Լրահոս
31.03.15,
12:15
Հարուցվել է քրեական գործ՝ դատարանի նկատմամբ անհարգալից վերաբերմունք ցուցաբերելու դեպքի առթիվ
ՀՀ քննչական կոմիտեի Լոռու մարզային քննչական վարչությունում քրեական գործ է հարուցվել՝ Լոռու մարզի ընդհանուր իրավասության դատարանի նկատմամբ անհարգալից վերաբերմունք ցուցաբերելու դեպքի առթիվ:
Լոռու մարզի ընդհանուր իրավասության դատարանի դատավոր Աղասի Մկոյանի հաղորդման կապակցությամբ նախապատրաստված նյութերով տվյալներ են ձեռք բերվել այն մասին, որ Լոռու մարզի ընդհանուր իրավասության դատարանի Վանաձորի նստավայրում, դատավոր Աղասի Մկոյանի վարույթում ՀՀ քրեական օրենսգրքի 104-րդ հոդվածի 1-ին մասով քննվող քրեական գործով դատաքննության ընթացքում ամբաստանյալի հայրը դատարանի նկատմամբ ցուցաբերել է անհարգալից վերաբերմունք, որը դրսևորվել է՝ պաշտոնեական լիազորությունների իրականացման առնչությամբ դատավորին վիրավորելով:
Նշված դեպքը պատկերող տեսագրությունը տեղադրվել է «Youtube.com» ինտերնետային կայքում:
Դեպքի առթիվ 2015 թվականի մարտի 29-ին ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 343-րդ հոդվածի 3-րդ մասով: Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Հարակից թեմաներ
Տեսնել ավելին
-
17.02.24, 12:05Քաղաքացին վիրավորական և անպարկեշտ արտահայտություններ է հնչեցրել առաջին ատյանի դատարանի 4 դատավորների հասցեին․ վարույթն ուղարկվել է դատարանԱրմավիրի բնակիչը, պաշտոնեական լիազորությունների իրականացման առնչությամբ, անպարկեշտ արտահայտություններ է հնչեցրել դատավորների հասցեին: -
10.04.23, 17:50Լիազորությունների իրականացման առնչությամբ դատավորին վիրավորելու համար Ն.Հ.-ին մեղադրանք է ներկայացվելՊարզվել է, որ Նարիրի Հոխիկյան օգտատիրոջ կողմից կատարվել է գրառում, որում, կապված պաշտոնեական լիազորությունների իրականացման հետ, վիրավորական արտահայտություն է օգտագործվել դատավորի հասցեին։ -
07.04.23, 11:04Լիազորությունների իրականացման առնչությամբ դատավորին վիրավորելու համար մեկ անձի մեղադրանք է ներկայացվելՏվյալներ են ձեռք բերվել այն մասին, որ Գ.Հ.-ն 2023թ. մարտի 29-ին, իր կողմից օգտագործվող «Gagik Hambaryan» ֆեյսբուքյան անհատական էջով՝ հանրությանը հասանելի ռեժիմով կատարել է հրապարակում: -
14.05.15, 13:45Սպանության գործով դատական նիստի ժամանակ դատարանի նկատմամբ անհարգալից վերաբերմունքի համար մեղադրանք է առաջադրվել ամբաստանյալի հորըԱվարտվել է Լոռու մարզի ընդհանուր իրավասության դատարանի նկատմամբ անհարգալից վերաբերմունք ցուցաբերելու դեպքի առթիվ հարուցված քրեական գործի նախաքննությունը: