Մեղադրանք է առաջադրվել՝ 9/53 ընտրատեղամասում այլ անձի փոխարեն քվեարկելու համար
ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական բաժնում ավարտվել է 2017թ. ապրիլի 02-ին տեղի ունեցած ԱԺ ընտրությունների ժամանակ 9/53 ընտրատեղամասում այլ անձի փոխարեն քվեարկելու դեպքի առթիվ հարուցված քրեական գործի նախաքննությունը։
Նախնական քննությամբ պարզվել է, որ Երևանի բնակիչ Դ.Սիմոնյանը ՀՀ Ազգային Ժողովի ընրություններին մասնակցելու նպատակով 2017 թվականի ապրիլի 2-ին՝ ժամը 13.15-ի սահմաններում, եղբոր՝ Գ.Սիմոնյանի հետ այցելել է թիվ 9/53 ընտրատեղամաս։ Իր մոտ չունենալով անձնագիր՝ Դ.Սիմոնյանը եղբոր՝ ՀՀ քաղաքացու անձնագրով մուտք է գործել ընտրատեղամաս, գրանցվել ընտրողների ցուցակում և քվեարկել մեկ այլ անձի՝ Գ.Սիմոնյանի փոխարեն:
Ձեռք բերված ապացույցների հիման վրա՝ Դ.Սիմոնյանին մեղադրանք է առաջադրվել ՀՀ քրեական օրենսգրքի 153-րդ հոդվածով։
Քրեական գործը՝ մեղադրական եզրակացությամբ, ուղարկվել է նախաքննության օրինականության նկատմամբ հսկողություն իրականացնող դատախազին։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
-
15.03.22, 07:23Քարահունջ բնակավայրի վարչական ղեկավարին մեղադրանք է առաջադրվելՊարզվել է Քարահունջ բնակավայրի վարչական ղեկավարի կողմից պաշտոնական փաստաթուղթ ապօրինի ձեռք բերելու և օգտագործելու դեպքի հանգամանքը: -
18.12.18, 05:5487 հաղորդումներից 32-ով մերժվել է քրեական գործ հարուցելը՝ հանցակազմի և հանցադեպի բացակայության հիմքովԴեկտեմբերի 18-ի ժամը 10:00-ի դրությամբ ստացվել է 87 հաղորդում՝ ԱԺ արտահերթ ընտրությունների ընթացքում արձանագրված ընտրախախտումների վերաբերյալ: -
13.12.18, 06:33Հարուցվել է քրեական գործ՝ ընտրական իրավունքի իրականացմանը խոչընդոտելու դեպքի առթիվՍուպերմարկետի աշխատակիցը, խոչընդոտելով ընտրությանը մասնակցող անձանց լիազորությունների իրականացմանը, նրանցից պահանջել է հեռանալ: -
12.12.18, 16:02Հարուցվել է քրեական գործ՝ կրկնակի քվեարկության փորձ կատարելու դեպքի առթիվՔաղաքացին գնացել է նույն ընտրատեղամաս, որտեղ արդեն մեկ անգամ քվեարկել է, և այս անգամ ներկայացնելով իր՝ ՀՀ քաղաքացու անձնագիրը՝ ցանկացել է կրկին քվեարկել: -
11.12.18, 07:2878 հաղորդում, երկու քրեական գործ. ամփոփ տվյալներ՝ Ազգային ժողովի արտահերթ ընտրությունների օրվա և քարոզարշավի շրջանում ստացված հաղորդումների վերաբերյալՍտացվել է 78 հաղորդում՝ ԱԺ արտահերթ ընտրությունների ընթացքում արձանագրված ընտրախախտումների վերաբերյալ, որոնք առերևույթ պարունակում են քրեական օրենսգրքով նախատեսված հանցագործության հատկանիշներ։ -
10.12.18, 08:20Առերևույթ ընտրախախտումների վերաբերյալ ՀՀ քննչական կոմիտեն դեկտեմբերի 10-ի ժամը՝ 12:00-ի դրությամբ ստացել է 55 հաղորդում6 նյութ, կրկնակի քվեարկության փորձ կատարելու վերաբերյալ, ստացվել է Զինվորական քննչական գլխավոր վարչությունում: -
09.12.18, 16:22Առերևույթ ընտրախախտումների վերաբերյալ ՀՀ քննչական կոմիտեն 20:00-ի դրությամբ ստացել է 38 հաղորդումՍտացվել է 38 հաղորդում, որոնցից 8-ը՝ Երևանում, 4-ը` Սյունիքի, 7-ը` Շիրակի, 3-ը` Արագածոտնի, 5-ը` Արարատի, 5-ը` Գեղարքունիքի, 2-ը` Արմավիրի, 1-ական` Վայոց ձորի և Լոռու մարզերում: -
09.12.18, 13:55Առերևույթ ընտրախախտումների վերաբերյալ ՀՀ քննչական կոմիտեն ստացել է 12 հաղորդումԺամը 18:00-ի դրությամբ ստացվել է 12 հաղորդում՝ ԱԺ արտահերթ ընտրությունների ընթացքում արձանագրված առերևույթ ընտրախախտումների վերաբերյալ: