Լրահոս
17.08.21,
14:33
Հակառակորդի արձակած կրակոցից զինծառայողը հրազենային մարմնական վնասվածք է ստացել
![Հակառակորդի արձակած կրակոցից զինծառայողը հրազենային մարմնական վնասվածք է ստացել Հակառակորդի արձակած կրակոցից զինծառայողը հրազենային մարմնական վնասվածք է ստացել](https://investigative.am/storage/files/2021/08/1629211090,6889.jpeg?token=2c7edf127e70f91fee8fb1c2eb5bca2f7a1efbe2)
2021թ. օգոստոսի 17-ին՝ ժամը 15:00-ի սահմաններում, Գեղարքունիքի մարզի Սոթք համայնքի վարչական տարածքում տեղակայված ՀՀ ՊՆ N զորամասի պահպանության տեղամասում գտնվող մարտական դիրքում հակառակորդի կողմից արձակված կրակոցի հետևանքով աջ սրունքի վերին երրորդականի հետին մակերեսի շրջանում հրազենային մարմնական վնասվածք է ստացել նույն զորամասի հետախուզական վաշտի գնդացրորդ, պարտադիր ժամկետային զինծառայող:
Դեպքի առթիվ ՀՀ քննչական կոմիտեի զինվորական քննչական գլխավոր վարչության հինգերորդ կայազորային քննչական բաժնում ՀՀ քրեական օրենսգրքի 34-104-րդ հոդվածի 2-րդ մասի 2-րդ, 7-րդ և 13-րդ կետերով հարուցվել է քրեական գործ, և կատարվում է նախաքննություն: