Բացահայտվել է տնտեսվարող սուբյեկտի կողմից առանձնապես խոշոր չափերով հարկեր չվճարելու դեպք. պետական բյուջե է վերականգնվել 300.000.000 ՀՀ դրամ
ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննվող քրեական վարույթով բացահայտվել է տնտեսվարող սուբյեկտի կողմից առանց հաշվարկային փաստաթղթերի տրամադրման ապրանքներ իրացնելու և առանձնապես խոշոր չափերով հարկեր չվճարելու դեպք։
Քննվող քրեական վարույթի նախաքննության ընթացքում կատարված մեծածավալ վարութային գործողությունների, ՀՀ պետական եկամուտների կոմիտեի հետաքննության և օպերատիվ հետախուզության վարչության աշխատակիցների ձեռնարկած օպերատիվ-հետախուզական միջոցառումների և ՀՀ պետական եկամուտների կոմիտեի հարկային տեղեկատվության և ռիսկերի վերլուծության վարչության աշխատակիցների իրականացրած ուսումնասիրությունների արդյունքում փաստական տվյալներ են ձեռք բերվել այն մասին, որ ավտոմեքենաների մասերի ու այլ պարագաների ներմուծմամբ և առևտրով զբաղվող ընկերության տնօրենը, լինելով ընկերության հաշվապահական հաշվառումը կազմակերպելու, հարկային օրենսդրությամբ նախատեսված հաշվետվություններ, հաշվարկներ, հարկման հիմք հանդիսացող այլ փաստաթղթեր ու տեղեկություններ սահմանված ժամկետում հարկային մարմին ներկայացնելու, հարկերը ճիշտ և ինքնուրույն հաշվարկելու, ժամանակին վճարելու համար պատասխանատու անձ, նույն ընկերության հաշվապահի հետ նախնական համաձայնությամբ, հարկեր չվճարելու նպատակով, խախտելով «Ավելացված արժեքի հարկի մասին» ՀՀ օրենքի, «Շահութահարկի մասին» ՀՀ օրենքի և ՀՀ հարկային օրենսգրքի պահանջները, 2016 թվականի սեպտեմբերից 2020 թվականի հունվար ընկած ժամանակահատվածում թաքցրել է ընկերության հարկման օբյեկտը: Այն է՝ վաճառքներ իրականացնելիս չի տրամադրել հսկիչ դրամարկղային մեքենայի կտրոններ և դուրս չի գրել հարկային հաշիվներ, իսկ հարկային հաշվարկներում մտցրել է խեղաթյուրված տվյալներ, ինչի հետևանքով պետական բյուջե չի վճարել առանձնապես խոշոր չափերով հարկեր։
Քրեական վարույթով ձեռք բերված բավարար փաստերի հիման վրա ընկերության տնօրենի և հաշվապահին մեղադրանք է ներկայացվել՝ ՀՀ նախկին քրեական օրենսգրքի 205-րդ հոդվածի 2-րդ մասով (համապատասխանում է ՀՀ գործող քրեական օրենսգրքի 290-րդ հոդվածի 3-րդ մասի 2-րդ կետին):
Նախաքննության ընթացքում ընկերության հիշյալ պատասխանատու անձինք հարկային մարմին են ներկայացրել ճշտված հարկային հաշվարկներ, հայտարարագրել նախկինում թաքցված շրջանառությունը և պետական բյուջե են վճարել 300 000 000 ՀՀ դրամ։
Նախաքննությունը շարունակվում է։
-
11.04.24, 12:07Առանձնապես խոշոր չափերով հարկեր չվճարելու հերթական վարույթով պետական բյուջե է վերականգնվել 250․000․000 ՀՀ դրամՆախաքննության ընթացքում ընկերության պատասխանատու անձինք ներկայացրել են ճշտված հարկային հաշվարկներ, հայտարարագրել են նախկինում թաքցված շրջանառությունը: -
21.03.24, 09:59Անապրանք գործարքներով հանցավոր սխեմայի կիրառմամբ օղու արտադրությամբ զբաղվող ընկերությունը պետությունից շուրջ 3,2մլրդ դրամի հարկեր է թաքցրել․ 1,6 մլրդ դրամի վնասը վերականգնվել էՆախաքննության ընթացքում պետությանը պատճառված 3.193.056.747 ՀՀ դրամ վնասից 1.671.527.000 ՀՀ դրամը վերականգնվել է, որն ուղղվել է հարկային պարտավորությունների մարմանը, իսկ մնացյալ մասով կազմվել է վճարման ժամանակացույց: -
28.12.23, 12:31«Երևան» բժշկական կենտրոնի 2 նախկին տնօրենները և գլխավոր հաշվապահը խուսափել են 299 միլիոն ՀՀ դրամ հարկը պետական բյուջե վճարելուց․ նախաքննությունն ավարտվել էԲժշկական կենտրոնի տնօրենները և գլխավոր հաշվապահը խուսափել են առանձնապես խոշոր չափի՝ ընդհանուր 299.255.008 ՀՀ դրամ հարկը պետական բյուջե վճարելուց: -
08.12.23, 10:57Պարենային ապրանքների առևտրով զբաղվող ընկերությունը նախաքննությամբ պետբյուջե է վերականգնել նախկինում չվճարված շուրջ 413 000 000 ՀՀ դրամ հարկի գումարը և հաշվարկված տույժերըԲացահայտվել է առանձնապես խոշոր չափերով հարկեր չվճարելու նոր դեպքը։ -
06.12.23, 15:11Նախկինում թաքցված հարկային պարտավորություններից, նախաքննության ընթացքում, պետական բյուջե է վերականգնվել 200.000.000 ՀՀ դրամԲացահայտվել են տնտեսվարող սուբյեկտի կողմից շրջանառությունը թաքցնելու և առանձնապես խոշոր չափերով հարկեր չվճարելու դեպքեր։ -
27.11.23, 12:19Ավտոներկրմամբ և արտահանմամբ զբաղվող ընկերությունը ՌԴ-ում ավտոմեքենաների վաճառքը ձևակերպել է ինքնարժեքից ցածր գնով․ պետությանը պատճառված վնասը՝ 1մլրդ 727մլն դրամ, ամբողջությամբ վերականգնվել էՀամակողմանի և պատշաճ նախաքննության արդյունքում Հայաստանի Հանրապետությանը պատճառված՝ 1․727․733․271 ՀՀ դրամ վնասը ամբողջությամբ վերականգնվել է։ -
24.11.23, 15:18Թռչնաբուծությամբ զբաղվող ընկերությունը քրեական վարույթի շրջանակում ամբողջությամբ վերականգնել է պետությունից թաքցված՝ 256․500․000 դրամի հարկային պարտավորություններըՍՊ ընկերության տնօրենը ամբողջությամբ պետական բյուջե է վերականգնել նախկինում չվճարված հարկի գումարը և հաշվարկված տույժերը, որը ընդհանուր կազմել է շուրջ 256.500.000 ՀՀ դրամ։ -
18.08.23, 15:29Ավելացված արժեքի հարկը և մաքսատուրքը չվճարելու հետևանքով պետությանը պատճառվել է շուրջ 268 մլն. ՀՀ դրամի վնաս. 7 մեղադրյալի մասով նախաքննությունն ավարտվել էԱվարտվել է տևական ժամանակ հարկեր և մաքսատուրք չվճարելու դեպքի առթիվ նախաձեռնված քրեական վարույթի նախաքննությունը: