Կառավարությունը հավանություն է տվել դեպքի վայրի պահպանության ոլորտը կարգավորելուն ուղղված ՀՀ քննչական կոմիտեի մշակած օրենսդրական փաթեթի նախագծին
ՀՀ կառավարությունն այսօր հավանություն է տվել դեպքի վայրի պահպանությունը կանոնակարգելուն ուղղված ՀՀ քննչական կոմիտեի մշակած օրենսդրական փաթեթի նախագծին:
Գործող օրենսդրությամբ՝ ՀՀ քրեական դատավարության օրենսգրքի 56-րդ հոդվածում թվարկված հետաքննության մարմիններից դեպքի վայրի պահպանության պարտականություն դրված է միայն Հայաստանի Հանրապետության ոստիկանության և Հայաստանի Հանրապետության պաշտպանության նախարարության համապատասխան ստորաբաժանումների վրա։
Մինչդեռ, ՀՀ քրեական դատավարության օրենսգրքի համաձայն՝ վերը նշված երկու մարմիններից բացի, հետաքննության մարմիններ են նաև՝ հարկային մարմինները` հարկային հանցագործությունների գործերով, մաքսային մարմինները` մաքսանենգության և, օրենքով նախատեսված դեպքերում, մտավոր սեփականության իրավունքի խախտման գործերով, ազգային անվտանգության մարմինները` օրենքով նրանց իրավասությանը հանձնված գործերով, ինչպես նաև՝ օդանավի հրամանատարը՝ օդանավում թռիչքի ժամանակ տեղի ունեցած հանցագործությունների վերաբերյալ գործերով:
Հետևապես՝ նշված մարմինները ևս պետք է իրականացնեն դեպքի վայրի պահպանությունը՝ իրենց ենթակայության գործերով։ Բացի այդ, առաջարկվել է դեպքի վայրի պահպանման կանոնները հաստատել ենթաօրենսդրական ակտով՝ Հայաստանի Հանրապետության կառավարության որոշմամբ:
Օրենսդրական փաթեթով հստակեցվում է հետաքննության բոլոր մարմինների՝ դեպքի վայրի պահպանության լիազորությունը՝ նպատակ ունենալով միասնական իրավական կարգավորում ձևավորել՝ դեպքի վայրի պահպանության ոլորտում հետաքննության մարմինների համար:
-
06.11.24, 16:27ՀՀ քննչական կոմիտեում բարեվարքության համակարգ է ներդրվելՀայաստանում իրականացվող դատաիրավական և հակակոռուպցիոն բարեփոխումների շրջանակներում ՀՀ քննչական կոմիտեի համակարգում ներդրվել է բարեվարքության ինստիտուտ։ -
11.10.24, 23:11Հանդիսավոր միջոցառում՝ ՀՀ քննչական կոմիտեի ձևավորման 10-ամյակի կապակցությամբ (լուսանկարներ)ՀՀ վարչապետը շնորհավորել է ՔԿ ծառայողներին, անդրադարձել Հայաստանի իրավապահ համակարգերում իրականացվող բարեփոխումների ընթացքին: -
12.09.24, 10:45Քննչական կոմիտեի պատվիրակությունը մասնակցել է ԱՄՆ Չիկագո քաղաքում անցկացված՝ քրեական արդարադատության ոլորտի կին ներկայացուցիչների՝ 2024թ. տարեկան ամենամեծ համաժողովին (լուսանկարներ)Հանդիպումներ և փորձի փոխանակմանը միտված քննարկումներ են տեղի ունեցել մի շարք այլ երկրների իրավապահ մարմինների ներկայացուցիչների հետ։ -
06.08.24, 14:46ՀՀ քննչական կոմիտեն փորձաքրեագիտական կենտրոն ունի, որն սկսել է գործել ՊՈԱԿ-ի կարգավիճակովՀՀ քննչական կոմիտեի կազմում, ՀՀ կառավարության կողմից հիմնադրման միջոցով, ձևավորվել է «Հայաստանի Հանրապետության քննչական կոմիտեի փորձաքրեագիտական կենտրոն» պետական ոչ առևտրային կազմակերպությունը և հաստատվել է վերջինիս կանոնադրությունը։ -
26.07.24, 15:17ՀՀ քննչական կոմիտեի 10–ամյակին նվիրված հոբելյանական միջոցառումները շարունակվում են․ քննչական կոմիտեի նախագահը և ողջ ղեկավար կազմը Գեղարքունիքի մարզում են (լուսանկարներ)ՀՀ քննչական կոմիտեն շարունակում է իր ձևավորման 10–ամյակի հոբելյանական, հանդիսավոր միջոցառումների շարքը։ -
10.04.24, 12:13ՀՀ քննչական կոմիտեում ԱՄՆ-ից ժամանած փորձագետների հետ քննարկվել են Հայաստանում փորձաբժշկական ԴՆԹ տվյալների բազայի զարգացման խնդիրներըՀՀ քննչական կոմիտեում այսօր հյուրընկալվել է ամերիկյան «GTH Consulting» խորհրդատվական ընկերության պատվիրակությունը։ -
22.04.23, 09:00«Եվրասիա» ավագ դպրոցի սաները հյուրընկալվել են ՀՀ քննչական կոմիտեում (լուսանկարներ)«Եվրասիա» ավագ դպրոցի սաները շրջել են ՀՀ ՔԿ կենտրոնական մարմնի վարչական շենքում, ծանոթացել են քննիչների բնականոն աշխատանքի համար ստեղծված պայմաններին ու հնարավորություններին։ -
10.11.22, 13:55ՀՀ քննչական կոմիտեի ներկայացուցիչները Բրյուսելում մասնակցել են ՀՀ-ԵՄ մարդու իրավունքների շուրջ երկխոսության և արդարադատության, ազատության և անվտանգության հարցերով Հայաստան-ԵՄ ենթակոմիտեի 12-րդ նիստերին (լուսանկարներ)ՀՀ ՔԿ ներկայացուցիչները մասնակցել են ՀՀ-ԵՄ Մարդու իրավունքների շուրջ երկխոսության և Արդարադատության, ազատության և անվտանգության հարցերով Հայաստան-ԵՄ ենթակոմիտեի 12-րդ նիստերին։