Վերապատրաստում կիբեռհանցագործությունների քննության հմտությունների զարգացման նպատակով՝ Գերմանիայի և Եվրոպոլի հրավիրյալ մասնագետների կողմից (լուսանկարներ)
ՀՀ քննչական կոմիտեի հատկապես կարևոր գործերի քննության գլխավոր վարչության կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչությունը շարունակում է կոմիտեի տարածքային մարմինների և ստորաբաժանումների առանձին քննիչների բարձր տեխնոլոգիաների ոլորտում կատարվող հանցագործությունների վարույթներով և էլեկտրոնային ապացույցների ձեռքբերման հմտությունների զարգացմանն ուղղված վերապատրաստման դասընթացների շարքը։
Հերթական՝ թվով 13-րդ վերապատրաստման դասընթացն անցկացվել է ՀՀ արդարադատության ակադեմիայում։ Դասընթացը վարելու համար վարչության կողմից հրավիրվել են Գերմանիայի Դաշնային Հանրապետության Թյուրինգիայի երկրամասի քրեական հետախուզության պետական գրասենյակի ղեկավարն ու գրասենյակի 3 մասնագետներ, ինչպես նաև Եվրոպոլում Գերմանիայի Դաշնային Հանրապետության գրասենյակի պատասխանատուներ։
Երկօրյա դասընթացների թեման էր «Կազմակերպված հանցավորության դեմ պայքարը ՀՀ-ում և ԵՄ-ում։ Միջազգային համագործակցությունը անդրազգային հանցագործության դեմ պայքարի ոլորտում»։
Գերմանիայի Դաշնային Հանրապետության պատվիրակությանն ընդունել է ՀՀ քննչական կոմիտեի նախագահի տեղակալ Ա․Այվազյանը։
Նա շնորհակալություն է հայտնել հյուրերին իրենց հարուստ փորձով կիսվելու պատրաստակամության համար։
Արսեն Այվազյանը, կարևորելով քննիչների պարբերական վերապատրաստման գործընթացը, հույս հայտնեց, որ բարձր տեխնոլոգիաների ոլորտում երկու պետությունների և Եվրոպոլի միջև մասնագետների վերապատրաստմանն ուղղված միջոցառումները կկրեն շարունակական բնույթ՝ հաշվի առնելով այս բնույթի՝ դինամիկ զարգացում ապրող անդրազգային հանցագործությունների հակազդման ոլորտում համընդհանուր ջանքերի համատեղման, փորձի և տեղեկատվության փոխանակման կարևորությունը։
Գերմանիայի Դաշնային Հանրապետության պատվիրակության և Եվրոպոլի ներկայացուցիչները պատրաստակամություն հայտնեցին շարունակելու տվյալ ոլորտում ՀՀ քննչական կոմիտեի քննիչների վերապատրաստման և փորձի փոխանակման գործընթացը, ինչպես նաև անհրաժեշտ խորհրդատվական և մեթոդական աջակցություն տրամադրել անդրազգային հանցագործությունների վարույթներով տվյալների ստացման համար։
-
27.09.24, 15:33ՀՀ քննչական կոմիտե է այցելել ՀՀ-ում ԱՄՆ դեսպանատան թմրամիջոցների դեմ պայքարի և իրավապահ համագործակցության գրասենյակի նորանշանակ տնօրենը. քննարկվել են գործակցության զարգացման հարցեր (լուսանկարներ)ՀՀ ՔԿ նախագահի տեղակալ Ա.Այվազյանն այսօր ընդունել է Հայաստանում ԱՄՆ դեսպանատան թմրամիջոցների դեմ պայքարի և իրավապահ համագործակցության գրասենյակի տնօրենի գլխավորած պատվիրակությանը։ -
27.08.24, 18:27ԱՄՆ հետաքննությունների դաշնային բյուրոյի՝ Հայաստանում և Վրաստանում իրավական կցորդն այցելել է ՀՀ քննչական կոմիտե. քննարկվել են հետագա գործակցության հարցեր (լուսանկարներ)Կարևորվել է հանրային առանձնակի վտանգավորություն ունեցող հանցատեսակներով նախաքննության արդյունավետության բարձրացման, քրեական վարույթներով տեղեկատվության, փորձի փոխանակման գործընթացների շարունակումը։ -
10.04.24, 12:13ՀՀ քննչական կոմիտեում ԱՄՆ-ից ժամանած փորձագետների հետ քննարկվել են Հայաստանում փորձաբժշկական ԴՆԹ տվյալների բազայի զարգացման խնդիրներըՀՀ քննչական կոմիտեում այսօր հյուրընկալվել է ամերիկյան «GTH Consulting» խորհրդատվական ընկերության պատվիրակությունը։ -
26.03.24, 14:29ԱՄՆ Մերձավոր Արևելքի Հարավային Ասիայի ռազմավարական հետազոտությունների (NESA) կենտրոնի ղեկավար և դասախոսական կազմի ներկայացուցիչները՝ ՀՀ քննչական կոմիտեում․ վերապատրաստման ոլորտում համագործակցության պայմանավորվածություններ են ձեռք բերվելՀՀ քննչական կոմիտեի նախագահի տեղակալ Արսեն Այվազյանն կոմիտեում ընդունել է ԱՄՆ պատվիրակությանը։ -
25.03.24, 13:24Քննարկվել են Քննչական կոմիտեի և ԱՄՆ ԹՊԻՀ գրասենյակի միջև համագործակցության ոլորտներըԱրսեն Այվազյանն ընդունել է ԱՄՆ թմրամիջոցների և իրավապահ համագործակցության դեպարտամենտի՝ Հայաստանում,Վրաստանում և Մոլդովայում ծրագրերի պատասխանատու Մարի Կուրթին։ -
14.07.23, 12:14ՀՀ քննչական կոմիտեում հյուրընկալվել են Երիտասարդ առաջնորդների հակակոռուպցիոն դպրոցի ունկնդիրները (լուսանկարներ)Երիտասարդները հետաքրքրվել են ՔԿ-ում քննվող կոռուպցիոն վարույթների ծավալներից, քրեական վարույթներով քննությունների արդյունավետության բարձրացման ուղղությամբ ձեռնարկվող միջոցներից։ -
16.05.23, 15:15Համագործակցության հուշագիր՝ ՀՀ քննչական կոմիտեի և ԱՄՆ հետաքննությունների դաշնային բյուրոյի միջև (լուսանկարներ, տեսանյութ)ՀՀ քննչական կոմիտեի և ԱՄՆ արդարադատության դեպարտամենտի հետաքննությունների դաշնային բյուրոյի (ՀԴԲ) միջև գործակցությունը թևակոխում է որակապես նոր շրջափուլ։ -
31.03.23, 08:05ՀՀ քննչական կոմիտեում քննարկվել են մարդկանց թրաֆիքինգի վարույթներով զոհակենտրոն քննության արդյունավետության առավել բարձրացման խնդիրները (լուսանկարներ)ՀՀ քննչական կոմիտեն զարգացնում է հասարակական կառույցների հետ համագործակցությունը։