ՀՀ քննչական կոմիտեի նախագահի հոկտեմբերի 30-ի N5-Ա հրամանը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՔՆՆՉԱԿԱՆ ԿՈՄԻՏԵԻ ՆԱԽԱԳԱՀԻ
Հ Ր Ա Մ Ա Ն
30.10.2014թ. N 5-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ ԿԱՐԳԱՊԱՀԱԿԱՆ ՀԱՆՁՆԱԺՈՂՈՎԻ ԸՆՏՐՎՈՂ ԾԱՌԱՅՈՂՆԵՐԻ ՎԻՃԱԿԱՀԱՆՈՒԹՅՈՒՆ ԱՆՑԿԱՑՆԵԼՈՒ ԿԱՐԳԸ ԵՎ ՎԻՃԱԿԱՀԱՆՈՒԹՅՈՒՆ ԱՆՑԿԱՑՆՈՂ ՀԱՆՁՆԱԺՈՂՈՎԻ ԿԱԶՄԸ ՀԱՍՏԱՏԵԼՈՒ ՄԱՍԻՆ
«Հայաստանի Հանրապետության քննչական կոմիտեի մասին» Հայաստանի Հանրապետության օրենքի 15-րդ հոդվածի 2-րդ մասի դրույթների իրականացումն ապահովելու նպատակով, ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 12-րդ հոդվածի 2-րդ մասի 3-րդ կետով'
Հրամայում եմ՝
- Հաստատել Հայաստանի Հանրապետության քննչական կոմիտեի կարգապահական հանձնաժողովի ընտրվող ծառայողների վիճակահանություն անցկացնելու կարգը՝ համաձայն N1 հավելվածի:
- Հաստատել Հայաստանի Հանրապետության քննչական կոմիտեի կարգապահական հանձնաժողովի ընտրվող ծառայողների վիճակահանություն անցկացնող հանձնաժողովի կազմը՝ համաձայն N2 հավելվածի:
- Սույն հրամանն ուղարկել Հայաստանի Հանրապետության քննչական կոմիտեի մարմինների և ստորաբաժանումների ղեկավարներին, Հայաստանի Հանրապետության քննչական կոմիտեի դեպարտամենտի ղեկավարին:
Ա.Գ.ՀՈՎՍԵՓՅԱՆ
« » հոկտեմբերի 2014թ.
ք. Երևան
Հավելված N1
Հաստատված է Հայաստանի Հանրապետության
քննչական կոմիտեի նախագահի
30.10.2014թ. թիվ 5--Ա հրամանով
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ ԿԱՐԳԱՊԱՀԱԿԱՆ ՀԱՆՁՆԱԺՈՂՈՎԻ ԸՆՏՐՎՈՂ ԾԱՌԱՅՈՂՆԵՐԻ ՎԻՃԱԿԱՀԱՆՈՒԹՅՈՒՆ ԱՆՑԿԱՑՆԵԼՈՒ
- Սույնով սահմանվում է Հայաստանի Հանրապետության քննչական կոմիտեի կարգապահական հանձնաժողովի ընտրվող ծառայողների վիճակահանություն անցկացնող հանձնաժողովի (այսուհետ' հանձնաժողով) գործունեության կարգը:
- Հանձնաժողովի աշխատանքները կազմակերպում և ղեկավարում է հանձնաժողովի նախագահը:
- Հանձնաժողովի անդամների ներկայությունը վիճակահանության անցկացմանը պարտադիր է:
- Հայաստանի Հանրապետության քննչական կոմիտեի կարգապահական հանձնաժողովի ընտրվող երեք ծառայողները վիճակահանությամբ ընտրվում են Հայաստանի Հանրապետության քննչական կոմիտեի ծառայողների թվից, բացառությամբ Հայաստանի Հանրապետության քննչական կոմիտեի նախագահի և նրա տեղակալների:
- Վիճակահանություն անցկացնելուց մեկ օր առաջ Հայաստանի Հանրապետության քննչական կոմիտեի դեպարտամենտի անձնակազմի կառավարման վարչության կողմից վիճակահանությանը մասնակցող Հայաստանի Հանրապետության քննչական կոմիտեի ծառայողների անուն-ազգանունները և պաշտոնները լրացվում են միատեսակ թերթիկների վրա, բոլոր թերթիկները ծալվում են այնպես, որ միմյանցից չտարբերվեն:
- Վիճակահանության թերթիկները վիճակահանության թափանցիկ արկղի մեջ են տեղավորվում հանձնաժողովի նախագահի կողմից, հանձնաժողովի անդամների ներկայությամբ՝ հավաստիանալով վիճակահանությանը մասնակցող ծառայողների և վիճակահանության թերթիկների թվաքանակի համապատասխանության մեջ:
- Հանձնաժողովի նախագահը վիճակահանության արկղից երեք անգամ հանում է մեկական թերթիկ, որոնք հերթականությամբ բացում է և բարձրաձայն ընթերցում դրանցում գրառված ծառայողների անուն-ազգանունները և պաշտոնները:
- Հանձնաժողովի քարտուղարը կազմում է վիճակահանության ընթացքն ու արդյունքներն արտացոլող արձանագրություն, որը ստորագրվում է հանձնաժողովի նախագահի, անդամների և քարտուղարի կողմից:
Հավելված N2
Հաստատված է Հայաստանի Հանրապետության
քննչական կոմիտեի նախագահի
30.10.2014թ թիվ 5-Ա հրամանով
ԿԱԶՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ
ԿԱՐԳԱՊԱՀԱԿԱՆ ՀԱՆՁՆԱԺՈՂՈՎԻ ԸՆՏՐՎՈՂ ԾԱՌԱՅՈՂՆԵՐԻ ՎԻՃԱԿԱՀԱՆՈԻԹՅՈԻՆ ԱՆՑԿԱՑՆՈՂ ՀԱՆՁՆԱԺՈՂՈՎԻ
Հանձնաժողովի նախագահ՝
Ստեփանյտն Հովհաննես Միքայելի - Հայաստանի Հանրապետության քննչական
կոմիտեի նախագահի խորհրդական
Հանձնաժողովի անդամներ՝
Դանիելյան Մկրտիչ Սարգսի - Հայաստանի Հանրապետության քննչական
կոմիտեի դեպարտամենտի ղեկավարի տեղակալ
Տեր-Գևորգյան Վարազդատ Մարատի- Հայաստանի Հանրապետության քննչական
կոմիտեի դեպարտամենտի իրավական ապահովման
և վիճակագրության վարչության պետ
Կիրակոսյան Հասմիկ Գաբրիելի - Հայաստանի Հանրապետության քննչական
կոմիտեի դեպարտամենտի անձնակազմի
կառավարմւսն վարչության պետ
Քարտուղար՝
Ստեփանյան էմմա Դավիթի- Հայաստանի Հանրապետության քննչական
կոմիտեի դեպարտամենտի անցագրային բաժնի
1-ին կարգի մասնագետ