Լրահոս
27.03.15,
15:38
Ավազակային հարձակում Նոյեմբերյանում. երկու անձի մեղադրանք է առաջադրվել
ՀՀ քննչական կոմիտեի Տավուշի մարզային քննչական վարչությունում ավարտվել է ոսկյա զարդերի խանութի նկատմամբ ավազակային հարձակում կատարելու դեպքի առթիվ հարուցված քրեական գործի նախաքննությունը, որի շրջանակներում մեղադրանք է առաջադրվել երկու անձի։
Նախաքննության ընթացքում պարզվել է, որ Տաշիր քաղաքի բնակիչ, 24-ամյա Տ.Յարատովը և Ստեփանավանի բնակիչ Ա.Գուրոկլյանը, նախնական պայմանավորվածության գալով, 2014թ. օգոստոսի 13-ին՝ ժամը 10:08-ին, մուտք են գործել Նոյեմբերյանի բնակչուհի, անհատ ձեռնարկատեր Ա.Զալինյանին պատկանող ոսկյա զարդերի խանութ։ Որսորդական դանակի գործադրմամբ կյանքի եւ առողջության համար վտանգավոր բռնություն գործադրելու սպառնալիքով Տ.Յարատովը հարձակվել է վաճառողուհու վրա և պահանջել հանձնել ոսկյա զարդերը, իսկ Ա.Գուրոկլյանը հսկել է խանութի շրջակայքը։
Հանդիպելով վաճառողուհու դիմադրությանը՝ առերեւույթ հանցագործություն կատարած անձինք դիմել են փախուստի։
Ձեռք բերված ապացույցների համակցությամբ Տ.Յարատովին առաջադրվել է մեղադրանք ՀՀ քրեական օրենսգրքի 175-րդ հոդվածի 2-րդ մասի 1-ին, 4-րդ կետերի և 235-րդ հոդվածի 4-րդ մասի հատկանիշներով, իսկ Ա.Գուրոկլյանին՝ ՀՀ քրեական օրենսգրքի 175-րդ հոդվածի 2-րդ մասի 1-ին, 4-րդ կետերով։
Քրեական գործը՝ մեղադրական եզրակացությամբ, ուղարկվել է նախաքննության օրինականության նկատմամբ հսկողություն իրականացնող դատախազին, ով հաստատել է մեղադրական եզրակացությունը եւ գործն ուղարկել դատարան։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
Հարակից թեմաներ
Տեսնել ավելին
-
03.04.24, 19:00Ավազակության փորձ՝ «Հայփոստ»-ի բաժանմունքում․ քրեական վարույթի շրջանակներում պարզվում են հանգամանքներըՀաղորդում է ստացվել այն մասին, որ 2024թ․ ապրիլի 3-ին անհայտ անձը դիմակավորված և զինված մուտք է գործել Բագրատունյաց փողոցում գտնվող փոստային բաժանմունք և գումար պահանջել: -
09.02.24, 17:59Արթիկ քաղաքում 2 անձի նկատմամբ ավազակային հարձակում կատարելու դեպքի առթիվ նախաձեռնվել է քրեական վարույթՊարզվում են Արթիկ քաղաքում 2 անձի նկատմամբ ավազակային հարձակում կատարելու դեպքի հանգամանքները։ -
25.11.23, 10:15Ավազակային հարձակում որդու կողմից՝ մոր նկատմամբ. վարույթի նյութերն ուղարկվել են դատարանՈրդին մորից պահանջել է իրեն գումար տալ, այնուհետև հարձակվել է նրա վրա, քաշքշել նրան, խլել պայուսակը, ապա ձեռքով հարվածելով՝ գցել բազմոցին: -
22.09.23, 15:40Ավազակություն՝ Երևանում. հափշտակվել է 5900 ԱՄՆ դոլար, ատրճանակ, բջջային 3 հեռախոս և անձնագիր. նախաձեռնվել է քրեական վարույթՊարզվում են խմբի կողմից քաղաքացուց բռնությամբ հափշտակություն կատարելու դեպքի հանգամանքները: -
17.02.23, 07:58Գողությամբ և ավազակությամբ Երևանում Հնդկաստանի քաղաքացուց հափշտակել են ավելի քան 75 000 ԱՄՆ դոլար. քրեական գործը դատարանում էԱվարտվել է Հնդկաստանի Հանրապետության քաղաքացու նկատմամբ կատարված ավազակության, առանձնապես խոշոր չափերով գումար հափշտակելու դեպքի առթիվ նախաձեռնված քրեական վարույթի նախաքննությունը: -
26.10.22, 11:5917-ամյա երիտասարդը ձերբակալվել է՝ Հնդկաստանի քաղաքացու նկատմամբ ավազակություն կատարելու կասկածանքովԻրականացվում են քննչական և վարութային գործողություններ՝ Հնդկաստանի քաղաքացու նկատմամբ տեղի ունեցած ավազակության հանգամանքները պարզելու ուղղությամբ: -
13.06.22, 10:32Ավազակություն տարադրամի փոխանակման կետի աշխատակցի նկատմամբԴիմակավորված անձը, նռնակով զինված, մուտք է գործել առևտրի կենտրոնում գործող տարադրամի փոխանակման կետ, քաշել է նռնակի օղակը և հափշտակել տարադրամի փոխանակման կետում առկա կանխիկ գումարը: -
07.07.21, 07:00Բացահայտվել է տարեց կնոջ նկատմամբ կատարված ավազակային հարձակման դեպքը (լուսանկարներ)Վաղաշեն համայնքի բնակիչը ձերբակալվել է՝ տարեց կնոջ նկատմամբ ավազակային հարձակում կատարելու կասկածանքով. վերջինիս անձնական խուզարկությամբ հայտնաբերվել է դանակ, սպորտային գլխարկ և բժշկական դիմակ։