ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
       ՔՆՆՉԱԿԱՆ ԿՈՄԻՏԵԻ ՆԱԽԱԳԱՀԻ

Հ Ր Ա Մ Ա ՆՀՀ

30.10.2014թ. N 5-Ա
Ինկորպորացիա առ 12.08.2024թ. N 179-Ա

Հիմնական փաստաթուղթ
Հիմնական փաստաթութը փոփոխող իրավական ակտ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ ԿԱՐԳԱՊԱՀԱԿԱՆ ՀԱՆՁՆԱԺՈՂՈՎԻ ԸՆՏՐՎՈՂ ԻՆՔՆԱՎԱՐ ՊԱՇՏՈՆ ԶԲԱՂԵՑՆՈՂ ԱՆՁԱՆՑ ՎԻՃԱԿԱՀԱՆՈՒԹՅՈՒՆ ԱՆՑԿԱՑՆԵԼՈՒ ԿԱՐԳԸ ԵՎ ՎԻՃԱԿԱՀԱՆՈՒԹՅՈՒՆ ԱՆՑԿԱՑՆՈՂ ՀԱՆՁՆԱԺՈՂՈՎԻ ԿԱԶՄԸ ՀԱՍՏԱՏԵԼՈՒ ՄԱՍԻՆ
(փոփ. 02.11.2021. N 147-Ա)

«Հայաստանի Հանրապետության քննչական կոմիտեի մասին» Հայաստանի Հանրապետության օրենքի 15-րդ հոդվածի 2-րդ մասի դրույթների իրականացումն ապահովելու նպատակով, ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 12-րդ հոդվածի 2-րդ մասի 3-րդ կետով՝

Հրամայում եմ՝

              
1. Հաստատել  Հայաստանի Հանրապետության քննչական կոմիտեի կարգապահական հանձնաժողովի ընտրվող ինքնավար պաշտոն զբաղեցնող անձանց վիճակահանություն անցկացնելու կարգը՝ համաձայն N 1 հավելվածի։ (փոփ. 02.11.2021. N 147-Ա)

2. Հաստատել  Հայաստանի Հանրապետության քննչական կոմիտեի կարգապահական հանձնաժողովի ընտրվող ինքնավար պաշտոն զբաղեցնող անձանց վիճակահանություն անցկացնող հանձնաժողովի կազմը՝ համաձայն N 2 հավելվածի։ (փոփ. 02.11.2021. N 147-Ա)

3. Սույն հրամանն ուղարկել Հայաստանի Հանրապետության քննչական կոմիտեի մարմինների և ստորաբաժանումների ղեկավարներին, Հայաստանի Հանրապետության քննչական կոմիտեի դեպարտամենտի ղեկավարին։

Ա.Գ.ՀՈՎՍԵՓՅԱՆ

          Հավելված N 1
Հաստատված է
Հայաստանի Հանրապետության
քննչական կոմիտեի նախագահի
3010.2014թ.  թիվ 5-Ա   հրամանով

ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ ԿԱՐԳԱՊԱՀԱԿԱՆ ՀԱՆՁՆԱԺՈՂՈՎԻ ԸՆՏՐՎՈՂ ԻՆՔՆԱՎԱՐ ՊԱՇՏՈՆ ԶԲԱՂԵՑՆՈՂ ԱՆՁԱՆՑ ՎԻՃԱԿԱՀԱՆՈՒԹՅՈՒՆ ԱՆՑԿԱՑՆԵԼՈՒ
(փոփ. 02.11.2021. N 147-Ա)

1. Սույնով սահմանվում է Հայաստանի Հանրապետության քննչական կոմիտեի կարգապահական հանձնաժողովի ընտրվող ինքնավար պաշտոն զբաղեցնող անձանց վիճակահանություն անցկացնող հանձնաժողովի (այսուհետ՝ հանձնաժողով) գործունեության կարգը։ (փոփ. 02.11.2021. N 147-Ա)
2. Հանձնաժողովի աշխատանքները կազմակերպում և ղեկավարում է հանձնաժողովի նախագահը։
3. Հանձնաժողովի անդամների ներկայությունը վիճակահանության անցկացմանը պարտադիր է։
4. Հայաստանի Հանրապետության քննչական կոմիտեի կարգապահական հանձնաժողովի ընտրվող երեք անդամները վիճակահանությամբ ընտրվում են Հայաստանի Հանրապետության քննչական կոմիտեի ինքնավար պաշտոն զբաղեցնող անձանց թվից, բացառությամբ Հայաստանի Հանրապետության քննչական կոմիտեի նախագահի և նրա տեղակալների։ (խմբ. 02.11.2021. N 147-Ա)
5. Վիճակահանություն անցկացնելուց մեկ օր առաջ Հայաստանի Հանրապետության քննչական կոմիտեի անձնակազմի կառավարման վարչության կողմից վիճակահանությանը մասնակցող Հայաստանի Հանրապետության քննչական կոմիտեի ինքնավար պաշտոն զբաղեցնող անձանց անուն-ազգանունները և պաշտոնները լրացվում են միատեսակ թերթիկների վրա, բոլոր թերթիկները ծալվում են այնպես, որ միմյանցից չտարբերվեն։ (փոփ. 02.11.2021. N 147-Ա)
6. Վիճակահանության թերթիկները վիճակահանության թափանցիկ արկղի մեջ են տեղավորվում հանձնաժողովի նախագահի կողմից՝ հանձնաժողովի անդամների ներկայությամբ: (խմբ. 02.11.2021. N 147-Ա)
7.  Հանձնաժողովի նախագահը վիճակահանության արկղից երեք անգամ հանում է մեկական թերթիկ, որոնք հերթականությամբ բացում է և բարձրաձայն ընթերցում դրանցում գրառված ինքնավար պաշտոն զբաղեցնող անձանց անուն-ազգանունները և պաշտոնները։ (փոփ. 02.11.2021. N 147-Ա)
8.  Հանձնաժողովի քարտուղարը կազմում է վիճակահանության ընթացքն ու արդյունքներն արտացոլող արձանագրություն, որը ստորագրվում է հանձնաժողովի նախագահի, անդամների և քարտուղարի կողմից։

Հավելված N 2
  Հաստատված է
Հայաստանի Հանրապետության
քննչական կոմիտեի նախագահի
3010.2014թ.  թիվ 5-Ա հրամանով
(հավելվածը խմբ. 02.11.2021. N 147-Ա)

ԿԱԶՄ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ ԿԱՐԳԱՊԱՀԱԿԱՆ ՀԱՆՁՆԱԺՈՂՈՎԻ ԸՆՏՐՎՈՂ ԻՆՔՆԱՎԱՐ ՊԱՇՏՈՆ ԶԲԱՂԵՑՆՈՂ ԱՆՁԱՆՑ ՎԻՃԱԿԱՀԱՆՈՒԹՅՈՒՆ ԱՆՑԿԱՑՆՈՂ ՀԱՆՁՆԱԺՈՂՈՎԻ