Արցախի Հանրապետության քննչական կոմիտեի նախագահի շնորհավորական ուղերձը՝ Հայաստանի Հանրապետության քննչական կոմիտեի ծառայողի օրվա կապակցությամբ
Հարգելի' պարոն Քյարամյան.
Իմ ջերմագին շնորհավորանքներն եմ հղում Ձեզ և Հայաստանի Հանրապետության քննչական կոմիտեի ողջ անձնակազմին' մասնագիտական օրվա կապակցությամբ:
Արժանապատվության հավաստումը նվիրվածությունն է, նվիրվածությունն այն գործին, որին կամավորագրվել ենք գիտակցաբար: Հայրենիքի համար այս բարդ ժամանակահատվածում ոչ միայն կարևոր, այլև անհրաժեշտ նախապայման է հասարակության կողմից պետության հանդեպ վստահությունն ու պետական կառույցների գործառույթների հստակ ու անշեղ իրականացումը: Մեր` մինչդատական վարույթ իրականացնող կառույցի պարագայում այս հանգամանքը առավել ընդգրկուն է, քանի որ հանցավորության դեմ պայքարը և յուրաքանչյուր հանցագործության իրավական ճիշտ որակումն ու անաչառ քննության իրականացումը հասարակական վստահության միջոցով ամրապնդում է պետականության հենասյուները ստեղծում հասարակություն-պետություն կուռ միասնականություն, որի շնորհիվ միայն կարող ենք հաղթահարել և արժանապատվորեն անցնել մեզ բաժին հասած փորձությունների ներկայիս շրջափուլը:
Հարգելի պարոն Քյարամյան,
Բոլորս ականատեսն ենք Հայաստանի Հանրապետության քննչական կոմիտեում իրականացվող շարունակական բարեփոխումների, գերծանրաբեռնված ընթացակարգով ծառայությանը համընթաց որակական առավելության, որը հնարավոր է դառնում միմիայն իրականացվող նպատակային և հետևողական ջանքերի շնորհիվ:
Դրվատանքի է արժանի Հայաստանի Հանրապետության և Արցախի Հանրապետության քննչական կոմիտեների միջև ձևավորված ու օրեցօր կատարելագործվող փոխգործակցությունը: Արցախի Հանրապետության քննչական կոմիտեի ձևավորման օրից, դրան հաջորդող Արցախյան 44 օրյա պատերազմի հետևանքների արձանագրման, և մինչ օրս Արցախի Հանրապետության քննչական կոմիտեում իրականացվող բարեփոխումներն անհնարին կլինեին կյանքի կոչել առանց Հայաստանի Հանրապետության քննչական կոմիտեի աջակցության և պատասխանատուների անկեղծ և սրտացավ վերաբերունքի բացակայության պարագայում:
Համոզված եմ, որ միասնականության ոգով կարող ենք հաղթահարել փորձությունները' դառնալ ավելի ուժեղ և սերունդներին փոխանցել մեր երազած ինքնիշխան և իրավական պետությունը:
Հարգելի գործընկերներ,
Եվս մեկ անգամ շնորհավորելով մասնագիտական օրվա առթիվ՝ անփորձանք ծառայության հետ մեկտեղ մաղթում եմ ուժ, իմաստություն և հավատ՝ ինչպես ընդհանուր գործին, այնպես էլ՝ մեր միասնական հայրենիքին՝ Հայաստանի Հանրապետությանը:
Արցախի Հանրապետության քննչական կոմիտեի նախագահ՝ Ի.Ռ.Գրիգորյան
-
09.10.23, 18:10ՀՀ քննչական կոմիտեի նախագահ Արգիշտի Քյարամյանի ելույթը ՀՀ ՔԿ 9-ամյակին նվիրված Կոլեգիայի ընդլայնված նիստին (տեսանյութ)ՀՀ ՔԿ ծառայողի օրվան նվիրված կոլեգիայի ընդլայնված նիստին Քննչական կոմիտեի նախագահ Արգիշտի Քյարամյանը հանդես է եկել ելույթով։ -
11.10.22, 10:27«Փորձաքննությունների ազգային բյուրո» ՊՈԱԿ-ի շնորհավորական ուղերձը՝ ՀՀ քննչական կոմիտեի ծառայողի օրվա կապակցությամբ«Փորձաքննությունների ազգային բյուրո» ՊՈԱԿ-ի ղեկավարության և ողջ անձնակազմի անունից սրտանց շնորհավորում ենք Հ.Հ. քննչական կոմիտեի նախագահին և բոլոր գործընկերներին: -
11.10.22, 06:12ՀՀ գլխավոր հարկադիր կատարողի շնորհավորանքը՝ ՀՀ քննչական կոմիտեի ծառայողի օրվա կապակցությամբՀՀ գլխավոր հարկադիր կատարող Ս.Մեղրյանի շնորահավորական ուղերձը՝ ՀՀ քննչական կոմիտեի նախագահին և ծառայողներին՝ մասնագիտական տոնի առթիվ: -
10.10.22, 11:36Поздравление Председателя Следственного комитета Республики Беларусь с Днем служащего комитета Республики АрменияПредседатель Следственного комитета Республики Беларусь поздравил коллектив с днем служащего комитета Республики Армения. -
10.10.22, 11:27«ՀՀ փորձագիտական կենտրոն» ՊՈԱԿ-ի տնօրենի շնորհավորանքը՝ ՀՀ քննչական կոմիտեի ծառայողի օրվա կապակցությամբ«ՀՀ փորձագիտական կենտրոն» ՊՈԱԿ-ի տնօրենը շնորհավորական ուղերձ է հղել՝ ՀՀ քննչական կոմիտեի ծառայողի օրվա կապակցությամբ: -
08.10.22, 13:58Քննչական կոմիտեի ծառայողի օրվա կապակցությամբ կոմիտեի մի շարք աշխատակիցներ արժանացել են տարբեր պարգևների և խրախուսանքների (լուսանկարներ)«Մեր աշխատանքով այսօր պետք է ամուր կանգնած լինենք Հայաստանի Հանրապետության պետականության ամրապնդման, իրավակարգի ամրացման գործում». Արգիշտի Քյարամյան -
08.10.22, 13:35ՀՀ գլխավոր դատախազի շնորհավորանքը՝ ՀՀ քննչական կոմիտեի ծառայողի օրվա կապակցությամբՀՀ գլխավոր դատախազ Ա.Վարդապետյանը շնորհավորական ուղերձ է հղել՝ ՀՀ քննչական կոմիտեի ծառայողի օրվա կապակցությամբ:
