Հակառակորդի կողմից զինծառայող Արսեն Կարապետյանի սպանության դեպքի առթիվ հարուցվել է քրեական գործ
![Հակառակորդի կողմից զինծառայող Արսեն Կարապետյանի սպանության դեպքի առթիվ հարուցվել է քրեական գործ Հակառակորդի կողմից զինծառայող Արսեն Կարապետյանի սպանության դեպքի առթիվ հարուցվել է քրեական գործ](https://investigative.am/storage/files/2015/03/1425394957,6.jpeg?token=380570ea2160516db0393151c934a1bc66901a30)
ՀՀ քննչական կոմիտեի զինվորական քննչական գլխավոր վարչությունում հարուցվել է քրեական գործ՝ հակառակորդի կողմից ազգային, ռասայական կամ կրոնական ատելության կամ կրոնական մոլեռանդության շարժառիթով պարտադիր ժամկետային զինծառայող Արսեն Կարապետյանի սպանության դեպքի առթիվ։
02.03.2015թ.՝ ժամը 20:50-ի սահմաններում, հակառակորդի կողմից ազգային, ռասայական, կրոնական ատելության և կրոնական մոլեռանդության շարժառիթով, սպանելու դիտավորությամբ արձակած կրակոցի հետևանքով N զորամասի պահպանության շրջանի մարտական դիրքում դեմքի շրջանում հրազենային վնասվածք է ստացել և տեղում մահացել նույն զորամասի պարտադիր ժամկետային զինծառայող, շարքային Արսեն Կարապետյանը:
Դեպքի առթիվ հարուցվել է քրեական գործ՝ ՀՀ քրեական օրենսգրքի 104-րդ հոդվածի 2-րդ մասի 13-րդ կետով, կատարվում է նախաքննություն: