Հակառակորդի դիվերսիոն-հետախուզական խումբը հարձակում է իրականացրել մարտական հենակետերի ուղղությամբ. ստացած հրազենային վնասվածքներից զոհվել է պարտադիր ժամկետային զինծառայող
![Հակառակորդի դիվերսիոն-հետախուզական խումբը հարձակում է իրականացրել մարտական հենակետերի ուղղությամբ. ստացած հրազենային վնասվածքներից զոհվել է պարտադիր ժամկետային զինծառայող Հակառակորդի դիվերսիոն-հետախուզական խումբը հարձակում է իրականացրել մարտական հենակետերի ուղղությամբ. ստացած հրազենային վնասվածքներից զոհվել է պարտադիր ժամկետային զինծառայող](https://investigative.am/storage/files/2015/12/1449218298,5748.jpeg?token=8f8dc4168b6155a4ff96df7fd1d31a3a7c4442cf)
Զինվորական քննչական գլխավոր վարչության Երրորդ կայազորային քննչական բաժնում հարուցվել է քրեական գործ՝ հակառակորդի կողմից հայ զինծառայողի սպանության դեպքի առթիվ։
04.12.2015թ.՝ ժամը 04:30-ի սահմաններում, հակառակորդի դիվերսիոն-հետախուզական խումբը հարձակում է իրականացրել N զորամասի պահպանության շրջանի մարտական հենակետերի ուղղությամբ: Մարտական գործողությունների արդյունքում ստացած հրազենային վնասվածքներից զոհվել է պարտադիր ժամկետային զինծառայող, շարքային Էրիկ Էդիկի Գրիգորյանը:
Երրորդ կայազորային քննչական բաժնում հարուցվել է քրեական գործ՝ ազգային, ռասայական կամ կրոնական ատելության կամ կրոնական մոլեռանդության շարժառիթով, կազմակերպված խմբի կողմից, շատերի կյանքի համար վտանգավոր եղանակով սպանություն կատարելու դեպքի առթիվ։
Կատարվում է նախաքննություն: