ՀՀ ՔԿ նախագահ Ա. Հովսեփյանն աշխատանքային այցով մեկնել է Կոտայքի մարզ (Լուսանկարներ)
ՀՀ քննչական կոմիտեի նախագահ Աղվան Հովսեփյանը աշխատանքային այցով մեկնել է Կոտայքի մարզ և տեղում ծանոթացել մարզային քննչական վարչության աշխատանքային պայմանները բարելավելու ուղղությամբ իրականացվող աշխատանքներին։
Նախորդ տարիների ընթացքում գործուն քայլեր իրականացվել են Կոտայքի մարզային քննչական վարչության և Աբովյանի քննչական բաժնի շենքային պայմանները բարելավելու ուղղությամբ, ստեղծվել հատուկ աշխատասենյակներ՝ առանձին քննչական գործողությունները, այդ թվում՝ ճանաչում, առերես հարցաքննություն, անչափահասների հարցաքննություն իրականացնելու համար։
Այս տարի բարեկարգվել են նաև Չարենցավանի բաժնի աշխատանքային պայմանները. ՀՀ կառավարության 14.12.2017թ. թիվ 1635-Ա որոշմամբ՝ Չարենցավան քաղաքի Աբովյան 8 հասցեում գտնվող 394.0 քմ մակերեսով շենքն ամրացվել է «Հայաստանի Հանրապետության քննչական կոմիտեի դեպարտամենտ» պետական կառավարչական հիմնարկին՝ Չարենցավանի քննչական բաժնի շենքային պայմանները բարելավելու նպատակով։
ՀՀ ՔԿ Նախագահը Կոտայքի մարզպետի և իրավապահ ոլորտի մյուս կառույցների տարածքային ստորաբաժանումների ղեկավարների ուղեկցությամբ շրջայց է կատարել քննչական բաժնի շենքում, ծանոթացել նոր աշխատանքային պայմաններին, աշխատակիցների հետ քննարկել տարբեր քրեական գործերով իրականացվող նախաքննության ժամկետներին, քննության ընթացքում ի հայտ եկող խնդիրներին վերաբերող հարցեր, տվել կոնկրետ հանձնարարականներ՝ նախաքննության արդյունավետությունը բարձրացնելու ուղղությամբ։
Նշենք, որ ՀՀ քննչական կոմիտեի ձևավորման պահից՝ 2014 թվականի հոկտեմբերից առ այսօր զգալի աշխատանքներ են կատարվել՝ Քննչական կոմիտեի տարածքային ստորաբաժանումների շենքային պայմանները բարելավելու ուղղությամբ. հիմնանորոգվել են Քննչական կոմիտեի կենտրոնական, Սյունիքի, Կոտայքի, Արագածոտնի, Վայոց Ձորի, Արարատի մարզային քննչական վարչությունների, Արարատի մարզային քննչական վարչության Մասիսի քննչական բաժնի, Գեղարքունիքի մարզային քննչական վարչության Վարդենիսի և Մարտունու քննչական բաժինների, Շիրակի մարզային քննչական վարչության Արթիկի քննչական բաժնի, Տավուշի մարզային քննչական վարչության Նոյեմբերյանի քննչական բաժնի, Կոտայքի մարզային քննչական վարչության Աբովյանի քննչական բաժնի, Երևան քաղաքի քննչական վարչության, Արաբկիր և Շենգավիթ վարչական շրջանների քննչական բաժինների շենքերը:
-
19.03.24, 13:48ՀՀ քննչական կոմիտեի հերթական քննչական բաժինը նոր, վերանորոգված վարչական տարածք ունի․ բացման արարողությանը մասնակցել է Արգիշտի Քյարամյանը (լուսանկարներ)Քննչական կոմիտեի նախագահը կարճ զրույց է ունեցել քննչական բաժնի աշխատակիցների հետ, շնորհավորել նորամուտի կապակցությամբ։ -
29.12.23, 17:49Նոր վարչական շենք՝ ՀՀ ՔԿ Աջափնյակ և Դավթաշեն վարչական շրջանների քննչական բաժնի համար. բացմանը մասնակցել է Արգիշտի Քյարամյանը (տեսանյութ, լուսանկարներ)Շահագործման է հանձնվել Աջափնյակ և Դավթաշեն վարչական շրջանների քննչական բաժնի նոր, վերանորոգված և կահավորված վարչական շենքը։ -
07.12.23, 17:51Վերանորոգվել է Ստեփանավանի քննչական բաժնին հատկացված նոր վարչական շենքը․ բացման արարողությանը ներկա է գտնվել ՀՀ ՔԿ նախագահ Արգիշտի Քյարամյանը (տեսանյութ, լուսանկարներ)ՀՀ քննչական կոմիտեի նախագահ Արգիշտի Քյարամյանն այցելել է ՀՀ Լոռու մարզ։ -
03.11.23, 16:05Վերանորոգվել և շահագործման է հանձնվել ՀՀ քննչական կոմիտեի արխիվի տեղակայման համար հատկացված նոր տարածքը (լուսանկարներ)ՀՀ քննչական կոմիտեի գլխավոր քարտուղար Կարեն Մարգարյանը և ներկաները ծանոթացել են պահոցի վերանորոգված և կահավորված տարածքին, աշխատանքային պայմաններին։ -
16.12.22, 14:27ՀՀ քննչական կոմիտեի նախագահի մասնակցությամբ տեղի է ունեցել ՀՀ ՔԿ Արմավիրի մարզի քննչական վարչության և Վաղարշապատի քննչական բաժնի նոր վարչական շենքերի բացման արարողությունը (տեսանյութ, լուսանկարներ)ՀՀ ՔԿ նախագահը շրջայց է կատարել հիմնանորոգված շենքերում, ծանոթացել ընդհանուր աշխատանքային պայմաններին։ -
20.05.21, 11:53Աշխատանքային այցՀՀ քննչական կոմիտեի գլխավոր քարտուղար Արամ Նիկոյանն աշխատանքային այցով Արմավիրի մարզում էր: -
13.03.20, 15:13Լոռու մարզային քննչական վարչությունն ունի նոր վարչական շենք (լուսանկարներ)ՀՀ քննչական կոմիտեի Լոռու մարզային քննչական վարչության երկհարկանի շենքը հիմնովին վերանորոգվել է:
