ՀՀ ՔԿ քննիչները զարգացրել են հմտությունները կանանց նկատմամբ և ընտանեկան բռնությունների դեմ քրեաիրավական պայքարում (լուսանկարներ)
ՀՀ քննչական կոմիտեի մի խումբ քննիչների հանձնվեցին Եվրոպայի խորհրդի երևանյան գրասենյակի կողմից անցկացված «Կանանց նկատմամբ բռնության հաղթահարումը և գենդերային հավասարության ամրապնդումը Հայաստանում» ծրագրի շրջանակներում կազմակերպված՝ կանանց նկատմամբ բռնության և ընտանեկան բռնության վերաբերյալ HELP առցանց դասընթացի մասնակցության վկայագրերը։
Դասընթացը, որին մասնակցել են ՀՀ քննչական կոմիտեի տարածքային ստորաբաժանումների՝ կանանց նկատմամբ և ընտանեկան բռնությունների դեպքերով նախաքննություն կատարող մի խումբ քննիչներ, ուղղված է եղել «Կանանց նկատմամբ բռնության և ընտանեկան բռնության կանխարգելման և դրա դեմ պայքարի մասին» Եվրոպայի խորհրդի կոնվենցիայի շրջանակներում մասնակիցների կարողություններն ուժեղացնելուն, կանանց նկատմամբ բռնության և ընտանեկան բռնության կանխարգելման ու դրա դեմ պայքարի ոլորտում համագործակցության զարգացմանը:
Դասընթացի շրջանակներում մասնակիցները զարգացրել են կանանց նկատմամբ բռնության և ընտանեկան բռնության դեպքերին արագ և արդյունավետ արձագանքելու, տուժողներին և ենթադրյալ հանցագործներին հարցաքննելու եղանակների վերաբերյալ հմտությունները:
Վկայագրերը քննիչներին հանձնել են ՀՀ քննչական կոմիտեի նախագահի տեղակալ Արսեն Այվազյանը և Եվրոպայի խորհրդի երևանյան գրասենյակի «Կանանց նկատմամբ բռնության հաղթահարումը և գենդերային հավասարության ամրապնդումը Հայաստանում» ծրագրի ղեկավար Լիանա Ամիրբեկյանը։
Արսեն Այվազյանը կարևորել է նմանատիպ ծրագրերի իրականացումը քննիչների մասնագիտական կարողությունների զարգացման առումով և ընդգծել է, որ ընտանեկան բռնությունների դեմ պայքարում քրեական հետապնդման մարմինների արդյունավետ աշխատանքի, ինչպես նաև ոլորտային օրենսդրության կատարելագործման արդյունքում աճել են նման բռնություններից տուժող անձանց կողմից իրավապահ մարմիններին դիմելու, այսինքն՝ պետության պաշտպանությանն ապավինելու դեպքերը։
Տիկին Ամիրբեկյանը գոհունակություն է հայտնել ծրագրի շրջանակներում ՀՀ քննչական կոմիտեի հետ համագործակցության առթիվ և հույս հայտնել, որ առցանց դասընթացին քննիչներին փոխանցված գիտելիքները կնպաստեն կանանց նկատմամբ և ընտանեկան բռնություններին առնչվող քրեական վարույթներով քննությունների արդյունավետության բարձրացմանը։ Երկուստեք կարևորվել է նման դասընթացները շարունակելու անհրաժեշտությունը։
-
28.10.24, 17:43ՀՀ քննչական կոմիտեի ներկայացուցիչները ՀՀ պատվիրակության կազմում Ստոկհոլմում ուսումնասիրել են կանանց նկատմամբ և ընտանեկան բռնության դեմ պայքարի շվեդական փորձը (լուսանկարներ)Քննարկվել են կանանց նկատմամբ և ընտանեկան բռնության գործերով քրեական հետապնդման, պաշտպանության և կանխարգելման մեխանիզմները: -
11.10.24, 13:30Սեմինար՝ ՀՀ քննչական կոմիտեի քննիչների համար՝ ԱՄՆ ռազմավարական հետազոտությունների NESA կենտրոնի գիտնական-փորձագետների կողմից (լուսանկարներ)Հանցագործությունները մեծ արագությամբ տեղափոխվում են կիբեռտարածք՝ ստիպելով փոխել դրանց բացահայտմանն ուղղված ապացուցողական գործողությունների մեթոդաբանությունը: -
02.10.24, 17:47ՀՀ ՔԿ քննիչների վերասպատրաստում՝ ԵՄ և ԵԽ CyberEast ծրագրի շրջանակներումԵրևանում մեկնարկել է «Ֆինանսական հետաքննություն, վիրտուալ արժույթներ և դարքնեթ» խորագրով եռօրյա դասընթաց։ -
16.09.24, 18:02ՀՀ ՔԿ քննիչները շարունակում են կատարելագործել հմտությունները կանանց նկատմամբ բռնության և ընտանեկան բռնության դեմ պայքարում (տեսանյութ, լուսանկարներ)Ծաղկաձորում անցկացվել է կանանց նկատմամբ բռնության և ընտանեկան բռնության թեմայով նոր դասընթաց։ -
22.07.24, 18:11Լրագրողների հետ քննարկվել են ՀՀ քննչական կոմիտեի և ՀՀ ՆԳՆ ռազմավարական հաղորդակցության խնդիրները․ վերապատրաստում-քննարկում Ծաղկաձորում (լուսանկարներ)Ծաղկաձորում հուլիսի 19-20-ին հայաստանյան տարբեր լրատվամիջոցների շուրջ երկու տասնյակ լրագրողների մասնակցությամբ անցկացվել է «Իրավապահ մարմիններ-մեդիա համագործակցության բարելավում» խորագրով վերապատրաստում-քննարկում։ -
19.06.24, 14:39Դասընթաց՝ Եվրոպայի խորհրդի աջակցությամբ՝ ուղղված ընտանեկան և գենդերային հիմքով բռնությունների դեպքերի քննության արդյունավետության բարձրացմանը«Կանանց նկատմամբ բռնության հաղթահարումը և գենդերային հավասարության ամրապնդումը Հայաստանում» ծրագրի շրջանակներում անցկացվել է երկօրյա դասընթաց։ -
05.06.24, 12:15ՀՀ քննչական կոմիտեի մասնագետները ԵԽ փորձագետների հետ CyberEast+Ծրագրի շրջանակներում քննարկել են առցանց տիրույթում ֆինանսական հանցագործությունների, փողերի լվացման և հանցավոր այլ գործունեությամբ ստացված վիրտուալ արժույթների ոլորտում քննության արդյունավետության բարձրացման խնդիրները (լուսանկարներ)Հանդիպմանը մասնակցել են ՀՀ քննչական կոմիտեի՝ ֆինանսական շրջանառության բաղադրիչ ունեցող հանցագործությունների քննությամբ զբաղվող ՀՀ քննչական կոմիտեի կենտրոնական մարմնի համապատասխան վարչությունների ղեկավարները, տարածքային ստորաբաժանումների՝ բարձր տեխնոլոգիաների ոլորտում կատարվող հանցագործություններ քննող մի շարք քննիչներ։ -
16.04.24, 18:25Վերապատրաստում՝ ԱՄՆ իրավասու մարմինների հետ իրավական փոխօգնության ոլորտում համագործակցության սերտացման նպատակով․ բացման արարողությանը մասնացել է ՀՀ ՔԿ նախագահի տեղակալըԲացման արարողությանը մասնակցել են նաև ՀՀ-ում ԱՄՆ դեսպանատան ԹՊԻՀ գրասենյակի տնօրեն Ալեքսիս Հաֆտվանին, ինչպես նաև ՀՀ գլխավոր դատախազության, ՀՀ հակակոռուպցիոն կոմիտեի ներկայացուցիչները։