Արձագանք. Մեղադրյալը հրավիրվել է քննչական գործողության. քաղաքական նպատակներով հնչեցվող հայտարարությունները չեն մեկնաբանվում
ՀՀ քննչական կոմիտեի ՀԿԳ քննության գլխավոր վարչության վարույթում քննվող քրեական գործով մեղադրյալ Ժիրայր Սեֆիլյանը հունվարի 12-ին հրավիրվել է հերթական քննչական գործողության, ինչի վերաբերյալ մեղադրյալը մամուլում հանդես է եկել տարաբնույթ մեկնաբանություններով։
Հաշվի առնելով հանրության՝ ստուգված տեղեկություն ստանալու իրավունքը՝ պարզաբանում ենք, որ Ժ.Սեֆիլյանը հունվարի 12-ին՝ ժամը 17-ին, հրավիրվել է որպես մեղադրյալ լրացուցիչ հարցաքննության: Նա ներկայացել է վարույթն իրականացնող մարմնին՝ փաստաբանի հետ միասին և օգտվելով իր իրավունքներից՝ հրաժարվել է ցուցմունք տալ, պատասխանել քննիչի հարցերին։
Նրան պարզաբանվել են օրենսդրությամբ նախատեսված իր իրավունքներն ու պարտականությունները, այդ թվում՝ իր նկատմամբ ընտրված «ստորագրություն չհեռանալու մասին» խափանման միջոցի պայմանների պահպանման պարտականությունը, կարգը։
Ինչ վերաբերում է Ժ.Սեֆիլյանի կողմից ԶԼՄ-ներում հրապարակված այն հայտարարությանը, թե ՀՀ քննչական կոմիտեում իրեն սպառնացել են կալանքի վերցնել՝ քաղաքական գործունեությունը չդադարեցնելու դեպքում, ապա դա իրականությանը բացարձակապես չի համապատասխանում, նախաքննական մարմինը ապաքաղաքական պետական հիմնարկ է և քաղաքական նպատակներով հնչեցվող հայտարարությունները չի մեկնաբանում։
-
31.07.20, 15:44Քննություն է տարվում՝ Ժիրայր Սեֆիլյանի կողմից դատավոր Մեսրոպ Մակյանին առերևույթ զրպարտելու դեպքի հանգամանքները պարզելու ուղղությամբԺիրայր Սեֆիլյանը, Երևան քաղաքի ընդհանուր իրավասության դատարանի դատավոր Մեսրոպ Մակյանին զրպարտելու հանգամանքի վերաբերյալ, հրավիրվել է հարցաքննության: -
04.07.16, 14:26Մեղադրանք է առաջադրվել` ապօրինի կերպով ռազմամթերք ձեռք բերելու և պահելու համարՀուլիսի 1-ին կատարված խուզարկությամբ հայտնաբերված 488 հատ փամփուշտի վերաբերյալ նյութերով հարուցվել է նոր քրեական գործ և առանձացնել առանձին վարույթում։ -
01.07.16, 13:51Խուզարկությունների արդյունքում հայտնաբերվել և առգրավվել են մարտական փամփուշտներՇարունակվում է մի խումբ անձանց կողմից նախնական համաձայնությամբ ապօրինի կերպով զենք, ռազմամթերք ձեռք բերելու, պահելու, փոխադրելու դեպքի առթիվ հարուցված քրեական գործի նախաքննությունը։ -
22.06.16, 10:09Ժիրայր Սեֆիլյանին մեղադրանք է առաջադրվելՀունիսի 22-ին Ժիրայր Սեֆիլյանին մեղադրանք է առաջադրվել ՀՀ քրեական օրենսգրքի 235-րդ հոդվածի 2-րդ մասով։ -
20.06.16, 08:53Ձերբակալվել է Ժիրայր Սեֆիլյանը2016թ. հունիսի 20-ին ձերբակալվել է Ժիրայր Սեֆիլյանը՝ մի խումբ անձանց կողմից ապօրինի կերպով զենք և ռազմամթերք ձեռք բերելը, փոխադրելը և պահելը կազմակերպելու կասկածանքով։ -
10.04.15, 13:58Մեղադրանք է առաջադրվել ապօրինի ռազմամթերք ձեռք բերելու և պահելու համար (Լրացված)ՀԿԳ քննության գլխավոր վարչության վարույթում շարունակվում է մի խումբ անձանց կողմից 2015թ. ապրիլի 24-ին Երևան քաղաքում զանգվածային անկարգություններ կազմակերպելու նախապատրաստության փաստի առթիվ հարուցված քրեական գործով նախաքննությունը։ -
10.04.15, 07:19Մեղադրանք է առաջադրվել զանգվածային անկարգություններ կազմակերպելու նախապատրաստության համարՀԿԳ քննության գլխավոր վարչության վարույթում շարունակվում է մի խումբ անձանց կողմից Երևան քաղաքում զանգվածային անկարգություններ կազմակերպելու նախապատրաստության փաստի առթիվ հարուցված քրեական գործով նախաքննությունը։ -
09.04.15, 15:53Խուզարկությունների արդյունքում հայտնաբերվել են մարմնական վնասվածքներ պատճառելու համար հարմարեցված տարբեր առարկաներ (Տեսանյութ)Շարունակվում է մի խումբ անձանց կողմից 2015թ. ապրիլի 24-ին Երևան քաղաքում զանգվածային անկարգություններ կազմակերպելու նախապատրաստության փաստի առթիվ հարուցված քրեական գործով նախաքննությունը։