Արգիշտի Քյարամյանը հանդիպել է «ՀՀ քննչական կոմիտեի փորձաքրեագիտական կենտրոն» ՊՈԱԿ-ի տնօրենի նորանշանակ պաշտոնակատար Վիգեն Մեսրոպյանին (լուսանկարներ)
ՀՀ քննչական կոմիտեի նախագահի նախկին տեղակալ Վիգեն Մեսրոպյանը ստանձնել է «ՀՀ քննչական կոմիտեի փորձաքրեագիտական կենտրոն» ՊՈԱԿ-ի տնօրենի պաշտոնակատարի պաշտոնը։
Հոկտեմբերի 4-ին Արգիշտի Քյարամյանը հանդիպել է «ՀՀ քննչական կոմիտեի փորձաքրեագիտական կենտրոն» ՊՈԱԿ-ի տնօրենի պաշտոնակատար Վիգեն Մեսրոպյանին և ՊՈԱԿ-ի ղեկավար անձնակազմին։
Նշանակման կապակցությամբ շնորհավորելով Վիգեն Մեսրոպյանին՝ ՀՀ քննչական կոմիտեի նախագահը նախ շնորհակալություն է հայտնել նրան ՀՀ քննչական կոմիտեի նախագահի տեղակալի պաշտոնում պետությանը մատուցած ծառայության, պրոֆեսիոնալությամբ և տասնամյակների փորձառությամբ քննչական համակարգի հարաճուն կենսագործունեությանը նպաստելու համար։ Կոմիտեի ղեկավարը վստահություն է հայտնել, որ նոր պաշտոնն ստանձնելով ևս պարոն Մեսրոպյանը նույնպիսի նախանձախնդրությամբ ձեռնամուխ կլինի ընդամենը ամիսներ առաջ ՀՀ ՔԿ-ում ստեղծված փորձաքրեագիտական կենտրոնի հզորացմանն ուղղված նախաձեռնություններին։
Կոմիտեի նախագահը նաև շնորհակալություն է հայտնել հանդիպմանը ներկա Լորիկ Սաֆարյանին՝ հատկապես ՀՀ ՆԳՆ ոստիկանության փորձաքրեագիտական վարչության պետի պաշտոնում մեկ տասնամյակից ավելի նվիրված աշխատանքի համար և ուրախությամբ ընդգծել այդ վարչության հենքի վրա ստեղծված ՊՈԱԿ-ում գործունեությունը շարունակելու և նոր տնօրենին անհրաժեշտ աջակցությունը ցուցաբերելու նրա պատրաստակամության համար։
ՊՈԱԿ-ի տնօրենի պաշտոնակատար Վիգեն Մեսրոպյանն իր հերթին շնորհակալություն է հայտնել վստահության համար և նշել, որ փորձաքննությունների որակով և ժամանակին իրականացումը անկյունաքարային նշանակություն ունի հանցագործությունների բացահայտման, քրեական վարույթների ելքի համար և համընդհանուր ջանքերն ուղղվելու են դրա համար ՊՈԱԿ-ում անհրաժեշտ պայմանների բարելավմանը։
Հանդիպման ընթացքում քննարկվել են «ՀՀ քննչական կոմիտեի փորձաքրեագիտական կենտրոն» ՊՈԱԿ-ի տեխնոլոգիական հագեցվածության մակարդակի բարձրացման, մասնագիտական ռեսուրսների զարգացման խնդիրները, հնարավորություններն ու հեռանկարները։
Երկարամյա արդյունավետ պաշտոնավարման, ինչպես նաև պարտականությունները և առաջադրանքները պատշաճ կատարելու համար ՀՀ քննչական կոմիտեի նախագահի տեղակալ Վիգեն Մեսրոպյանն Արգիշտի Քյարամյանի կողմից պարգևատրվել է «Անձնվիրություն և անվեհերություն» մեդալով:
-
21.05.21, 13:26Նոր նշանակում՝ ՀՀ քննչական կոմիտեում (լուսանկարներ)Ազատ Գևորգյանը նշանակվել է ՀՀ քննչական կոմիտեի տարածքային քննչական վարչությունների գործունեության վերահսկողության գլխավոր վարչության առաջին վարչության պետ: -
21.02.18, 13:58ՀՀ ՔԿ նախագահը կոլեգիայի անդամներին է ներկայացրել վարչության նորանշանակ պետին (Լուսանկարներ)ՔԿ քրեական գործերի քննության աջակցության վարչության պետ է նշանակվել արդարադատության փոխգնդապետ Ռոբերտ Ադիլխանյանը։ -
07.02.18, 13:27ՀՀ ՔԿ նախագահ Աղվան Հովսեփյանը հրամաններ է ստորագրել՝ նոր նշանակումներ կատարելու վերաբերյալԿոտայքի մարզային քննչական վարչության պետի տեղակալ է նշանակվել արդարադատության փոխգնդապետ Հրաչյա Ղազարյանը: -
06.02.18, 14:51Լոռու մարզային քննչական վարչության պետ է նշանակվել Արթուր ԱվետիսյանըՔԿ նախագահ Աղվան Հովսեփյանի՝ 2018թ. փետրվարի 6-ի հրամանով դադարեցվել են ՀՀ քննչական կոմիտեի Լոռու մարզային քննչական վարչության պետ Թաթուլ Շուշանյանի լիազորությունները։ -
13.07.17, 13:37Նշանակվել է ԵՔՔՎ Էրեբունի և Նուբարաշեն վարչական շրջանների քննչական բաժնի պետԷրեբունի և Նուբարաշեն վարչական շրջանների քննչական բաժնի պետ է նշանակվել Արթուր Ստեփանի Գոյունյանը: