Հանձնարարվել է ընտրախախտումների վերաբերյալ հաղորդումները քննարկման առարկա դարձնել սեղմ ժամկետում, իսկ արդյունքները՝ ներկայացնել հանրությանը
ՀՀ քննչական կոմիտեի նախագահ Աղվան Հովսեփյանի հրամանով ստեղծվել է աշխատանքային խումբ՝ ապրիլի 2-ին նախատեսված ԱԺ հերթական ընտրությունների ընթացքում (նաև՝ քվեարկության օրը) քաղաքացիների ընտրական իրավունքի խախտումների վերաբերյալ ՔԿ իրավասությանը վերաբերող հաղորդումների քննարկումն օպերատիվ կազմակերպումը, քննությունն առավել փորձառու քննիչների կողմից իրականացումը համակարգելու նպատակով։
Փետրվարի 24-ի թիվ 28 Լ հրամանով ՀՀ ՔԿ մինչդատական վարույթ իրականացնող մարմինների և ստորաբաժանումների պետերին մասնավորապես հանձնարարվել է՝
- արագ արձագանքել ընտրությունների ընթացքում ու դրան հաջորդող շրջանում քաղաքացիների ընտրական իրավունքի խախտումների վերաբերյալ բոլոր հաղորդումներին, կազմակերպել հաղորդումների սեղմ ժամկետում քննարկումն առավել փորձառու քննիչների ներգրավմամբ։
- նյութերի նախապատրաստման, քրեական գործերի հարուցման, ինչպես նաև դրանց ընթացքի մասին անհապաղ հաղորդումներ ուղարկել աշխատանքային խմբի ղեկավարին։
- ապրիլի 2-ին իրականացնել ուժեղացված ծառայություն՝ ծառայողների 100%-ի ներգրավմամբ՝ միաժամանակ քննչական կոմիտեի ծառայողների համար հնարավորություն ընձեռելով որպես ընտրող մասնակցել Ազգային ժողովի հերթական ընտրություններին։
Աշխատանքային խումբը կհամակարգի ՀՀ քննչական կոմիտեի տարածքային քննչական վարչությունների գործունեության վերահսկողության գլխավոր վարչության պետ Թ.Պետրոսյանը։
Հրամանով հանձնարարվել է նաև ՔԿ նախագահի խորհրդականին՝ ապահովել քաղաքացիների ընտրական իրավունքի խախտումների վերաբերյալ հաղորդումների և դրանց քննարկման արդյունքներով Քննչական կոմիտեի մինչդատական վարույթ իրականացնող մարմինների, ստորաբաժանումների կայացրած որոշումների օպերատիվ լուսաբանումը։
Հրամանին ամբողջությամբ կարող եք ծանոթանալ ՀՀ ՔԿ պաշտոնական ինտերնետային էջի «Հրամաններ» բաժնում։
-
30.09.22, 14:37ՏԻՄ ընտրություններին քարոզչություն կատարելուն հարկադրելու դեպքի առթիվ նախաձեռնված քրեական վարույթի շրջանակներում կալանավորվել է նաև Բերդ համայնքի ղեկավարի տեղակալըՄիջնորդություն է ներկայացվել նախաքննության նկատմամբ հսկողություն իրականացնող դատախազին՝ համայնքի ղեկավարի տեղակալի նկատմամաբ հանրային քրեական հետապնդում հարուցելու մասին, որը բավարարվել է: -
24.09.22, 19:30Բերդ համայնքում կայանալիք տեղական ինքնակառավարման մարմինների ընտրություններին քարոզչություն կատարելուն հարկադրելու համար երկու անձի նկատմամբ հարուցվել է հանրային քրեական հետապնդումՊարզվել են 2022 թվականի սեպտեմբերի 25-ին Բերդ համայնքում կայանալիք տեղական ինքնակառավարման մարմինների ընտրություններին քարոզչություն կատարելուն հարկադրելու դեպքի մի շարք հանգամանքներ: -
06.11.17, 09:39Քննչական կոմիտեի տարածքային ստորաբաժանումներում ստացվել է ենթադրյալ ընտրախախտումների վերաբերյալ 13 նյութՍտացվել է 13 նյութ՝ նոյեմբերի 5-ին մարզերում տեղի ունեցած տեղական ինքնակառավարման մարմինների ընտրությունների ընթացքում արձանագրված ընտրախախտումների վերաբերյալ: -
31.05.17, 15:05Մեղադրանք է առաջադրվել՝ 9/53 ընտրատեղամասում այլ անձի փոխարեն քվեարկելու համարԻր մոտ չունենալով անձնագիր՝ եղբոր՝ ՀՀ քաղաքացու անձնագրով մուտք է գործել ընտրատեղամաս, գրանցվել ընտրողների ցուցակում և քվեարկել է մեկ այլ անձի փոխարեն: -
19.04.17, 14:58Կասկածվում է այլ անձի փոխարեն քվեարկելու մեջԱնձնագիրը չի վերցրել և քվեարկությանը մասնակցել է եղբոր անձնագրով, ինչից հետո այն հանձնել է եղբորը։ -
13.04.17, 10:58Ընտրախախտումների վերաբերյալ 7 քրեական գործ ուղարկվել է դատարանՆշված 16 քրեական գործերից 7-ը՝ 7 մեղադրյալների վերաբերյալ͵ ուղարկվել է դատարան͵ 1 քրեական գործի վարույթ կարճվել է՝ հանցակազմի բացակայության հիմքով: -
11.04.17, 11:33Հարուցվել է 15 քրեական գործ͵ որից 4-ն ուղարկվել է դատարանՆշված 15 քրեական գործերից 4-ը՝ 4 մեղադրյալների վերաբերյալ͵ ուղարկվել է դատարան͵ 1 քրեական գործի վարույթ կարճվել է՝ հանցակազմի բացակայության հիմքով: -
08.04.17, 09:57Հարուցվել է քրեական գործ՝ թիվ 20/24 ընտրատեղամասում քվեարկության գաղտնիությունը խախտելու դեպքի առթիվԱհազանգվել էր՝ Ճամբարակ քաղաքի թիվ 20/24 ընտրատեղամասում կատարված ընտրախախտումների մասին։