Լրահոս
21.03.15,
14:33
Բնակելի շենքում վերելակի խցիկի ընկնելու հետևանքով մահացել է երիտասարդ կին. Քննություն է տարվում`պարզելու պատճառները
![Բնակելի շենքում վերելակի խցիկի ընկնելու հետևանքով մահացել է երիտասարդ կին. Քննություն է տարվում`պարզելու պատճառները Բնակելի շենքում վերելակի խցիկի ընկնելու հետևանքով մահացել է երիտասարդ կին. Քննություն է տարվում`պարզելու պատճառները](https://investigative.am/storage/files/2015/03/1427115139,1348.jpeg?token=bfd7c262722abfc57d831216946adaf79dcd0099)
2015 թվականի մարտի 21-ին` ժամը 13:30-ի սահմաններում, վայր է ընկել Երևան քաղաքի Բաշինջաղյան փողոցի 2-րդ նրբանցքի 1-ին շենքի վերելակի խցիկը, որի մեջ գտնվող ուղևորուհին՝ 1978թ. Հ.Շահբազյանը, մահացել է։
Նախնական տվյալներով՝ Հ.Շահբազյանը վերելակով իջնելիս է եղել 11-րդ հարկից, որի ժամանակ վերելակի խցիկը պահող ճոպանները պոկվել են, ինչի հետևանքով վերելակի խցիկը 6-րդ հարկից վայր է ընկել։
Երևանի քննչական վարչության Աջափնյակ և Դավթաշեն վարչական շրջանների քննչական բաժնում կատարվում է քննություն:
Միջոցներ են ձեռնարկվում՝ պարզելու ճոպանների պոկվելու պատճառները։