Հակառակորդի արձակած կրակոցից մահացու վիրավորում է ստացել պարտադիր ժամկետային զինծառայող Վազգեն Պողոսյանը
![Հակառակորդի արձակած կրակոցից մահացու վիրավորում է ստացել պարտադիր ժամկետային զինծառայող Վազգեն Պողոսյանը Հակառակորդի արձակած կրակոցից մահացու վիրավորում է ստացել պարտադիր ժամկետային զինծառայող Վազգեն Պողոսյանը](https://investigative.am/storage/files/2017/07/1499756083,0686.jpeg?token=876af02e6e7b430a4204bc7586cdc5e634dbeca0)
Առաջին կայազորային քննչական բաժնում հարուցվել է քրեական գործ՝ հակառակորդի կողմից պարտադիր ժամկետային զինծառայող Վազգեն Ժիրայրի Պողոսյանի սպանության դեպքի առթիվ։
2017 թվականի հուլիսի 10-ին՝ ժամը 17:40-ի սահմաններում, N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցի հետևանքով գլխի շրջանում հրազենային վիրավորում է ստացել պարտադիր ժամկետային զինծառայող, շարքային Վազգեն Ժիրայրի Պողոսյանը, ով զինհոսպիտալ տեղափոխվելու ճանապարհին մահացել է:
Առաջին կայազորային քննչական բաժնում հարուցվել է քրեական գործ՝ ազգային, ռասայական կամ կրոնական ատելության կամ կրոնական մոլեռանդության շարժառիթով սպանություն կատարելու դեպքի առթիվ։
Կատարվում է նախաքննություն: