Երկու քննիչ ենթարկվել է «պաշտոնից ազատում» կարգապահական տույժի և հեռացվել համակարգից
ՀՀ քննչական կոմիտեն հետամուտ է համակարգն իրենց գործառութային պարտականությունների կամ կարգապահական կանոնների նկատմամբ անբարեխիղճ, անպատասխանատու կադրերից թոթափելուն։
ՀՀ քննչական կոմիտեի նախագահ Արգիշտի Քյարամյանի հրամաններով ՀՀ քննչական կոմիտեի ինքնավար (քննիչի) պաշտոն զբաղեցնող երկու անձի նկատմամբ կիրառվել է «պաշտոնից ազատում» կարգապահական տույժ։
Իրականացված կարգապահական վարույթով հիմնավորվել է, որ Կոմիտեի տարածքային ստորաբաժանումներից մեկի հատկապես կարևոր գործերով քննիչը մի քանի քրեական վարույթներով, առանց իրավաչափ նպատակի, տևական ժամանակ դրսևորել է անգործություն: Առանձին վարույթներով 45 օրից մինչև ավելի քան 6 ամիս շարունակ, քննչական և այլ վարութային գործողություններ կատարելու անհրաժեշտությունը պայմանավորող փաստական հիմքերի, ինչպես նաև հսկող դատախազի օրինական, առարկայական ցուցումների առկայության պայմաններում, նա չի ապահովել դրանց պահանջների ամբողջական կատարումը, չի պահպանել քննության ողջամիտ ժամկետները, չի դրսևորել պատշաճ ջանասիրություն։ Վերջինս քրեական վարույթները թողել է անշարժ վիճակում, իսկ որոշ քրեական վարույթներով՝ բավարարվել սակավաթիվ քննչական գործողություններ կատարելով: Բացի այդ, ՀԿԳ քննիչն առանց հիմնավոր պատճառի չի ներկայացել հերթական ատեստավորմանը:
Մյուս դեպքում հարուցված կարգապահական վարույթով հիմնավորվել է, որ Կոմիտեի մեկ այլ տարածքային ստորաբաժանման քննիչը, նշանակված լինելով այդ պաշտոնին, պատշաճ կարգով իրազեկված լինելով պաշտոնի նշանակվելու հրամանի մասին, ընդհանրապես չի ներկայացել աշխատանքի վայր, չի ներկայացրել գրավոր բացատրություն՝ անհարգելի բացակայությունների վերաբերյալ, չի կատարել զբաղեցրած պաշտոնից բխող գործառութային պարտականությունները, ինչի պայմաններում տուժել է արդարադատության և նախաքննության շահը:
Հաշվի առնելով վերոնշյալ խախտումների բնույթը՝ ՀՀ քննչական կոմիտեի նախագահը Կոմիտեի կարգապահական հանձնաժողովին ներկայացրել է վերոնշյալ երկու քննիչների նկատմամբ օրենքով սահմանված ամենախիստ՝ «պաշտոնից ազատում» կարգապահական տույժի կիրառման հնարավորության վերաբերյալ միջնորդություններ։
Կարգապահական հանձնաժողովն իր որոշումներով բավարարել է միջնորդությունները, և ՀՀ ՔԿ նախագահի հրամաններով նշված երկու անձինք ազատվել են զբաղեցրած պաշտոններից։
-
29.01.24, 16:472023թ․ ընթացքում քրեադատավարական օրենքի կոպիտ խախտումներ թույլ տալու համար ՀՀ քննչական կոմիտեում ինքնավար պաշտոն զբաղեցնող 13 անձ (քննիչ) ազատվել է զբաղեցրած պաշտոնից․ ամփոփում2023թ․ ՀՀ քննչական կոմիտեն, էական աշխատանքներ է կատարել Կոմիտեի ինքնավար պաշտոն զբաղեցնող անձանց կարգապահության ամրապնդման, կարգապահական խախտումների կանխարգելման, հայտնաբերման, խափանման և բացահայտման ուղղությամբ: -
27.06.23, 11:32Քրեադատավարական և կարգապահական կանոնների խախտման համար, ՀՀ ՔԿ նախագահի հրամանով, զբաղեցրած պաշտոնից ազատվել է երկու քննիչՀՀ քննչական կոմիտեն շարունակում է հետևողական պայքարը՝ համակարգում գործառութային պարտականությունները անփույթ ու անբարեխիղճ կատարելու դրսևորումների, թույլ տրվող կարգապահական կոպիտ խախտումների դեմ։ -
27.02.23, 11:11ՀՀ քննչական կոմիտեի կարգապահական հանձնաժողովի կազմում կատարվել են փոփոխություններՔԿ կարգապահական հանձնաժողովը կազմված է 8 անդամից, որոնցից 4-ը՝ Քննչական կոմիտեից, 4-ը՝ Կառավարության նշանակած ներկայացուցչից: -
27.01.23, 14:24ՀՀ ՔԿ նախագահի հրամանով, քրեադատավարական կանոնների խախտում կատարելու հիմքով, զբաղեցրած պաշտոնից քննիչ է ազատվելՔննարկվել է ինքնավար պաշտոն զբաղեցնող անձի (քննիչի) նկատմամբ «պաշտոնից ազատում» կարգապահական տույժ կիրառելու վերաբերյալ ՔԿ նախագահի միջնորդությունը: -
17.08.18, 13:41ՀՀ քննչական կոմիտեի նախագահի հրամանը`ՀՀ ՔԿ կարգապահական հանձնաժողովի անդամներ նշանակելու մասինՀՀ քննչական կոմիտեի նախագահը հրաման է ստորագրել`ՀՀ ՔԿ կարգապահական հանձնաժողովի անդամներ նշանակելու մասին:
-
17.08.18, 13:27ՀՀ քննչական կոմիտեի նախագահի հրամանը`ՀՀ ՔԿ կարգապահական հանձնաժողովի անդամների լիազորությունների դադարեցման մասինՀՀ ՔԿ նախագահի հրամանով դադարեցվել են ՔԿ կարգապահական հանձնաժողովի անդամների լիազորությունները: