Քննչական կոմիտեի նախագահը կոչումներ է շնորհել ՔԿ աշխատակիցներին (լուսանկարներ)
![Քննչական կոմիտեի նախագահը կոչումներ է շնորհել ՔԿ աշխատակիցներին (լուսանկարներ) Քննչական կոմիտեի նախագահը կոչումներ է շնորհել ՔԿ աշխատակիցներին (լուսանկարներ)](https://investigative.am/storage/files/2019/01/1546958710,5742.jpeg?token=06744fe8baaff14787bd5ffa0d94084fa6085102)
Հայաստանի Հանրապետության քննչական կոմիտեի նախագահ Հայկ Գրիգորյանը բարեխիղճ և արդյունավետ աշխատանքի, ինչպես նաև իրավակարգի և օրինականության ամրապնդման գործում ներդրած ավանդի համար արդարադատության առաջին և երկրորդ դասի խորհրդականի կոչումներ է շնորհել ՀՀ ՔԿ աշխատակիցներին:
Հայկ Գրիգորյանը հանձնել է նաև ՀՀ Ազգային անվտանգության ծառայության տնօրենի հրամանով՝ «Անվտանգության մարմինների 100 ամյակ հոբելյանական» մեդալով պարգևատրված քննչական կոմիտեի աշխատակիցների մեդալները:
Քննչական կոմիտեի նախագահը շնորհավորել է ՔԿ աշխատակիցներին՝ ստացած պարգևների կապակցությամբ:
Նա ընդգծել է, որ կոչումներ ստացած անձինք իրենց ոգին պետք է ներդնեն աշխատանքում՝ հասնելով նորանոր հաջողությունների: