնված քրեական վարույթի նախաքննությունը: -
27.06.24, 13:28Բեռնատար ավտոմեքենան Հանրապետության հրապարակում դեպի ցուցարարները վարելու վարույթի նախաքննությունն ավարտվել էԳտնվելով ոչ սթափ վիճակում՝ բեռնատարի վարորդը շարժվել էր հրապարակում հավաքված հանրահավաքի մասնակիցների ուղղությամբ, ավտոմեքենան կայանել հրապարակի կենտրոնում։