Երևանի անչափահաս բնակիչը դանակահարվել է ոչ թե բողոքի ակցիայի ժամանակ, այլ` Նորքում տեղի ունեցած վիճաբանության ընթացքում
ՀՀ քննչական կոմիտեի Երևան քաղաքի Կենտրոն և Նորք Մարաշ վարչական շրջանների քննչական բաժնում կատարված բազմակողմանի, օբյեկտիվ և լրիվ քննության արդյունքում պարզվել է, որ 17-ամյա պատանին դանակահարվել է ոչ թե Օպերային հարող տարածքում տեղի ունեցած բողոքի ակցիայի, այլ՝ Նորքում տեղի ունեցած վիճաբանության ժամանակ։
2016 թվականի հուլիսի 30-ին՝ ժամը 22:45-ին, «Արմենիա» ԲԿ-ից ահազանգ էր ստացվել, որ «ձախ գոտկային շրջանի կտրած-ծակած թափանցող վերք» ախտորոշմամբ բուժօգնության է դիմել Երևան քաղաքի բնակիչ, 1998թ սեպտեմբեր ամսին ծնված մի պատանի:
Դեպքի առթիվ Երևան քաղաքի Կենտրոն և Նորք Մարաշ վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասի հատկանիշներով: Պատանին ճանաչվել է տուժող և հարցաքննվել դեպքի շուրջ։ Վերջինս վարույթն իրականացնող մարմնին հայտնել է, որ հուլիսի 30-ին մասնակցել է Ազատության հրապարակում մեկնարկած բողոքի ակցիային, ապա դրան հաջորդած երթին և, հասնելով Ֆրանսիական հրապարակ, ցուցարարների միջև տեղի է ունեցել բախում, որի ժամանակ էլ գոտկային հատվածում ցավ է զգացել։
Քրեական գործով ձեռնարկվել են բազմածավալ քննչական գործողություններ՝ տուժողի ցուցմունքներում մատնանշված հանգամանքները պարզելու, բազմակողմանի, օբյեկտիվ և լրիվ քննությունն ապահովելու ուղղությամբ։ Արդյունքում, բավարար արացույցներ են ձեռք բերվել, որ իրականում պատանին դանակահարվել է ոչ թե բողոքի ակցիայի ժամանակ, այլ՝ բոլորովին այլ վայրում՝ Նորքում կենցաղային հարցերի շուրջ տեղի ունեցած վիճաբանության ընթացքում։ Պարզվել է առերևույթ հանցագործություն կատարած անձի ինքնությունը, ով հոգեկան առողջության հետ կապված որոշակի խնդիրներ ունի և նախկինում համապատասխան բուժհաստատությունում ստացել է բուժում։
Հանձնարարություն է տրվել ոստիկանության ստորաբաժանումներին՝ միջոցներ ձեռնարկել առերևույթ հանցագործություն կատարած անձին հայտնաբերելու և վարույթն իրականացնող մարմնին ներկայացնելու համար։
Նախաքննությունը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
-
03.11.23, 17:06Երկու պատանու դանակահարություն՝ Աբովյան քաղաքում անչափահասների կողմից կատարված խուլիգանության ընթացքում․ 16-ամյա տղային մեղադրանք է ներկայացվելՊարզվում են Աբովյան քաղաքում 2 անչափահասների դանակահարության, մի խումբ անձանց կողմից խուլիգանություն կատարելու դեպքի հանգամանքները: -
17.08.23, 17:19Պատանիների միջև վիճաբանությունն ավարտվել է դանակահարությամբԱվարտվել է անչափահասներին ծանր մարմնական վնաս հասցնելու դեպքի առթիվ նախաձեռնված քրեական վարույթից անջատված մասով նախաքննությունը: -
25.09.21, 10:07Անչափահասի կողմից դանակահարություն կատարելու գործն ուղարկվել է դատարանՊատանին շենքերից մեկի բակում վիճաբանել է բնակիչներից մեկի հետ՝ հայհոյելու և ավտոմեքենայի ձայնարկիչի ձայնը իջեցնելու հարցի շուրջ, և դանակահարել նրան: -
04.03.21, 12:23Ավարտվել է Էջմիածին քաղաքի անչափահաս բնակչին ծանր մարմնական վնաս պատճառելու դեպքի առթիվ հարուցված քրեական գործի նախաքննությունըՊարզվել են Էջմիածին քաղաքի անչափահաս բնակչին ծանր մարմնական վնաս պատճառելու դեպքի հանգամանքները: -
28.07.20, 10:31Ավարտվել է «Զատիկ երեխաների աջակցման կենտրոն» ՊՈԱԿ-ի սանին դանակահարելու դեպքի առթիվ հարուցված քրեական գործի նախաքննությունըՄարմնական վնասվածք պատճառելու դիտավորությամբ, իր մոտ գտնվող ծալովի դանակով մի քանի անգամ հարվածել է «Զատիկ երեխաների աջակցման կենտրոն»-ի սանի մարմնի տարբեր մասերին: -
24.05.19, 06:55Մեղադրանք է առաջադրվել՝ համադասարանցուն ծանր մարմնական վնաս պատճառելու համար. գործն ուղարկվել է դատարանՀՀ ՔԿ Ավան և Նոր Նորք վարչական շրջանների քննչական բաժնում ավարտվել է դպրոցականի կողմից համադասարանցուն դանակահարելու դեպքի առթիվ հարուցված քրեական գործի նախաքննությունը: -
20.11.18, 09:37Բացահայտվել է անչափահասի դանակահարության դեպքըՁեռնարկված մեծածավալ քննչական և դատավարական այլ միջոցառումների արդյունքում պարզվել են դանակահարության դեպքի մի շարք հանգամանքներ: -
07.08.17, 07:19Բացահայտվել է Լոռու մարզում անչափահաս բնակչի դանակահարությունըՎանաձորի անչափահաս բնակիչները վիճաբանել են դպրոցի մոտ, ինչն ավարտվել է դանակահարությամբ: