Բանկի հաճախորդի անձնական տվյալները խմբագրելով՝ փորձել է խոշոր չափերով գումար հափշտակել. առաջադրվել է մեղադրանք
ՀՀ ՔԿ ՀԿԳ քննության գլխավոր վարչությունում ավարտվել է բանկից համակարգչային տեխնիկայի օգտագործմամբ խոշոր չափերով գումարի հափշտակության փորձի դեպքի առթիվ հարուցված քրեական գործի նախաքննությունը: Մեղադրանք է առաջադրվել բանկի նախկին աշխատակցին:
Քննությամբ ձեռնարկված անհրաժեշտ քննչական գործողությունների արդյունքում փաստական տվյալներ են ձեռք բերվել առ այն, որ «Զարգացման Հայկական Բանկ» ԲԲ ընկերության պլաստիկ քարտերի բաժնի նախկին ղեկավարը՝ «Զարգացման Հայկական Բանկ» և «Արարատբանկ» ԲԲ ընկերությունների միավորման, մասնավորապես` բանկերի ՀԾ բանկ համակարգչային ծրագրային համակարգերի ինտեգրացիայի փուլում, փորձել է խոշոր չափերով գումար հափշտակել։
Քննությամբ պարզվել է հափշտակության փորձի մեխանիզմը, այն է՝ աշխատակիցը մուտք է գործել ՀԾ բանկ համակարգչային ծրագրային համակարգ, խմբագրել ընկերության հաճախորդներից մեկի տվյալները, նշված հաշիվը դարձրել նույն բանկի մեկ այլ հաճախորդի՝ իր մտերմուհու անվամբ։ Այնուհետև բանկի հաշվապահություն է ներկայացրել տվյալ հաշվեհամարին առկա գումարն իր մտերմուհու իրական հաշվին փոխանցելու գրավոր կարգադրություն` տպավորություն ստեղծելով, որ նույն հաճախորդն իր մեկ հաշվից գումար է փոխանցում իր մեկ այլ հաշվին:
Նշված գրավոր կարգադրության հիման վրա՝ գումարը փոխանցվել է մտերմուհու իրական հաշվին, որից հետո պլաստիկ քարտերի բաժնի նախկին ղեկավարը նույն եղանակով ՀԾ բանկ համակարգչային ծրագրի համակարգում հետ է խմբագրել հաճախորդի տվյալները և հաշիվը կրկին դարձրել նրա անվամբ։ Սակայն հափշտակությունն ավարտել չի հաջողվել, քանի որ «Արարատբանկ» ԲԲ ընկերության աշխատակիցները նկատել են կատարված ապօրինի խմբագրումները և նշված գումարը հետ փոխանցել իրական հաճախորդի հաշվին:
Մինչդատական վարույթում ձեռք բերված բավարար ապացույցների հիման վրա՝ բանկի նախկին աշխատակցին մեղադրանք է առաջադրվել՝ ՀՀ քրեական օրենսգրքի 34-181-րդ հոդվածի 2-րդ մասի 2-րդ կետով:
Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել դատարան:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
-
02.02.24, 17:23Ավելի քան 315 մլն ՀՀ դրամի հափշտակություն երիտասարդի կողմից․ տուժել է 23 անձ․ նախաքննությունն ավարտվել էԱվարտվել է Գյումրի քաղաքի՝ 1997թ․ ծնված բնակչի կողմից խարդախությամբ առանձնապես խոշոր չափի գումար հափշտակելու բազմադրվագ դեպքի նախաքննությունը։ -
14.08.23, 10:02Բանկից առանձնապես խոշոր չափերի՝ շուրջ 1.6 մլրդ ՀՀ դրամ գումար հափշտակելու համար մեղադրանք է ներկայացվել ևս 8 անձի. վարույթի նյութերն ուղարկվել են դատարանԱվարտվել է բանկից առանձնապես խոշոր չափերի գումար հափշտակելու, փողերի լվացման վարույթով ևս 8 մեղադրյալի մասով նախաքննությունը: -
08.08.23, 16:24Բանկի աշխատակիցը, 5 այլ անձանց հետ հանցավոր համագործակցությամբ, բանկից խարդախությամբ ընդհանուր շուրջ 458 մլն. դրամ է հափշտակելԲանկի աշխատակիցը, սխեմատիկ խարդախությամբ, առանձնապես խոշոր չափերով գումարներ է հափշտակել: -
23.05.23, 16:33Բանկի աշխատակիցը, իր լիազորությունները չարաշահելով, հանցավոր սխեմայով բազմաթիվ հաճախորդներից ընդհանուր շուրջ 10մլն դրամ է հափշտակել․ վարույթի նյութերն ուղարկվել են դատարանԲացահայտվել է Լոռու մարզում բանկի մասնաճյուղի սպասարկող մասնագետի կողմից խարդախությամբ գումարներ հափշտակելու, փաստաթղթեր կեղծելու, ինչպես նաև՝ յուրացում կատարելու դեպքը: -
15.03.23, 14:28«Գրքի աշխարհ» համալիրի կառուցման ներդրումային ծրագրում չարաշահումների վերաբերյալ քրեական վարույթով արգելանք է կիրառվել առերևույթ հափշտակված հողամասի և դրանում առկա շենքի նկատմամբՈրոշում է կայացվել ընկերության անվամբ սեփականության իրավունքով գրանցված 0.03 հա մակերեսով հողամասի և դրանում առկա շինության՝ 17 հարկ ունեցող շենքի վրա արգելադրում կիրառելու վերաբերյալ: -
11.03.23, 07:40Ավտոմեքենաների ներմուծման և արտահանման ոլորտում գործադրված հանցավոր սխեմայով խարդախությամբ պետությունից ավելի քան 406մլն. դրամ է հափշտակվել․ մեկ անձ կալանավորվել էՍՊԸ-ների սեփականատերը խաբեության եղանակով, ՀՀ պետբյուջեից ավելացված արժեքի հարկի միասնական հաշվին առաջացրել է 3.868.108.776 դրամի չափով դեբետային գումար, որից հափշտակել է 406.596.400 ՀՀ դրամ: -
10.03.23, 10:55Վարկային խարդախություններով բազմաթիվ անձանցից ընդհանուր 101մլն դրամ է հափշտակվել. 3 մեղադրյալի մասով նախաքննությունն ավարտվել էԱվարտվել է 108 տուժողից խարդախությամբ շուրջ 101 մլն ՀՀ դրամի գույք և գումար հափշտակելու դեպքի առթիվ նախաձեռնված քրեական վարույթով՝ 3 մեղադրյալի մասով նախաքննությունը: -
02.03.23, 11:10Բազմադրվագ խարդախություններ՝ բարեգործական հիմնադրամի հոգաբարձուների խորհրդի նախագահի կողմից․ վարույթի նյութերն ուղարկվել են դատարանԱվարտվել է բարեգործական հիմնադրամի հոգաբարձուների խորհրդի նախագահի կողմից խարդախությամբ խոշոր չափերով հափշտակություններ կատարելու դեպքերի առթիվ նախաձեռնված քրեական վարույթի նախաքննությունը: