ք.Երևան, 29.10.2018թ. թիվ 169-Լ



Հայաստանի Հանրապետության քննչական կոմիտեի մարմինների և ստորաբաժանումների կողմից կատարված աշխատանքի արդյունավետությունը պարզելու նպատակով և ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 12-րդ հոդվածի 2-րդ մասի 3-րդ կետով՝

Հանձնարարում եմ՝

1. Հայաստանի Հանրապետության քննչական կոմիտեի (այսուհետ՝ Կոմիտե) մարզային քննչական վարչությունների, Երևան քաղաքի քննչական վարչության և դրանց ստորաբաժանումների, հատկապես կարևոր գործերի քննության գլխավոր վարչության վարչությունների, զինվորական քննչական գլխավոր վարչության հատկապես կարևոր գործերի քննության վարչության և կայազորային քննչական բաժինների պետերին՝

1) Յուրաքանչյուր երկուշաբթի «մալբրի» էլեկտրոնային համակարգով Կոմիտեի կազմակերպական-վերլուծական բաժին ուղարկել վարույթում քննվող քրեական գործերի վերաբերյալ տեղեկատվություն՝ համաձայն Ձև 1-ի.
2) պահպանել Ձև 1-ի լրացման պայմանները:

2. Կոմիտեի կազմակերպական-վերլուծական բաժնի պետին՝ յուրաքանչյուր երեքշաբթի Կոմիտեի նախագահին ներկայացնել սույն հանձնարարականի 1-ին կետի 1-ին ենթակետով նախատեսված մարմիններից և ստորաբաժանումներից ստացված տեղեկատվությունն  ամփոփված վիճակում:

3.Սույն հանձնարարականի կատարման նկատմամբ վերահսկողությունը հանձնարարել Կոմիտեի նախագահի տեղակալներին՝ ըստ համակարգման ոլորտների:

4. Սույն հանձնարարականն ուղարկել Կոմիտեի նախագահի տեղակալներին, Կոմիտեի մարմինների և ստորաբաժանումների պետերին:

                                                                                              Հ. Գրիգորյան

Ձև 1

Ձև 1-ի  լրացման պայմաններ.

1. Գրապալատ տառատեսակ, 11 տառաչափ.
2. Առանց հապավումների (բացառությամբ «ՀԿԳ» հապավման) և կետադրական նշանների (բացառությամբ ամսաթվերի միջև դրվող կետերի).
3. Վարույթի գործերը լրացնել  ըստ քննիչների՝ տվյալ քննիչի վարույթում քննվող բոլոր քրեական գործերը լրացնելուց հետո միայն լրացնել մյուս քննիչի վարույթում քննվող քրեական գործերը.
4. Լրացման ենթակա տվյալի բացակայության դեպքում սյունակը թողնել դատարկ.