Ավագ քննիչի նկատմամբ կիրառվել է կարգապահական տույժ և դադարեցվել նրա լիազորությունները
ՀՀ քննչական կոմիտեի նախագահ Աղվան Հովսեփյանը հրաման է ստորագրել՝ Շենգավիթ վարչական շրջանի քննչական բաժնի ավագ քննիչի նկատմամբ որպես կարգապահական տույժ առավելագույն պատժատեսակը կիրառելու՝ լիազորությունները դադարեցնելու վերաբերյալ։
ՀՀ քրեական օրենսգրքի 118-րդ հոդվածի (ծեծ) հատկանիշներով հարուցված և կոնկրետ քննիչի վարույթում քննված քրեական գործի նախաքննության ընթացքում ի հայտ են եկել ՀՀ քրեական դատավարության օրենսգրքով սահմանված նորմերի խախտումներ, որոնց արդյունքում պատշաճ միջոցներ չեն ձեռնարկվել՝ գործի հանգամանքների բազմակողմանի, լրիվ և օբյեկտիվ հետազոտման, իրական հանգամանքները բացահայտելու համար։
Հաշվի առնելով արձանագրված խախտումները՝ «ՀՀ քննչական կոմիտեի մասին» ՀՀ օրենքով սահմանված կարգով կոմիտեի նախագահը գրավոր միջնորդություն է ներկայացրել ՀՀ քննչական կոմիտեի կարգապահական հանձնաժողովին՝ խախտումներ թույլ տված ավագ քննիչի նկատմամբ «լիազորությունների դադարեցում» կարգապահական տույժ կիրառելու վերաբերյալ։
Կարգապահական հանձնաժողովի՝ դեկտեմբերի 12-ի նիստում միաձայն բավարարվել է միջնորդությունը։ Նույն օրը հանձնաժողովը քննարկել է ևս երկու քննիչի թույլ տված խախտումների հարցը և նրանց նկատմամբ կիրառել կարգապահական այլ տույժեր։
ՀՀ քննչական կոմիտեի ղեկավարությունը հետևողական է լինելու ծառայողների կարգապահական խախտումների կանխարգելմանը, այդպիսիք ծնող պատճառների վերացմանը և ծառայողական կարգապահության ամրապնդմանը՝ կարևորելով քրեական գործի հանգամանքների բազմակողմանի, լրիվ և օբյեկտիվ հետազոտումը։
Քննության որակի բարձրացումը, քննիչի անկախության ապահովումը կոմիտեի առաջնահերթ խնդիրներն են, և գործուն միջոցառումներ են ձեռնարկվում կոմիտեի ծառայողի անկախությունն ու իրավունքների պաշտպանությունը, նյութակենցաղային պայմանները բարելավելու ուղղությամբ՝ միաժամանակ խիստ վերաբերմունք դրսևորելով խախտումներ թույլ տված ծառայողների նկատմամբ, ովքեր օրենքով սահմանված կարգով կենթարկվեն պատասխանատվության՝ ըստ խախտման տեսակի։
-
29.01.24, 16:472023թ․ ընթացքում քրեադատավարական օրենքի կոպիտ խախտումներ թույլ տալու համար ՀՀ քննչական կոմիտեում ինքնավար պաշտոն զբաղեցնող 13 անձ (քննիչ) ազատվել է զբաղեցրած պաշտոնից․ ամփոփում2023թ․ ՀՀ քննչական կոմիտեն, էական աշխատանքներ է կատարել Կոմիտեի ինքնավար պաշտոն զբաղեցնող անձանց կարգապահության ամրապնդման, կարգապահական խախտումների կանխարգելման, հայտնաբերման, խափանման և բացահայտման ուղղությամբ: -
27.06.23, 11:32Քրեադատավարական և կարգապահական կանոնների խախտման համար, ՀՀ ՔԿ նախագահի հրամանով, զբաղեցրած պաշտոնից ազատվել է երկու քննիչՀՀ քննչական կոմիտեն շարունակում է հետևողական պայքարը՝ համակարգում գործառութային պարտականությունները անփույթ ու անբարեխիղճ կատարելու դրսևորումների, թույլ տրվող կարգապահական կոպիտ խախտումների դեմ։ -
27.02.23, 11:11ՀՀ քննչական կոմիտեի կարգապահական հանձնաժողովի կազմում կատարվել են փոփոխություններՔԿ կարգապահական հանձնաժողովը կազմված է 8 անդամից, որոնցից 4-ը՝ Քննչական կոմիտեից, 4-ը՝ Կառավարության նշանակած ներկայացուցչից: -
17.01.23, 07:25Երկու քննիչ ենթարկվել է «պաշտոնից ազատում» կարգապահական տույժի և հեռացվել համակարգիցՀՀ քննչական կոմիտեն հետամուտ է համակարգն իրենց գործառութային պարտականությունների կամ կարգապահական կանոնների նկատմամբ անբարեխիղճ, անպատասխանատու կադրերից թոթափելուն։ -
17.08.18, 13:41ՀՀ քննչական կոմիտեի նախագահի հրամանը`ՀՀ ՔԿ կարգապահական հանձնաժողովի անդամներ նշանակելու մասինՀՀ քննչական կոմիտեի նախագահը հրաման է ստորագրել`ՀՀ ՔԿ կարգապահական հանձնաժողովի անդամներ նշանակելու մասին:
-
17.08.18, 13:27ՀՀ քննչական կոմիտեի նախագահի հրամանը`ՀՀ ՔԿ կարգապահական հանձնաժողովի անդամների լիազորությունների դադարեցման մասինՀՀ ՔԿ նախագահի հրամանով դադարեցվել են ՔԿ կարգապահական հանձնաժողովի անդամների լիազորությունները: