Մահվան ելքով վթար՝ Մասիս քաղաքում (տեսանյութ, լուսանկարներ)
2021թ. սեպտեմբերի 6-ին՝ ժամը 1810-ի սահմաններում, Մասիս-Նորամարգ ավտոճանապարհի Մասիս քաղաքի հատվածում միմյանց են բախվել Հրազդան քաղաքի 35-ամյա բնակչի կողմից վարած «Օպել Աստրա» մակնիշի և Մասիս քաղաքի 79-ամյա բնակչի կողմից վարած «Մերսեդես-Բենց» մակնիշի ավտոմեքենաները: Պատահարի հետևանքով «Մերսեդես-Բենց» մակնիշի ավտոմեքենայի վարորդը և երկու ուղևորները, մարմնական վնասվածքներով, տեղափոխվել են բժշկական կենտրոն, սակայն ճանապարհին վարորդը մահացել է:
Դեպքի առթիվ ՀՀ քննչական կոմիտեի Արարատի մարզային քննչական վարչության Մասիսի քննչական բաժնում հարուցվել է քրեական գործ՝ ՀՀ քրեական օրենսգրքի 242-րդ հոդվածի 2-րդ մասի հատկանիշներով:
Քրեական գործով կատարվել է դեպքի վայրի զննություն, հարցաքննվել է «Օպել Աստրա» մակնիշի ավտոմեքենայի վարորդը, նշանակվել դիակի դատաբժշկական և դատաբժշկական փորձաքննություններ:
Նախաքննությունը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
-
03.09.24, 16:37Երկու երեխաների մահվան ելքով ավտովթարի հանգամանքները պարզվում են քրեական վարույթի շրջանակներում (լուսանկարներ)Իրականացվել է դեպքի վայրի և վթարված ավտոմեքենաների զննություն: Ստուգվել է վարորդների սթափությունը և պարզվել է, որ նրանք գտնվում են սթափ վիճակում: -
22.07.23, 17:44«Մերսեդես»-ը մխրճվել է վթարի պատճառով հավաքված մարդկանց մեջ․ Երևան-Երասխ մայրուղում տեղի ունեցած ավտոպատահարի վերաբերյալ վարույթով 1 անձի մեղադրանք է ներկայացվել (լուսանկարներ)Պարզվել են 3 մարդու մահվան և 13 մարդու մարմնական վնասվածքներ ստանալու պատճառ հանդիսացած պատահարի մի շարք հանգամանքներ: -
24.03.22, 12:04Մահվան ելքով ճանապարհատրանսպորտային պատահարներ Արմավիրի և Արարատի մարզերում (տեսանյութ և լուսանկարներ)Քննություն է տարվում՝ մահվան պատճառ դարձած ճանապարհատրանսպորտային պատահարների դեպքերի բոլոր հանգամանքները պարզելու ուղղությամբ:
-
24.02.22, 07:43Հինգ մարդու մահվան պատճառ դարձած ճանապարհատրանսպորտային պատահարի գործով «BMW X5» մակնիշի ավտոմեքենայի վարորդը կալանավորվեց (լուսանկարներ)Դատարանը բավարարել է «BMW X5» մակնիշի ավտոմեքենայի վարորդի նկատմամբ կալանավորումը որպես խափանման միջոց կիրառելու վերաբերյալ միջնորդությունը: -
21.02.22, 12:28Քրեական գործ՝ հինգ մարդու մահվան պատճառ դարձած ավտովթարի դեպքի առթիվ (տեսանյութ, լուսանկարներ)Քննություն է տարվում՝ Արզնու խճուղում հինգ մարդու մահվան պատճառ դարձած ավտովթարի բոլոր հանգամանքները պարզելու ուղղությամբ: -
21.11.19, 07:03Յոթ մարդու մահվան պատճառ դարձած ավտովթարի առթիվ հարուցված քրեական գործի նախաքննությունն ավարտվել էԸստ փորձագետի եզրակացության՝ հրդեհի առաջացման հավանական պատճառ է հանդիսացել «ԳԱԶԵԼ» մակնիշի ավտոմոբիլի շարժիչի տեղամասում գազի համակարգից արտահոսած գազի բռնկումը: -
08.07.19, 06:42Պարզվում են վեց մարդու մահվան պատճառ դարձած ավտոպատահարի հանգամանքները. հարուցվել է քրեական գործՊարզվել են նաև «ԳԱԶԵԼ» մակնիշի ավտոմեքենայի՝ այրվածքներ ստացած ևս յոթ ուղևորների ինքնությունը, ովքեր հանդիսանում են. նրանցից երեքի վիճակը գնահատվում է ծայրահեղ ծանր. մեկ դիակի ինքնությունը դեռևս պարզված չէ: -
13.04.18, 12:52Հարուցվել է քրեական գործ՝ երկու անձի մահվան պատճառ դարձած վթարի դեպքի առթիվ«BMW 525 I» մակնիշի ավտոմեքենան, դուրս գալով ճանապարհի երթևեկելի մասից, բախվել է երկաթյա արգելապատնեշներին, որի հետևանքով վարորդը և ուղևորներից մեկը տեղում մահացել են: