Լուրեր Զինվորական քննչական գլխավոր վարչությունից
16.08.21,
11:01
Հակառակորդի մարտական դիրքից արձակված կրակոցից զինծառայողը մահացու հրազենային վնասվածք է ստացել. հարուցվել է քրեական գործ
![Հակառակորդի մարտական դիրքից արձակված կրակոցից զինծառայողը մահացու հրազենային վնասվածք է ստացել. հարուցվել է քրեական գործ Հակառակորդի մարտական դիրքից արձակված կրակոցից զինծառայողը մահացու հրազենային վնասվածք է ստացել. հարուցվել է քրեական գործ](https://investigative.am/storage/files/2021/08/1629111813,2462.jpeg?token=aabb2ad63f6bde60224c1c49bbe4d83e1e3974d2)
2021թ. օգոստոսի 16-ին՝ ժամը 09:50-ի սահմաններում, հակառակորդի մարտական դիրքից ՀՀ ՊՆ N զորամասի մարտական դիրքի ուղղությամբ արձակած կրակոցի հետևանքով պայմանագրային զինծառայող Վահան Դիլիկի Թաթոսյանը որովայնի շրջանում ստացել է հրազենային վնասվածք:
Արարատի բժշկական կենտրոն տեղափոխվելու ճանապարհին Վ.Թաթոսյանը մահացել է:
Դեպքի առթիվ ՀՀ քննչական կոմիտեի զինվորական քննչական գլխավոր վարչության ութերորդ կայազորային քննչական բաժնում ՀՀ քրեական օրենսգրքի 104-րդ հոդվածի 2-րդ մասի 2-րդ և 13-րդ կետերով հարուցվել է քրեական գործ, և կատարվում է նախաքննություն: