ՀՀ ՔԿ նախագահ Աղվան Հովսեփյանն ընդունել է ԱՄՆ հետաքննության դաշնային բյուրոյի՝ տարածաշրջանի ներկայացուցչին
ՀՀ քննչական կոմիտեի նախագահ Աղվան Հովսեփյանն այսօր ընդունել է տարածաշրջանում ԱՄՆ Հետաքննության դաշնային բյուրոյի կցորդ, տիկին Քեթլին Քենինգի գլխավորած պատվիրակությանը: Հանդիպմանը մասնակցել է նաև ՀՀ քննչական կոմիտեի նախագահի տեղակալ Արթուր Ղամբարյանը, ԱՄՆ ՀԴԲ-ի կցորդի օգնական, Բյուրոյի ներկայացուցիչ տիկին Մառլեն Բենսոնը։
Հանդիպման ընթացքում կողմերը քննարկել են երկուստեք հետաքրքրություն ներկայացնող հարցերի լայն շրջանակ՝ ՀՀ ՔԿ նախագահի՝ ԱՄՆ կատարած այցի ընթացքում ձեռք բերված պայմանավորվածությունների իրականացման, առանձին քրեական գործերով մասնագիտական օգնություն ցուցաբերելու և այլ հարցերի վերաբերյալ։ ԱՄՆ Հետաքննության դաշնային բյուրոյի կցորդ, տիկին Քեթլին Քենինգը հավաստել է իրենց պատրաստակամությունը՝ աջակցելու նաև ապրիլի 25-ին Երևանում ուղևորատար ավտոբուսում տեղի ունեցած պայթյունի դեպքի առթիվ ՀՀ Քննչական կոմիտեի վարույթում քննվող քրեական գործով տարբեր մասնագիտական հարցերի պարզաբանման հարցում։ Միաժամանակ տեղեկացրել է, որ ի կատարումն ձեռք բերված պայմանավորվածության ՀՀ ՔԿ-ին կտրամադրվի քրեագիտական տեխնիկա, ինչն էապես կնպաստի քրեական գործերով իրականացվող անհետաձգելի քննչական գործողությունների արդյունավետ իրականացմանը։ Պայմանավորվածություն է ձեռք բերվել՝ փոխգործակցությանը վերաբերող հարցերը քննարկել աշխատանքային կարգով։
Հանդիպման ընթացքում ԱՄՆ Հետաքննության դաշնային բյուրոյի կցորդ Ք.Քենինգը տեղեկացրել է, որ Բյուրոյի ներկայացուցիչ տիկին Մառլեն Բենսոնի առաքելությունն ավարտվում է տարածաշրջանում։ ՀՀ ՔԿ նախագահը բարձր է գնահատել տիկին Բենսոնի՝ Քննչական կոմիտեի և ԱՄՆ հետաքննությունների Դաշնային բյուրոյի միջև արդյունավետ համագործակցության ձևավորման գործում ունեցած ներդրումը և նրան բարի ծառայություն մաղթել նոր աշխատանքում՝ ԱՄՆ-ի ՀԴԲ-ի Ակադեմիայում։ Իր հերթին Մ.Բենսոնը շնորհակալություն է հայտնել ջերմ վերաբերմունքի և արդյունավետ համագործակցության համար՝ համոզմունք հայտնելով, որ այն կշարունակվի այսուհետ ևս։
-
01.06.18, 12:24Խորհրդակցություն Քննչական կոմիտեում. քննարկվել են սերմացուի և պարարտանյութի բաշխման գործընթացում արձանագրված չարաշահումների դեպքերի առթիվ հարուցված քրեական գործերըՀամայնքներում սերմացուի և պարարտանյութի բաշխման գործընթացում արձանագրված չարաշահումների դեպքերի առթիվ քննվում է 49 քրեական գործ: -
29.03.18, 13:51ՀՀ ՔԿ նախագահ Աղվան Հովսեփյանն ընդունել է Հայաստանում ՌԴ արտակարգ և լիազոր դեսպան Իվան Վոլինկինին՝ մեր երկրում դիվանագիտական առաքելությունն ավարտելու կապակցությամբ (լուսանկարներ)Աղվան Հովսեփյանը շնորհակալություն է հայտնել Իվան Վոլինկինին` դեսպանի պաշտոնում երկու երկրների իրավապահ մարմինների միջև համագործակցությունը զարգացնելու ուղղությամբ գործադրած ջանքերի համար։ -
21.03.18, 08:40ՀՀ ՔԿ նախագահն ընդունել է ՌԴ քննչական կոմիտեի նախագահի տեղակալի գլխավորած պատվիրակությանըՔԿ նախագահ Աղվան Հովսեփյանն ընդգծել է առանձին հանցատեսակների դեմ պայքարի փորձի փոխանակման կարևորությունը: -
19.12.17, 10:16ՀՀ ՔԿ նախագահ Աղվան Հովսեփյանը հանդիպում է ունեցել ՌԴ ՔԿ նախագահ Ալեքսանդր Բաստրիկինի հետ (Լուսանկարներ)Երկու երկրների քննչական կոմիտեների նախագահներն անդրադարձել են համագործակցությունը զարգացնելու հեռանկարներին: -
18.10.17, 07:16Հայաստանի Հանրապետության քննչական կոմիտեն զարգացնում է երկկողմ համագործակցությունը Ռուսաստանի Դաշնության և Բելառուսի Հանրապետության քննչական կոմիտեների հետ. Ստորագրվել են փոխըմբռնման հուշագրեր (Լուսանկարներ)Երևան են ժամանել Ռուսաստանի Դաշնության քննչական կոմիտեի նախագահ Ալեքսանդր Բաստրիկինը և Բելառուսի Հանրապետության քննչական կոմիտեի նախագահ Իվան Նոսկևիչը։ -
12.06.17, 13:23ՀՀ ՔԿ նախագահ Աղվան Հովսեփյանն ընդունել է ԵԱՀԿ երևանյան գրասենյակի ղեկավար, դեսպան Արգո Ավակովին (Լուսանկարներ)ՔԿ նախագահը բարձր է գնահատել դատաիրավական բարեփոխումների իրականացմանը և հատկապես մինչդատական վարույթի արդյունավետության բարձրացմանը ԵԱՀԿ երևանյան գրասենյակի ցուցաբերած աջակցությունը։ -
13.04.17, 15:03ՀՀ քննչական կոմիտեի նախագահ Աղվան Հովսեփյանն ընդունել է Հայաստանում ԵՄ պատվիրակության ղեկավար, դեսպան Պյոտր ՍվիտալսկունՔԿ նախագահը փաստել է, որ ընտրական գործընթացը կազմակերպելու համար ԵՄ-ի տրամադրած տեխնիկական աջակցությունն էապես նպաստել է ընտրախախտումների որոշ տեսակների կանխարգելմանը, բացահայտմանը։ -
01.02.17, 15:36ՀՀ ՔԿ նախագահ Աղվան Հովսեփյանն ընդունել է ՀՀ-ում ԵՄ պատվիրակության ղեկավար, դեսպան Պյոտր ՍվիտալսկիինՀՀ քննչական կոմիտեի նախագահ Աղվան Հովսեփյանն ընդունել է ՀՀ-ում ԵՄ պատվիրակության ղեկավար, դեսպան Պյոտր Սվիտալսկիին: