ՀՀ քննչական կոմիտեն, իր 10-ամյա հոբելյանական միջոցառումների շրջանակում, համագործակցության հուշագրեր է ստորագրել հանրապետության 9 առաջատար գիտաուսումնական հաստատությունների հետ (լուսանկարներ)
ՀՀ քննչական կոմիտեն իր կազմավորման 10-ամյակը նշանավորում է ՀՀ-ում գործող գիտակրթական և գիտահետազոտական կենտրոնների հետ համագործակցության նոր, հեռանկարային նախաձեռնությամբ։
Սեպտեմբերի 23-ին իր 10-ամյակի հոբելյանական միջոցառումների շրջանակներում կազմակերպված «ՀՀ քննչական կոմիտե. 10-ամյա իրողություններ և զարգացման հեռանկարներ» խորագրով գիտաժողով-սեմինարի ընթացքում ՀՀ քննչական կոմիտեն երկկողմ համագործակցության հուշագրեր է ստորագրել hանրապետությունում իրավաբանների պատրաստման և վերապատրաստման, իրավագիտության զարգացման ոլորտում ակտիվ գործունություն ծավալող գիտաուսումնական ինը հաստատության՝ ՀՀ գիտությունների ազգային ակադեմիայի, Երևանի պետական համալսարանի, ՀՀ արդարադատության ակադեմիայի, ՀՀ պետական կառավարման ակադեմիայի, Խաչատուր Աբովյանի անվան հայկական պետական մանկավարժական համալսարանի, «Ռուս-Հայկական» (Սլավոնական) համալսարանի, Հայաստանում ֆրանսիական համալսարանի, Հայաստանի Եվրոպական համալսարանի և ՀՀ ներքին գործերի նախարարության կրթահամալիրի հետ։
Փաստաթղթերն ստորագրել են մի կողմից՝ ՀՀ քննչական կոմիտեի նախագահը, մյուս կողմից՝ գիտաժողովին մասնակից՝ նշված գիտաուսումնական հաստատությունների ռեկտորները, ղեկավարները, նրանց տեղակալները։
Հուշագրերի ստորագրման նպատակն է ձևավորել համագործակցության առավել արդյունավետ ձևաչափեր՝ իրավական կրթության և գիտական հետազոտությունների, ուսանողների կարիերայի արդյունավետ պլանավորման, ուսանողների տեսական ու գործնական գիտելիքներն ամրապնդելու, ինչպես նաև՝ ՔԿ քննիչների մասնագիտական զարգացմանն ուղղված ծրագրերում բուհերի մտավոր ու գիտական ներուժն ավելի նպատակային օգտագործելու համար։
Հուշագրերով կողմերը նախատեսում են համագործակցել Կոմիտեում բուհերի իրավագիտության ֆակուլտետների ուսանողների ուսումնա-արտադրական պրակտիկաների, համատեղ գիտակրթական միջոցառումների անցկացման ոլորտներում, ներգրավվել գիտահետազոտական ծրագրերում, համատեղ մշակված ուսումնական և մեթոդական նյութերով անցկացնել սեմինարներ, բաց դասեր և այլն։
Գիտաժողովի մասնակիցներն ընդգծել են, որ հուշագրերի ստորագրումը և դրանցով նախատեսված միջոցառումների իրականացումը որակապես նոր էջ է բացում ՀՀ քննչական կոմիտեի և գիտաուսումնական հաստատությունների հարաբերություններում։
-
24.09.24, 12:49Գիտաժողով-սեմինար՝ ՀՀ քննչական կոմիտեի 10-ամյակի կապակցությամբ. մասնակցել են հանրապետության բոլոր առաջատար գիտակրթական կենտրոնները (լուսանկարներ)ՀՀ քննչական կոմիտեն շարունակում է իր կազմավորման 10-ամյակին նվիրված հանդիսավոր միջոցառումների շարքը։ -
11.09.24, 17:22ՀՀ քննչական կոմիտեի 10-ամյակի շրջանակներում ՀՀ ՔԿ նախագահը հանդիպել է համակարգի վետերաններին և պարգևատրել նրանց, ինչպես նաև հիմնադրվել է ՀՀ ՔԿ պատմության թանգարան (տեսանյութ, լուսանկարներ)ՀՀ քննչական կոմիտեի նախագահը ներկաների հետ շրջել է թանգարանում, դիտել համակարգի նախկին և գործող աշխատակիցների նվիրատվության, ջանքերի արդյունքում ձեռք բերված ցուցանմուշները, ծանոթացել դրանց պատմությանն ու նշանակությանը։ -
26.07.24, 19:41ՀՀ քննչական կոմիտեի կոլեգիայի արտագնա ընդլայնված նիստ՝ Գավառում. ամփոփվել են 10-ամյա գործունեության համատեքստում ՔԿ ընթացիկ արդյունքները (լուսանկարներ)Գավառում տեղի է ունեցել ՀՀ քննչական կոմիտեի կոլեգիայի արտագնա ընդլայնված նիստը՝ Արգիշտի Քյարամյանի նախագահությամբ։ -
26.07.24, 15:17ՀՀ քննչական կոմիտեի 10–ամյակին նվիրված հոբելյանական միջոցառումները շարունակվում են․ քննչական կոմիտեի նախագահը և ողջ ղեկավար կազմը Գեղարքունիքի մարզում են (լուսանկարներ)ՀՀ քննչական կոմիտեն շարունակում է իր ձևավորման 10–ամյակի հոբելյանական, հանդիսավոր միջոցառումների շարքը։ -
31.05.24, 18:47ՀՀ քննչական կոմիտեի 10–ամյակին նվիրված արտագնա հանդիսավոր նիստ՝ Քաջարանում(լուսանկարներ)ՀՀ ՔԿ նախագահ Արգիշտի Քյարամյանը ՀՀ ՔԿ զինվորական քննչական գլխավոր վարչության և կայազորային քննչական բաժինների ղեկավարության ուղեկցությամբ այցելել է Քաջարան քաղաք;