Մեկ անձ ձերբակալվել է` քրեական հեղինակություն համարվող անձի սպանության նախապատրաստության կասկածանքով
ՀՀ քննչական կոմիտեի ՀԿԳ քննության գլխավոր վարչության վարույթում քննվող քրեական գործով բավարար տվյալներ են ձեռք բերվել` քրեական հեղինակություն համարվող անձի սպանության նախապատրաստության վերաբերյալ, մեկ անձ ձերբակալվել է։
Քրեական գործով կատարված մեծածավալ քննչական և օպերատիվ-որոնողական միջոցառումների արդյունքում պարզվել է, որ 2017 թվականին մի խումբ անձանց կողմից նախապատրաստվել է Վանաձորի բնակիչ, քրեական հեղինակություն համարվող անձի սպանությունը, որն իրականացնելու համար Հայաստան է հրավիրվել նաև դիպուկահար, ով, լինելով ՀՀ քաղաքացի, վերջին տարիներին բնակվել է արտերկրում։ Վերջինս Հայաստան է ժամանել 2017 թվականի ապրիլի 19-ին և մի քանի օր նախ մնացել է օդանավակայանին հարակից հյուրատներից մեկում, ապա՝ հանցակցի հետ ապրիլի 24-ին տեղափոխվել Վանաձոր, որտեղ բնակվել են նախապես վարձակալված բնակարանում։
2017 թվականի ապրիլի 27-ի լույս 28-ի գիշերը վարձակալված բնակարանում հայտնաբերվել է դիպուկահարի դին՝ բազմաթիվ մարմնական վնասվածքներով:
Քննությամբ բավարար ապացույցներ են ձեռք բերվել, որ սպանվածի դին Վանաձորից Երևան է տեղափոխվել նրա հանցակցի կողմից՝ սպանության, ինչպես նաև քրեական հեղինակության սպանության նախապատրաստության հետքերը թաքցնելու նպատակով։
Մեծածավալ քննչական գործողությունների արդյունքում պարզվել է Հայաստան ժամանելու նպատակով դիպուկահարին գումար ուղարկած, ինքնաթիռի տոմս գնած, նրան օդանավակայանում դիմավորած և նշված հյուրատուն տեղափոխած անձի ինքնությունը, ով, ըստ քննության տվյալների, մի խումբ անձանց հետ միասին առաջարկել է նրան իրականացնել քրեական հեղինակության սպանությունը։ Բացի այդ, բավարար տվյալներ են ձեռք բերվել, որ սպանությունն իրականացնելու համար ձեռք է բերվել օպտիկական հրազեն։
ՀՀ քննչական կոմիտեի ՀԿԳ քննության գլխավոր վարչության վարույթում քննվող քրեական գործով այսօր մեկ անձ ձերբակալվել է սպանության նախապատրաստության կասկածանքով։
Նախաքննությունը շարունակվում է, ձեռնարկվում են անհրաժեշտ միջոցառումներ դիպուկահարի սպանության բոլոր հանգամանքները, քրեական հեղինակության սպանության նախապատրաստությանն առնչություն ունեցած անձանց ամբողջական շրջանակը պարզելու ուղղությամբ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
-
21.06.24, 17:30Քրեական ենթամշակույթ կրող խմբավորում ստեղծելու, ղեկավարելու, քրեական ենթամշակույթ կրող խմբավորմանը մասնակցելու վարույթով, երկու մեղադրյալի մասով, նախաքննությունն ավարտվել էԲռնության, սպառնալիքի, հարկադրանքի կամ անօրինական այլ գործողությունների միջոցով, ապօրինի վարձատրության դիմաց, լուծել են իրենց դիմած քաղաքացիների մասնավոր խնդիրները: -
13.06.24, 11:09Հրազենով սպանության փորձ Ալավերդի քաղաքում՝ վրեժխնդրության շարժառիթով․ 43-ամյա բնակչի սպանության փորձի համար մեղադրվում է նրա համաքաղաքացինՁեռնարկված միջոցառումներով պարզվել է դեպքի վայրը, շարժառիթը, 43-ամյա տղամարդու ուղղությամբ կրակոցներ արձակած, ինչպես նաև՝ միջադեպին մասնակից մյուս անձանց ինքնությունը: -
10.05.24, 17:09Քրեական աստիճանակարգության բարձրագույն կարգավիճակ ունեցող անձ է կալանավորվել․ ևս 6 անձի քրեական ենթամշակույթի հանցակազմերով մեղադրանքներ են ներկայացվելՔննություն է իրականացվում՝ քրեական աստիճանակարգության բարձրագույն կարգավիճակ ստանալու, քրեական ենթամշակույթ կրող խմբավորմանը մասնակցելու, հիշյալ խմբավորման մասնակցին դիմելու դեպքերի բոլոր հանգամանքները պարզելու ուղղությամբ։ -
25.04.24, 20:07Քրեական աստիճանակարգության բարձրագույն կարգավիճակ ունեցող Ա.Ղ.-ին մեղադրանք է ներկայացվել՝ ֆիզիկական ներգործություն և խուլիգանություն կատարելու համարՔրեական աստիճանակարգության բարձրագույն կարգավիճակ ունեցող Ա.Ղ.-ն իր մի խումբ համախոհների հետ, անձնական հարցերի շուրջ, վիճաբանել է այլ անձանց հետ: -
04.01.24, 17:25Վանաձորցի 40-ամյա կնոջը կացնով հարվածելու, նրա նկատմամբ սպանության փորձ կատարելու համար մեղադրանք է ներկայացվել վերջինիս նախկին ամուսնուն43-ամյա անձը, ալկոհոլի ազդեցության տակ, նախ մեկ անգամ կացնով, ապա գլխով, ձեռքերով, ու ոտքերով հարվածել է նախկին կնոջ մարմնի տարբեր հատվածներին։ -
30.12.23, 12:00Սպանության փորձ Վանաձորի 2 բնակչուհիների նկատմամբ՝ վրեժի շարժառիթներով․ նախաքննությունն ավարտվել էԱվարտվել է Վանաձորում 2 երիտասարդ կանանց նկատմամբ սպանության փորձ կատարելու դեպքի նախաքննությունը։ -
15.09.23, 17:40Վանաձոր քաղաքի երկու բնակչուհիների նկատմամբ սպանության փորձ կատարելու համար մեղադրանք է ներկայացվել նույն քաղաքի 40-ամյա բնակչին և վերջինիս բարեկամին․ նրանք ձերբակալվել ենՏղամարդը, անձնական հարցերի հետ կապված անբարյացկամ փոխհարաբերությունների պատճառով, որոշել է վրեժխնդիր լինել: -
07.12.22, 10:07Ավարտվել է քրեական ենթամշակույթին առնչվող ևս մեկ վարույթի նախաքննություն. երկու անձի վերաբերյալ նյութերն ուղարկվել են դատարանՔրեական ենթամշակույթ կրող խմբավորման մասնակից հիշյալ անձը, օգտվելով իր կարգավիճակից, ստանձնել է մասնավոր հարցին առնչվող վեճի լուծումը` դրա դիմաց ստանալով անօրինական օգուտ: