ՀՀ քննչական կոմիտեի նախագահ Աղվան Հովսեփյանը և ԻԻՀ վերահսկողության գլխավոր կազմակերպության նախագահ Նասեր Սերաջն ստորագրեցին փոխըմբռնման հուշագիր (Լուսանկարներ)
ՀՀ քննչական կոմիտեի նախագահ Աղվան Հովսեփյանն այսօր ընդունել է ԻԻՀ վերահսկողության գլխավոր կազմակերպության նախագահ Նասեր Սերաջին։
Հանդիպման ընթացքում կողմերը քննարկել են երկու երկրների քննչական մարմինների միջև համագործակցությանը վերաբերող հարցեր՝ երկուստեք կարևորելով քրեական գործերով միմյանց օպերատիվ տեղեկատվության փոխանակումն ու իրավական օգնության ցուցաբերումը։ Կողմերը նախանշել են փոխգործակցությունը զարգացնելու կոնկրետ ուղղություններ։
Առանձնազրույցից հետո ՀՀ քննչական կոմիտեի նախագահ Աղվան Հովսեփյանը և ԻԻՀ վերահսկողության գլխավոր կազմակերպության նախագահ Նասեր Սերաջն ստորագրեցին փոխըմբռնման հուշագիր։
Ըստ այդմ՝ կողմերը, իրենց պետությունների ազգային օրենսդրության և միջազգային իրավունքի հանրաճանաչ սկզբունքներին և նորմերին համապատասխան, պայմանավորվել են համագործակցել կոռուպցիայի դեմ պայքարում, մարդու իրավունքների պաշտպանության, դիմումների քննության, ինչպես նաև՝ յուրաքանչյուր կողմի իրավասության այլ լիազորությունների իրականացման բնագավառում:
Կկազմակերպվեն պատվիրակությունների կամ փորձագետների փոխադարձ այցեր՝ համաձայն նախապես մշակված փոխանակության ծրագրի, ֆորումներ, աշխատանքային հանդիպումներ, գիտաժողովներ և կլոր սեղաններ՝ ապահովելու միջազգային համագործակցությունը իրավական օգնության բնագավառում, նաև բազմակողմ միջոցառումների շրջանակներում դիմումների քննության և այլ լիազորությունների իրականացման բնագավառում, կապահովվի պատշաճ տեղեկատվության փոխանակումը:
ԻԻՀ վերահսկողության գլխավոր կազմակերպության նախագահ Նասեր Սերաջի գլխավորած պատվիրակությունն աշխատանքային այցով Հայաստան է ժամանել է ՀՀ քննչական կոմիտեի նախագահ Աղվան Հովսեփյանի հրավերով՝ հուլիսի 12-ին։
Ծանոթություն. ԻԻՀ վերահսկողության գլխավոր կազմակերպության պարտականությունների ու իրավասությունների մեջ է մտնում նաև վերահսկողության սահմանումը՝ արդարադատության գերատեսչությունների և վարչությունների ֆինանսական և վարչական հարցերի, դատական իշխանության ենթակա կառույցների, իրավապահ մարմինների, պետական ընկերությունների և ինստիտուտների, քաղաքապետարանների և ներքին գործերի նախարարության ենթակա կառույցների և այլ կազմակերպությունների վրա, նշված կառույցներում կանոնավոր կարգով ստուգումների իրականացումը։
-
01.06.18, 12:24Խորհրդակցություն Քննչական կոմիտեում. քննարկվել են սերմացուի և պարարտանյութի բաշխման գործընթացում արձանագրված չարաշահումների դեպքերի առթիվ հարուցված քրեական գործերըՀամայնքներում սերմացուի և պարարտանյութի բաշխման գործընթացում արձանագրված չարաշահումների դեպքերի առթիվ քննվում է 49 քրեական գործ: -
29.03.18, 13:51ՀՀ ՔԿ նախագահ Աղվան Հովսեփյանն ընդունել է Հայաստանում ՌԴ արտակարգ և լիազոր դեսպան Իվան Վոլինկինին՝ մեր երկրում դիվանագիտական առաքելությունն ավարտելու կապակցությամբ (լուսանկարներ)Աղվան Հովսեփյանը շնորհակալություն է հայտնել Իվան Վոլինկինին` դեսպանի պաշտոնում երկու երկրների իրավապահ մարմինների միջև համագործակցությունը զարգացնելու ուղղությամբ գործադրած ջանքերի համար։ -
21.03.18, 08:40ՀՀ ՔԿ նախագահն ընդունել է ՌԴ քննչական կոմիտեի նախագահի տեղակալի գլխավորած պատվիրակությանըՔԿ նախագահ Աղվան Հովսեփյանն ընդգծել է առանձին հանցատեսակների դեմ պայքարի փորձի փոխանակման կարևորությունը: -
19.12.17, 10:16ՀՀ ՔԿ նախագահ Աղվան Հովսեփյանը հանդիպում է ունեցել ՌԴ ՔԿ նախագահ Ալեքսանդր Բաստրիկինի հետ (Լուսանկարներ)Երկու երկրների քննչական կոմիտեների նախագահներն անդրադարձել են համագործակցությունը զարգացնելու հեռանկարներին: -
18.10.17, 07:16Հայաստանի Հանրապետության քննչական կոմիտեն զարգացնում է երկկողմ համագործակցությունը Ռուսաստանի Դաշնության և Բելառուսի Հանրապետության քննչական կոմիտեների հետ. Ստորագրվել են փոխըմբռնման հուշագրեր (Լուսանկարներ)Երևան են ժամանել Ռուսաստանի Դաշնության քննչական կոմիտեի նախագահ Ալեքսանդր Բաստրիկինը և Բելառուսի Հանրապետության քննչական կոմիտեի նախագահ Իվան Նոսկևիչը։ -
12.06.17, 13:23ՀՀ ՔԿ նախագահ Աղվան Հովսեփյանն ընդունել է ԵԱՀԿ երևանյան գրասենյակի ղեկավար, դեսպան Արգո Ավակովին (Լուսանկարներ)ՔԿ նախագահը բարձր է գնահատել դատաիրավական բարեփոխումների իրականացմանը և հատկապես մինչդատական վարույթի արդյունավետության բարձրացմանը ԵԱՀԿ երևանյան գրասենյակի ցուցաբերած աջակցությունը։ -
13.04.17, 15:03ՀՀ քննչական կոմիտեի նախագահ Աղվան Հովսեփյանն ընդունել է Հայաստանում ԵՄ պատվիրակության ղեկավար, դեսպան Պյոտր ՍվիտալսկունՔԿ նախագահը փաստել է, որ ընտրական գործընթացը կազմակերպելու համար ԵՄ-ի տրամադրած տեխնիկական աջակցությունն էապես նպաստել է ընտրախախտումների որոշ տեսակների կանխարգելմանը, բացահայտմանը։ -
01.02.17, 15:36ՀՀ ՔԿ նախագահ Աղվան Հովսեփյանն ընդունել է ՀՀ-ում ԵՄ պատվիրակության ղեկավար, դեսպան Պյոտր ՍվիտալսկիինՀՀ քննչական կոմիտեի նախագահ Աղվան Հովսեփյանն ընդունել է ՀՀ-ում ԵՄ պատվիրակության ղեկավար, դեսպան Պյոտր Սվիտալսկիին: