Հարուցվել է քրեական գործ՝ անչափահասի կողմից մեկ այլ անչափահասի միջին ծանրության վնաս պատճառելու դեպքի առթիվ
ՀՀ քննչական կոմիտեի Երևան քաղաքի Մալաթիա-Սեբաստիա վարչական շրջանի քննչական բաժնում հարուցվել է քրեական գործ՝ անչափահասին դիտավորությամբ միջին ծանրության մարմնական վնաս պատճառելու դեպքի առթիվ՝ ՀՀ քրեական օրենսգրքի 113-րդ հոդվածի 1-ին մասով։
Մարտի 3-ին՝ ժամը 21:55-ին, «Արմենիա» բժշկական կենտրոնից ոստիկանության բաժնում ահազանգ է ստացվել, որ գանգուղեղային հրազենային վնասվածքով իրենց մոտ է տեղափոխվել Երևանի 17-ամյա մի բնակիչ (ծնված 25.08.1997թ.)։
Քրեական գործի նախաքննությամբ պարզվել է, որ անչափահասին աչքի շրջանում մարմնական վնասվածք է պատճառվել օդամղիչ ատրճանակից արձակված կրակոցների հետևանքով՝ 2015 թվականի մարտի 3-ին՝ ժամը 16:00-ին՝ մի շարք այլ անչափահասների մասնակցությամբ տեղի ունեցած վիճաբանության ժամանակ։
Ձեռնարկված քննչական գործողությունների արդյունքում պարզվել է վիճաբանության շարժառիթը, մասնակիցների, առերևույթ հանցագործություն կատարած անձի ինքնությունը։
Կասկածյալը քննչական բաժին է ներկայացրել օդամղիչ ատրճանակը։ Վերջինիս նկատմամբ որպես խափանման միջոց է կիրառվել անչափահաս կասկածյալին ծնողի հսկողությանը հանձնելը:
Մարմնական վնասվածք ստացած անչափահասը ճանաչվել է տուժող և հարցաքննվել։
Նշանակվել են դատաբժշկական և դատաձգաբանական փորձաքննություններ:
Նախաքննությունը շարունակվում է:
Ձեռնարկվում են անհրաժեշտ քննչական գործողություններ՝ դեպքի բոլոր հանգամանքների բազմակողմանի հետազոտումն ապահովելու ուղղությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
-
17.04.24, 12:04Հրազենի գործադրմամբ մարմնական վնասվածքներ ոտքերին՝ Արարատի մարզում․ 34-ամյա տղամարդուն մեղադրանք է ներկայացվելՔննությամբ պարզվում են Արարատի մարզի 47-ամյա բնակչի առողջությանը հրազենի գործադրմամբ վնաս պատճառելու դեպքի հանգամանքները։ -
29.06.23, 08:20Էդգար Ղազարյանին մարմնական վնասվածքներ պատճառելու համար երեք անձի նկատմամբ հանրային քրեական հետապնդում է հարուցվելԱռինջ գյուղի 37 և 31-ամյա բնակիչներն աննկատ հարձակվել են Է.Ղազարյանի վրա, ձեռքերով և ոտքերով բազմաթիվ հարվածներ հասցնել նրա մարմնի տարբեր մասերին՝ պատճառելով մարմնական վնասվածքներ: -
08.11.22, 07:40Ոսկետափ բնակավայրի 32-ամյա բնակչի՝ հրազենային վնասվածք ստանալու դեպքի առթիվ նախաձեռնվել է քրեական վարույթՊարզվել են 30-ամյա տղամարդու հրազենային վնասվածքը ստանալու մի շարք հանգամանքներ՝ դեպքի վայրը, առերևույթ հանցագործություն կատարած անձի իքնությունը, ով հանդիսանում է նույն բնակավայրի՝ 37-ամյա բնակիչ: -
25.04.20, 10:29Հաղթանակի փողոցում հնչած կրակոցների դեպքի առթիվ հարուցվել է քրեական գործ«Միքայելյան վիրաբուժական ինստիտուտ» ՓԲ ընկերություն բուժօգնության են դիմել երկու քաղաքացի՝ հայր և որդի: -
21.12.18, 07:30Ավարտվել է անզգուշությամբ մեկ ուրիշի առողջությանը միջին ծանրության վնաս պատճառելու դեպքի առթիվ հարուցված քրեական գործի նախաքննությունըՎիճաբանության ընթացքում երիտասարդը հրել է համաքաղաքացուն և վերջինս, կորցնելով հավասարակշռությունը, վայր է ընկել՝ ստանալով միջին ծանրության վնասվածքներ: -
12.09.18, 05:12Կրակոցներ «Հրազդան» մարզադաշտի շրջակայքումՔաղաքացին վնասվածքն ստացել է «Հրազդան» մարզադաշտի մոտ տեղի ունեցած վիճաբանության ժամանակ: -
21.07.16, 17:40Մալաթիայում հնչած կրակոցների դեպքի առթիվ հարուցվել է քրեական գործՄալաթիա-Սեբաստիա վարչական շրջանի քննչական բաժնում հարուցվել է քրեական գործ` երկու կամ ավելի անձանց առողջությանը դիտավորությամբ ծանր վնաս պատճառելու դեպքի առթիվ: -
18.05.16, 09:2024-ամյա երիտասարդը հրազենային վնասվածքներով տեղափոխվել է բժշկական կենտրոն. հարուցվել է քրեական գործ«Աստղիկ» բժշկական կենտրոնից ահազանգ է ստացվել, որ հրազենային վնասվածքներով բժշկական կենտրոն է ընդունվել Տարոն Մադաթյանը: