ՀՀ քննչական կոմիտեում քննարկվել են Հայաստանում փողերի լվացման հանցատեսակի դեմ պայքարի ոլորտում ԱՄՆ հետ համագործակցության հարցերը (լուսանկարներ)
ՀՀ քննչական կոմիտեի նախագահի տեղակալ Արսեն Այվազյանն այսօր ընդունել է Հայաստանում ԱՄՆ դեսպանատան թմրամիջոցների դեմ պայքարի և իրավական համագործակցության գրասենյակի տնօրեն Ալեքսիս Հաֆտվանի գլխավորած պատվիրակությանը։
Արսեն Այվազյանը նշել է, որ ՀՀ քննչական կոմիտեի և Հայաստանում ԱՄՆ դեսպանատան միջև բարձր մակարդակով համագործակցությունն արդյունավետորեն շարունակվում է, ինչի շրջանակներում նշանակալի աշխատանք է ծավալվել տարբեր ուղղություններով ՀՀ քննչական կոմիտեի կարողությունների զարգացման և մասնագիտական ռեսուրսների կատարելագործման ուղղությամբ։
Հերթական կարևոր քայլն այս ուղղությամբ ԱՄՆ արդարադատության դեպարտամենտի հետաքննությունների դաշնային բյուրոյի (FBI) հետ համագործակցությամբ փողերի լվացման հանցատեսակի դեմ քրեաիրավական պայքարում հմտությունների զարգացմանը միտված վերապատրաստման ծրագրի մեկնարկն է։ Այս ոլորտում ԱՄՆ մասնագիտական աջակցության կարիքը ՀՀ քննչական կոմիտեն ներկայացրել էր ԱՄՆ դեսպանատան ներկայացուցիչների հետ նախորդ հանդիպումների ժամանակ։ ՀՀ քննչական կոմիտեի նախագահի տեղակալը ընդգծել է, որ որպես փողերի լվացման եղանակ՝ վերջին շրջանում ավելի շատ են կիրառվում հանցավոր ճանապարհով ձեռք բերված դրամական միջոցները կրիպտոարժույթների վերածելու, կամ այլ երկրներում անշարժ գույքեր ձեռք բերելու մեխանիզմները, որոնց դեմ պայքարը ենթադրում է միջազգային լայն համագործակցություն և կարողությունների շարունակական զարգացում։
Այս համագործակցությունը բխում է նաև ՀՀ քննչական կոմիտեի և ԱՄՆ հետաքննությունների դաշնային բյուրոյի միջև այս տարի ստորագրված համագործակցության հուշագրից։
Արսեն Այվազյանը համոզմունք է հայտնել, որ ֆինանսական հանցագործությունների դեմ պայքարում ամերիկյան հարուստ փորձի հիման վրա Հետաքննությունների դաշնային բյուրոյի մասնագետների կողմից անցկացվող վերապատրաստման դասընթացները նպաստելու են փողերի լվացման քրեական վարույթներով նախաքննության արդյունավետության և որակի բարձրացմանը։
Տիկին Հաֆտվանը շեշտել է, որ ԱՄՆ-ն պատրաստ է աջակցելու փողերի լվացման և ֆինանսական բնույթի այլ հանցագործությունների դեմ պայքարի բոլոր այն նախաձեռնություններին, որոնց անհրաժեշտությունը տեսնում են ՀՀ իրավապահ մարմինները։ Նա հավելել է, որ արդեն իսկ կարող են քննարկել այս ոլորտում հետագա նոր ծրագրերի, նախաձեռնությունների կարիքներն ու ուղղությունները։
Հանդիպման ընթացքում քննարկվել են Երևանում մեկնարկող վերապատրաստման դասընթացին, ՀՀ քննչական կոմիտեի և ԱՄՆ դեսպանատան հետ գործակցությանը վերաբերող հարցեր։ Կողմերը պայմանավորվել են առաջիկայում ակտիվացնել երկխոսությունը, ՀՀ քննչական կոմիտեի կարիքների հաշվառմամբ, նախանշվող նոր ծրագրերի մանրամասները քննարկելու շուրջ։
-
21.03.24, 14:56Գերմանիայի դաշնային քրեական ծառայության կցորդ, Հարավային Կովկասում քրեական գործերով գլխավոր հանձնակատարն այցելել է ՀՀ քննչական կոմիտե (լուսանկարներ)Արսեն Այվազյանը հույս է հայտնել, որ Միրկո Հյուբենբեկերի՝ ՀՀ քնչական կոմիտե կատարած առաջին այցը համագործակցության հիմքեր կստեղծի: -
05.03.24, 17:56Հայաստան է ժամանել Վրաստանի հատուկ քննչական ծառայության ղեկավարը․ ստորագրվել է համագործակցության հուշագիր (լուսանկարներ)Ի նշան բարեկամության և երկկողմ հարաբերությունների սերտացման՝ Վրաստանի հատուկ քննչական ծառայության ղեկավարը ՀՀ քննչական կոմիտեի բակում եղևնի է տնկել։ -
20.02.24, 17:27ՀՀ քննչական կոմիտե է այցելել ԱՄՆ արդարադատության դեպարտամենտի հետաքննությունների դաշնային բյուրոյի՝ Հայաստանում և Վրաստանում իրավական կցորդ տիկին Հեդեր ԲերգըԱմփոփվել և գնահատվել են համատեղ կատարված աշխատանքները, քննարկվել են ՀՀ քննչական կոմիտեի ներկայիս կարիքները և համագործակցության նոր ուղղությունները։ -
12.02.24, 16:38Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության դեսպանատան ներկայացուցիչներն այցելել են ՀՀ քննչական կոմիտե (լուսանկարներ)ՀՀ քննչական կոմիտեն պատրաստ է ինչպես դեսպանության, այնպես էլ՝ Միացյալ Թագավորության իրավապահ մարմինների հետ սերտ գործակցությանը: -
28.09.23, 17:43ՀՀ քննչական կոմիտեի նախագահի տեղակալը Չինաստանում հանդիպել է «Ինտերպոլի» նախագահին (լուսանկարներ)Քննարկվել են ՀՀ ՔԿ և «Ինտերպոլ»-ի միջև համագործակցության հնարավորություններին առնչվող մի շարք հարցեր։ -
28.09.23, 16:34ՀՀ քննչական կոմիտեի նախագահի տեղակալը Չինաստանում Հանրային անվտանգության համագործակցության համաշխարհային ֆորումի շրջանակներում հանդիպումներ է ունեցել ՉԺՀ հասարակական անվտանգության նախարարի և նրա տեղակալի հետ (լուսանկարներ)ՀՀ քննչական կոմիտեի նախագահի տեղակալը հանդիպում է ունեցել նաև ՉԺՀ հասարակական անվտանգության նախարարի 1-ին տեղակալի հետ։ -
16.06.23, 17:54ՀՀ քննչական կոմիտեում քննարկվել են թվայնացման միջոցով հակակոռուպցիոն կառուցակարգերը զարգացնելու հնարավորություններըՀՀ քննչական կոմիտեի նախագահի տեղակալ Արսեն Այվազյանն ընդունել է Համաշխարհային բանկի մասնագիտական խմբին։ -
13.06.23, 17:18ՀՀ ՔԿ նախագահի տեղակալը և ՀՀ-ում ԱՄՆ հյուպատոսը քննարկել են գործակցության արդյունավետության բարձրացման հնարավորությունները (լուսանկարներ)ՀՀ քննչական կոմիտեի նախագահի տեղակալ Արսեն Այվազյանն այսօր ընդունել է Հայաստանի Հանրապետությունում Ամերիկայի Միացյալ Նահանգների հյուպատոս Ջեյն Ջենսենին։