ՀՀ ՔԿ նախագահ Աղվան Հովսեփյանն ընդունել է Վրաստանի նորանշանակ դեսպանին
![ՀՀ ՔԿ նախագահ Աղվան Հովսեփյանն ընդունել է Վրաստանի նորանշանակ դեսպանին ՀՀ ՔԿ նախագահ Աղվան Հովսեփյանն ընդունել է Վրաստանի նորանշանակ դեսպանին](https://investigative.am/storage/files/2016/09/1474020476,2193.jpeg?token=ecc0a1b6c262c14efbb8a4cd83052db4a7d6ca60)
ՀՀ քննչական կոմիտեի նախագահ Աղվան Հովսեփյանն այսօր ընդունել է Հայաստանի Հանրապետությունում Վրաստանի նորանշանակ արտակարգ և լիազոր դեսպան Գիորգի Սագանելիձեին:
ՔԿ նախագահը շնորհավորել է դեսպանին՝ պաշտոնն ստանձնելու կապակցությամբ և մաղթել արդյունավետ աշխատանք՝ երկու երկրների ժողովրդների բարեկամության ամրապնդման գործում։
Կողմերը բարձր են գնահատել երկու երկրների` մասնավորապես իրավապահ մարմինների միջև ձևավորված համագործակցության մակարդակը և հավաստել իրենց պատրաստակամությունը՝ շարունակելու ու առավել խորացնելու փոխգործակցությունը։
Վրաստանի նորանշանակ դեսպանն իր հերթին շնորհակալություն է հայտնել հյուրընկալման համար և վստահեցրել, որ իր պաշտոնավարման ընթացքում կանի հնարավորինը՝ հայ-վրացական հարաբերությունների զարգացումն ապահովելու ուղղությամբ:
Հանդիպման ընթացքում ՀՀ քննչական կոմիտեի նախագահը և Վրաստանի նորանշանակ դեսպանը անդրադարձել են ՀՀ քննչական կոմիտեի և Վրաստանի Հանրապետության քննչական մարմինների միջև համագործակցությունն առավել սերտացնելու հեռանկարներին: