ՀՀ քննչական կոմիտեի նախագահ Արգիշտի Քյարամյանն աշխատանքային այցով գտնվում է Ստրասբուրգում (լուսանկարներ)
ՀՀ քննչական կոմիտեի նախագահ Արգիշտի Քյարամյանը, Մարդու իրավունքների եվրոպական կոնվենցիայով ստանձնած միջազգային պարտավորությունների իրականացման աշխատանքները համակարգող ՀՀ միջգերատեսչական հանձնաժողովի մյուս անդամների հետ գտնվում է Ստրասբուրգում։
Այցը կազմակերպվել է Եվրոպայի խորհրդի հետ համատեղ, որի նպատակն է գործարկել ՄԻԵԴ վճիռների կատարման կազմակերպման և վերահսկման միջգերատեսչական հանձնաժողովի ազգային մեխանիզմը և խթանել քննարկումները միջգերատեսչական հանձնաժողովի անդամների և Եվրոպայի խորհրդի համապատասխան մարմինների միջև։
Այցի շրջանակներում հանձնաժողովի անդամները հանդիպումներ են ունեցել Եվրոպայի Խորհրդի գլխավոր քարտուղար Մարիա Պեյչինովիչ Բուրիչի, Եվրոպական դատարանի նախագահ Շիոֆրա Օ՛Լիրիի, Եվրոպայի Խորհրդի մարդու իրավունքների և իրավունքի գերակայության հարցերով գլխավոր տնօրեն Քրիստոս Յակումոպուլոսի հետ:
Հանդիպումների ընթացքում քննարկվել են Եվրոպական դատարանի վճիռների կատարման, մարդու իրավունքների եվրոպական չափանիշների ներդրման արդյունավետության բարձրացման, Եվրոպական դատարանի վճիռների կատարման միջգերատեսչական հանձնաժողովի ստեղծման և գործունեության հետ կապված հարցեր:
Հանդիպումների ընթացքում ընդգծվել է Հայաստանի կողմից Մարդու իրավունքների եվրոպական կոնվենցիայի իմպլեմենտացիային ուղղված քայլերի արդյունավետությունը և այդ առումով հատուկ կարևորվել է միջգերատեսչական հանձնաժողովի ստեղծումը։
Հատուկ անդրադարձ է կատարվել նաև 2020 թվականի 44-օրյա պատերազմի ընթացքում և դրանից հետո ստեղծված իրավիճակում մարդու իրավունքների խախտումներին։
Բարձրաստիճան պատվիրակության անդամները մասնակցել են Մարդու իրավունքների եվրոպական դատարանի վճիռների կատարումն ինստիտուցիոնալ մակարդակի բարձրացնելու վերաբերյալ թեմատիկ քննարկմանը, որտեղ ներկայացվել են մարդու իրավունքների ներդրման առնչությամբ համապատասխան ոլորտում իրականացված և իրականացվող բարեփոխումներն ու ռազմավարական փաստաթղթերը:
-
31.10.22, 14:00ՀՀ քննչական կոմիտեի նախագահ Ա. Քյարամյանն այցելել է Արդարադատության ակադեմիա (լուսանկարներ)Կոմիտեի ղեկավարը հանդիպում է ունեցել ՀՀ քննչական կոմիտեում ինքնավար պաշտոն զբաղեցնող անձանց (քննիչների) 2022 թվականի պարտադիր վերապատրաստման դասընթացների մասնակիցների հետ: -
05.07.22, 12:25Հայաստանի Հանրապետության քննչական կոմիտեի նախագահին շնորհվել է արդարադատության երրորդ դասի պետական խորհրդականի դասային աստիճանՀՀ քննչական կոմիտեի նախագահ Արգիշտի Էլբեկի ՔՅԱՐԱՄՅԱՆԻՆ շնորհվել է արդարադատության երրորդ դասի պետական խորհրդականի դասային աստիճան: -
18.12.21, 14:36ՀՀ քննչական կոմիտեի նախագահ Ա.Քյարամյանն այցելել է Արցախի Հանրապետություն (լուսանկարներ)Քննարկվել են Հայաստանի Հանրապետության և Արցախի Հանրապետության քննչական կոմիտեների համագործակցության առաջնահերթություններին և ձևաչափերին վերաբերող հարցեր: -
28.07.21, 09:37Հանդիպում՝ Քննչական կոմիտեում (լուսանկարներ)ՀՀ քննչական կոմիտեի նախագահ Արգիշտի Քյարամյանն ընդունել է ՀՀ-ում ՌԴ արտակարգ և լիազոր դեսպան Սերգեյ Կոպիրկինին: -
14.07.21, 08:56Քննչական կոմիտեից ակնկալում եմ ավելի արդյունավետ և վճռական գործողություններ. Նիկոլ Փաշինյանը ՔԿ կոլեգիայի անդամներին է ներկայացրել Արգիշտի ՔյարամյանինՎարչապետի պաշտոնակատար Նիկոլ Փաշինյանը Քննչական կոմիտեի կոլեգիայի անդամներին և աշխատակազմին է ներկայացրել ՔԿ նորանշանակ նախագահ Արգիշտի Քյարամյանին: -
14.07.21, 08:39Աշխատանքային խորհրդակցություն՝ ՀՀ քննչական կոմիտեումԱրգիշտի Քյարամյանն այսօր, ՀՀ քննչական կոմիտեի նախագահ նշանակվելուց հետո, առաջին խորհրդակցությունն անցկացրեց Կոմիտեի և Դեպարտամենտի աշխատակիցների հետ: