ՀՀ ՔԿ նախագահի մոտ տեղի է ունեցել քաղաքացիների ընդունելություն (լուսանկարներ)
ՀՀ քննչական կոմիտեում այսօր տեղի է ունեցել քաղաքացիների ընդունելություն։ ՀՀ ՔԿ նախագահ Հայկ Գրիգորյանն ընդունել է նախապես ընդունելության համար դիմած 8 քաղաքացու, որոնց դիմում-բողոքները բազմաբնույթ էին։
Քաղաքացիների բարձրացրած հարցերից մի քանիսը վերաբերում էին չբացահայտված հանցագործություններին՝ ավազակային հարձակում, բնակարանային, շարժական գույքի գողություն, որոնց կապակցությամբ Հայկ Գրիգորյանը հավաստիացրեց, որ յուրաքանչյուր դեպքով ձեռնարկվում են անհրաժեշտ քննչական և դատավարական այլ գործողություններ՝ բազմակողմանի քննությունն ապահովելու, հանցագործությունները բացահայտելու ուղղությամբ։
ՔԿ նախագահը նշեց, որ քննիչներն անհրաժեշտ ցանկությունը, կամքն ու ունակությունն ունեն՝ պատշաճ քննությունն ապահովելու, հանցագործությունից տուժած քաղաքացիների իրավունքները վերականգնելու համար, և տեղում կոնկրետ հանձնարարականներ տվեց՝ բարձրացված հարցերն ուսումնասիրելու և այդ ուղղությամբ միջոցներ ձեռնարկելու վերաբերյալ։
Մեկ այլ քաղաքացի վիճարկում էր ծննդկանի մահվան գործով նշանակված դատաբժշկական համալիր փորձաքննության եզրակացության օբյեկտիվությունը։ ՔԿ նախագահը պարզաբանեց օրենսդրորեն նախատեսված կարգավորումները և կրկնակի փորձաքննություն նշանակելու վերաբերյալ միջնորդություն ներկայացնելու ընթացակարգը՝ վստահեցնելով, որ միջնորդությունն ստանալուց հետո վարույթն իրականացնող մարմինն այն պատշաճ քննարկման առարկա կդարձնի ու որոշում կկայացնի։
Ընդունելության եկած քաղաքացիների թվում կային նաև անձինք, որոնց բողոքի հիմքում ընտանիքի անդամների միջև առաջացած գույքային վեճն էր, որը տեղափոխվել է քրեաիրավական հարթություն: Բացի այդ, բարձրացվեցին ՔԿ-ում ծառայության անցնելու հնարավորության վերաբերյալ հարցեր։
Նշված հարցերին ՔԿ նախագահը հանձնարարեց անհապաղ ընթացք տալ և արդյունքների մասին սեղմ ժամկետներում տեղեկացնել դիմումատուներին։
ՀՀ ՔԿ նախագահի մոտ ընդունելությունները տեղի կունենան ամիսը երկու անգամ։ Բայցի այդ, հանձնարարվել է տարածքային ստորաբաժանումների` քննչական վարչությունների և բաժինների պետերին տեղերում ամեն շաբաթ կազմակերպել ընդունելություններ։
-
22.06.20, 13:18Քննչական կոմիտեի նախագահն ընդունել է քաղաքացուն և նրա բարձրացրած հարցերի վերաբերյալ տվել կոնկրետ հանձնարարականներՔննչական կոմիտեի նախագահը, ծանոթանալով քաղաքացու հարցերին՝ ինչպես նաև լսելով պատասխանատու ստորաբաժանումների ղեկավարների պարզաբանումներն ու դիտարկումները` տվել է կոնկրետ հանձնարարականներ: -
24.02.20, 15:50ՀՀ ՔԿ նախագահ Հայկ Գրիգորյանն ընդունել է քաղաքացու (լուսանկարներ)ՀՀ ՔԿ նախագահ Հայկ Գրիգորյանն այսօր ընդունել է քաղաքացու և լսել նրա մտահոգությունները՝ իր դիմումների հիման վրա քրեական գործերի նախաքննության վերաբերյալ: -
10.07.19, 12:40Քննչական կոմիտեի նախագահն ընդունել և լսել է քաղաքացու մտահոգությունները (լուսանկարներ)ՀՀ ՔԿ նախագահ Հայկ Գրիգորյանն ընդունել է գողության դեպքի առթիվ հարուցված քրեական գործի շրջանակում տուժողի կարգավիճակ ունեցող քաղաքացուն: -
26.06.19, 12:26ՔԿ նախագահն ընդունել է քաղաքացուն և լսել նրա մտահոգություններըՀայաստանի Հանրապետության քննչական կոմիտեի նախագահ Հայկ Գրիգորյանն ընդունել և լսել է հարազատների հետ գույքային վեճ ունեցող քաղաքացու բարձրացրած հարցերը: -
07.05.19, 07:21ՔԿ նախագահն ընդունել է քաղաքացուն և լսել նրա մտահոգությունները (լուսանկարներ)Հայաստանի Հանրապետության քննչական կոմիտեի նախագահ Հայկ Գրիգորյանն այսօր ընդունել է հարազատների հետ գույքային վեճ ունեցող քաղաքացուն: -
20.03.19, 07:58ՀՀ ՔԿ նախագահի տեղակալն ընդունել է քաղաքացուն և լսել նրա կողմից բարձրացված հարցերըՀՀ քննչական կոմիտեի նախագահի տեղակալ Արման Պողոսյանն այսօր ընդունել է ընդունելության համար նախապես դիմած քաղաքացուն և լսել նրա կողմից բարձրացված հարցերը: -
22.01.19, 05:22Քննչական կոմիտեի նախագահն ընդունել և լսել է քաղաքացու բարձրացրած հարցերըՔԿ նախագահը նշել է ,որ քննիչներն ունեն անհրաժեշտ կամք և ունակություն՝ յուրաքանչյուր գործով պատշաճ քննությունն ապահովելու համար: -
03.12.18, 14:26Քննչական կոմիտեի նախագահի տեղակալը հանդիպել է մահացած զինծառայողի հարազատներին (լուսանկարներ)Քննարկվել են Աղասի Մկրտչյանի մահվան փաստի առթիվ հարուցված քրեական գործով իրականացված նախնական քննության արդյունքները: