Հակառակորդի կողմից արձակված կրակոցների հետևանքով Ոսկեվանի անչափահաս բնակիչը հրազենային վնասվածք է ստացել. հարուցվել է քրեական գործ
![Հակառակորդի կողմից արձակված կրակոցների հետևանքով Ոսկեվանի անչափահաս բնակիչը հրազենային վնասվածք է ստացել. հարուցվել է քրեական գործ Հակառակորդի կողմից արձակված կրակոցների հետևանքով Ոսկեվանի անչափահաս բնակիչը հրազենային վնասվածք է ստացել. հարուցվել է քրեական գործ](https://investigative.am/storage/files/2020/03/1585641644,1798.jpeg?token=d72af6e455dc1dfa9c84cb4cce2df60272a6a89f)
2020 թվականիմարտի 30-ին` ժամը 19:00-ի սահմաններում, հակառակորդի հենակետերից, տարբեր տրամաչափերի զենքերից արձակված կրակոցների հետևանքով, Տավուշի մարզի Նոյեմբերյան համայնքի Ոսկեվան բնակավայրի տներից մեկի պատշգամբում կրծքավանդակի աջ կեսի շրջանում հրազենային վնասվածք է ստացել նույն բնակավայրի անչափահաս բնակիչ՝ ծնված 2004 թվականին:
Դեպքի առթիվ ՀՀ քննչական կոմիտեի Տավուշի մարզային քննչական վարչության Նոյեմբերյանի քննչական բաժնում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 2-րդ մասի 6-րդ և 13-րդ կետերով (սպանության փորձ` ապօրինաբար մի խումբ անձանց կյանքից զրկելու դիտավորությամբ, շատերի կյանքի համար վտանգավոր եղանակով, ազգային ատելության շարժառիթով):
Կատարվում է նախաքննություն: